江希文約友呻足全程
1 :
GS(14)@2016-04-12 18:16:12■江希文（右）前日捉住朋友猛講，幾乎未停過嘴。
【威靈頓街】江希文自從同胡漢清鬧分手兼入稟追討女兒生活費之後，生活質素似乎唔多好，前日晏晝見到江希文去到中環威靈頓街一間餐廳，當時佢同一位女性朋友食飯，坐低落完order，佢就講到停唔到嘴，好似訴緊苦咁。餐飯食咗1個鐘，江希文就講足咁耐，而佢位朋友亦都好有耐性咁邊食邊聽，冇打斷過江希文。食飽飽之後，佢哋一齊行去攞車，短短5分鐘路程，江希文又係繼續講，行到架車度，江希文諗住車埋個朋友走，不過對方話唔使，佢就自己揸車離開。採訪、攝影：徐錦池、畢紹基
來源:
http://hk.apple.nextmedia.com/entertainment/art/20160412/19567094
陳冠希約友煲煙吹水
1 :
GS(14)@2016-05-08 02:56:19■陳冠希（左）離開前，拾起地下的煙蒂放入垃圾桶。
自從08年淫照事件後，一直被內地封殺的陳冠希（Edison），等足8年，最近終接拍內地電影《地獄戀人》，戲中還與內地當紅的井柏然、舒淇和陳妍希做對手。雖然Edison在戲中只做男二，和昔日在電影中擔正做主角不同，不過看通看透的Edison，終於有機會再拍電影，始終是開心事。前晚他趁有空檔返香港與老友見面，他戴着cap帽、穿上間條T恤平底布鞋，坐在大坑楊秀惠新開設的沙冰店門外，與三五知己邊煲煙邊吹水，心情都幾輕鬆。臨走時，Edison還好有手尾，拾起地下剛弄熄的煙蒂放入垃圾桶，有公德心，抵讚！採訪、攝影：徐錦池、潘冠恩
來源:
http://hk.apple.nextmedia.com/entertainment/art/20160507/19601271
舒淇心情靚約友嘆茶
1 :
GS(14)@2017-05-28 10:38:18■舒淇（中）前日戴cap帽及口罩現身中環，原來約了兩友人見面。
舒淇日前現身康城後，已回港小休，前日下午約友人在中環嘆茶，約下午3時半，身穿灰色鬆身外套、戴白色cap帽及口罩的她，只露出雙眼，在荷李活道一間西餐廳現身，與兩名女友人嘆下午茶，而她的七人座駕就停在路旁守候。其間，舒淇背門口坐，與兩名友人傾得相當開心，間中拎出電話玩，一時撳網文來看，一時又回覆微信。舒淇全程心情不錯，與友人傾到手舞足蹈，有講有笑。舒淇原本打算結賬，友人見到記者影相向她提水後，即加快步伐揹粉紅色Hello Kitty背囊走人，而司機亦已開定門等候，舒淇全程都低頭不語。採訪、攝影：黃曉程、朱志聰
來源:
http://hk.apple.nextmedia.com/entertainment/art/20170528/20035880
Next Page