許鞍華趕開戲點名「好鍾意秋生」
1 :
GS(14)@2015-04-22 01:28:26許鞍華執導的《黃金時代》勇奪香港電影金像獎最佳導演及電影等多項大獎，前晚她與失落影后的湯唯，還有《黃飛鴻之英雄有夢》落敗影帝的彭于晏及九把刀等，在尖沙嘴出席慶功宴。許鞍華希望盡快開戲：「整緊劇本，搵資金唔難，想拍一部香港電影，都好想再同湯唯合作，不過唔會夾硬嚟。」她還點名想跟黃秋生合作，她說：「好鍾意秋生，想合作，想同啲未合作過嘅，梁家輝、劉青雲、梁朝偉、張學友都想合作。」
■爾冬陞舉起四隻手指，意思指自己入行四十年。
全新人拍《竊4》
至於爾冬陞（小寶）監製的《竊聽風雲3》為劉青雲及曾江帶來金像獎影帝及最佳男配角的榮譽，他另一部監製的《暴瘋語》也為李光耀帶來新晉導演獎，兩片的台前幕後人員，前晚在尖沙嘴舉行慶功宴，小寶另外舉行慶祝從影40周年派對，小寶透露《竊聽風雲》正構思開拍第4集，但會起用全新演員，尋求新鮮感，但起碼要籌備九個月。採訪：張俊銘、藍文浩攝影：陳慧安、沈健程
來源:
http://hk.apple.nextmedia.com/entertainment/art/20150421/19119369
秋生批超市冇人情味
1 :
GS(14)@2015-06-15 01:08:24■黃秋生指超市報警拉涉偷竊的龍小菌，甚冇人情味。資料圖片
龍小菌前日在超市購物涉盜竊被捕，前輩黃秋生昨日在facebook評論：「睇吓龍小菌去邊間超市買嘢先，咁冇人情味，保安又咁死板昂X，千祈記住咪X去。（我提醒自己啫）」，之後再寫道：「本來想去睇吓，因為好耐冇去，而家算把啦。」龍小菌及其經理人都有給like。不過，秋生的一番話引起網民熱烈討論，有網友質疑事發時有人認得龍小菌，知道她是「黃絲」，故堅持報警，不過有網友反駁：「坦白講我相信普通人唔會認得出，除非當時佢戴住個面具。」亦有網友反問秋生：「你嘅言論公道嗎？保安做份內事就死板昂X？報警就冇人情味？如果你去買嘢唔記得畀錢，人哋報警唔通又係針對你姓黃咩？」撰文：皓騫
來源:
http://hk.apple.nextmedia.com/entertainment/art/20150612/19180988
我主場：君如儲火 撩秋生開拖
1 :
GS(14)@2015-07-23 01:31:33一個性格火爆、一個外表兇惡，會變成怎樣？就好像舞台劇《狂揪夫妻》，演喜劇多年的吳君如，今次處女下海成為舞台劇初哥，壓力大得很，在劇中可以「狂揪」秋生，笑言真是難得機會。現實中的君如自認火爆，試過與另一半陳可辛嗌交嗌到反枱，外表兇惡的秋生則自言怕老婆，經常被老婆呼喝，二人性格剛好相反。撰文：溫敏芝
吳君如拍過無數喜劇，但從未試過演舞台劇，今次與秋生合演的舞台劇《狂揪夫妻》將於下月6日在灣仔演藝學院公演，君如坦言班底好、劇本好才被吸引，加上由好友秋生邀請，才放膽去演。日前君如與秋生在九龍灣接受本報專訪，君如說：「其實之前都有人搵我演舞台劇，有時劇本唔啱，有時時間唔啱，今次因為有秋生、甄詠蓓同潘燦良咁好嘅班底，所以先試吓，對自己都幾大挑戰，我唔怕比較嘅，佢哋會就住我，如果做得好，咪好囉，做得唔好係應該嘅，不過我都要對自己有信心。」君如在劇中有多場「狂揪」秋生戲份，問到會否動真手打對方時，她笑說：「堅啦，佢咁多pat（墊）怕乜，不過佢啲肉好難打得入，成日話自己習武。」在旁的秋生即笑說：「因住我擋一擋你，你骨都斷埋，哈哈。」君如坦言現時最困難是要熟讀對白及劇本，她說：「啲對白又抵死又陰濕又好笑，好難記，一人一句彈嚟彈去，舞台劇就係咁。」
■舞台劇開始綵排了一段時間，君如坦言已感受到很大壓力。微博圖片
■從未試過演舞台劇的君如，讚《狂揪夫妻》班底好、劇本好才被吸引。
鬧老公訓練有素
自從舞台劇開始綵排後，君如坦言已感受到很大壓力，每日由朝早綵排到晚上，與拍電影完全不同，她說：「拍戲可以分鏡頭，可以NG，但今次連續做成兩個鐘冇得唞。」問到有否後悔答應演出？她坦言：「我又冇好後悔，始終好多人做舞台劇都係想提升自己演技潛能，咪試一次咁多囉，如果太簡單做嚟做乜。」講到鬧交，君如一點也不輸蝕，平時跟另一半的陳可辛已經訓練有加，她說：「成日都鬧，我會喝佢，有時鬧佢做乜食咁多牛扒，因為佢好為食，不過一齊咁多年，佢都俾我感染咗，而家開始做運動，我哋都有做吓情侶瑜伽，佢幫我拉筋。」問到相處久了，會否已減少鬧交？她說：「而家係少咗，我性格火爆，佢就斯文好多，不過都試過同佢為咗拗一個題目，我嬲到反枱，佢扮晒知識分子咁，我係老粗嘛，拗唔贏佢就反咗成張木枱，我啲火就係咁，話嚟就嚟，不過呢幾年生咗個女之後，都收斂好多。以前大肚試過食食吓飯，佢同我老竇阿媽一唱一和，我即刻拍枱走咗，諗起都好幼稚，不過最後多數係個男人氹番我，我好硬淨。」君如笑言現時見到囡囡的脾性，都有少許自己影子。
■有豐富舞台經驗的黃秋生（右），去年夥拍張敬軒為舞台劇《EQUUS馬》演出。
■君如坦言平時跟陳可辛都經常鬧交，又會喝對方。
■外表兇惡的秋生自言怕老婆，經常被她呼喝。
秋生被喝到失魂
現實中的秋生又是怎樣？秋生笑言與劇中一樣，被老婆喝到「三魂唔見七魄」，問到結婚多年，有否試過與太太鬧交？他說：「都有嘅，之前試過一次自己病緊，一個人行衰運就會睇術數，玩紫微斗數，嗰時個仔好細，我幫佢開盤，見到話佢嘅朋友非富則貴，我咪話我哋又唔係有錢，佢仲唔係擦鞋仔嚟咩，點知我老婆即刻係咁鬧，佢話『係呀，個仔做乞兒。』，我火滾起上嚟，就打爛晒啲門，無啦啦話個仔做乞兒做乜嘢，又成日話我唔瞓覺，你瞓咪瞓囉，我又冇嘈住你。不過而家冇囉，我哋最近一次討論個仔食乜嘢，我俾佢喝到我成個坐低㖭呀，而家鬧乜嘢交吖，冇鬧交，鬧交等於同拳王比武，邊有得比。」劇中秋生與君如會為小朋友出頭，秋生指兒子學校的事，由老婆去處理，自己不會出手，君如則說會盡量交由學校處理，也盡量不插手，印證江湖事江湖解決。
來源:
http://hk.apple.nextmedia.com/entertainment/art/20150718/19223338
認同秋生批評中肯鄭嘉穎彈陳凱琳 演技小學雞
1 :
GS(14)@2015-10-07 01:51:12■無綫花旦走完一個又一個，備受力捧的港姐冠軍陳凱琳孭飛拍《張保仔》，結果被黃秋生批評演技差。
無綫花旦人才流失，走完一個又一個，現年24歲的港姐陳凱琳（Grace）被硬捧上女主角位置，在台慶劇《張保仔》擔大旗孭飛演出，可惜Grace的半桶水演技被網民狂插表情浮誇、無層次無深度、超高音尖叫，連前輩黃秋生都忍不住出口批評，昨鄭嘉穎眼見女友被踩到體無完膚，他承認秋生的意見中肯，笑女友的演技是「小學雞」起步階段：「讀完小學唔可以跳去大學！」
近年無綫人才凋零，小生花旦相繼大逃亡，花旦走完一個又一個，胡杏兒、陳茵媺、徐子珊、郭羨妮等均先後約滿離去，無綫惟有改捧港姐攝位。2013年出身豪門的港姐冠軍陳凱琳，因上圍只有30吋被笑為「貧乳」港姐，Grace當選後以旁聽生身份參加第27期無綫電視藝員訓練班，未卸任即獲安排參與拍攝《名門暗戰》，可惜處女作被網民狠批演技幼嫩。
被批浮誇無層次
近日無綫在黃金時間播出台慶劇《張保仔》，除特技被網民嘲雞過14年前《封神榜》，入行僅短短兩年的Grace，火速榮升擔任第一女主角「黃娣妹」，可惜其演技依然停留在半桶水階段，被網民狠批表情和動作都浮誇造作，擠眉弄眼似足迪士尼的動畫公主，演技無層次無深度，兩分鐘尖叫20次，耳膜都被她震穿！身為香港演藝學院表演系學士畢業、兩度獲封金像影帝的前輩黃秋生，都忍不住出口批評Grace演技：「我覺得好滋擾，陳凱琳太多小動作，『依牙鬆槓』唔自然，出現呢啲小動作20次就變成滋擾，導演可能見陳凱琳就魂飛魄散，但佢揸槍個樣好猙獰。」難怪秋生睇半集已熄機。
趕客四式
【扮驚唔驚】■不只秋生批評陳凱琳演技差，小動作多，連網友都嫌她滋擾。
【揸槍猙獰】
【瞪大對眼】
【成日大叫】
大前日Grace出席活動坦言為批評感到唔開心，原來身為男友的鄭嘉穎當日由橫店拍劇返港，晚上即急會女友送上愛的慰問，被網友影到兩人同車的相片貼微博。昨嘉穎出席銅鑼灣惜食堂活動，問有否睇劇集《張保仔》？他坦言：「有留意。」問覺得Grace演技如何？曾獲視帝的他力撐女友：「咁樣講，每樣嘢都有過程，對一個新人嚟講算唔錯。」嘉穎用讀書做例子，笑女友的演技是「小學雞」起步階段：「當讀書嚟講，讀完小學唔可以跳去大學而skip中學，佢而家只係起步階段，我都有聽到善意批評，秋生講得好中肯，係善意。而家係佢必經階段，我入行嗰時冇咁幸運，冇前輩提點，如果一嚟就話好，都唔係好事，秋生講得啱，而家啲新人缺乏character，但佢係有character，只要繼續畀心機，就不斷有進步。」
■鄭嘉穎昨日評陳凱琳的演技是「小學雞」：「讀完小學唔可以跳去大學！」
黃秋生
「每場戲都太用力」
問覺得Grace最大問題是甚麼？嘉穎坦言：「唔可以單場啲講，整體啲講佢係比較用力，如果每場戲都用力，就等於冇用力，要喺適當時候用力。」問他會否覺得女友因拍台慶劇所以緊張？嘉穎說：「唔關事，新人孭劇會緊張，我以前未做主角，幾日先拍十場戲，但做咗主角就一日拍十幾場戲，少咗時間分析角色、準備又少，但工作量大咗，主角同配角係有分別。」再問Grace有否不開心？他說：「佢係一個好有智慧嘅人，呢個係必經，我有信心佢短時間內有大躍進。」另對於女友被傳曾跟陳展鵬、洪永城搞三角戀，嘉穎笑笑口說：「呢啲吹水嘢大家唔好信。」至於Grace夢想有森林婚禮和生小朋友，他說：「呢啲嘢後話啦，我覺得到時先算，今日講呢啲嘢太離題。」採訪：黃曉妍攝影：陳俊強
來源:
http://hk.apple.nextmedia.com/entertainment/art/20151005/19320727
秋生諷刺阿公
1 :
GS(14)@2016-02-08 03:25:26杜汶澤早前轉往馬來西亞發展拍戲，即將上映的新戲《選老坐》，有「借黑諷今」的意味，藉黑社會選新坐館，揶揄現今香港政治生態的不公，完全是一套港片。在昨晚推出的《選》片花絮講到黑社會扮民主，以一人一票選坐館，不過說穿都是假民主，事實上哪位坐館對阿公有利就能當選的小圈子選舉，演這位給阿公看的黑社會，就是黃秋生。秋生代表內地、由他欽點的坐館就似是689梁振英。阿澤在《選》片的製作花絮表示：「呢個係不公平制度，古仔係講點樣推翻呢個制度。」戲入面仲有三位話事人李隆基、夏韶聲同大L張孝武，大L講的很點到題：「戲入面都好多嘢出神入化，同而家社會係好似。」撰文：李森
來源:
http://hk.apple.nextmedia.com/entertainment/art/20160206/19481675
唱作50年82歲詩人歌手Leonard Cohen逝世秋生：世界不再浪漫
1 :
GS(14)@2016-11-12 05:54:59【1934-2016】■加拿大傳奇詩人歌手Leonard Cohen於美國時間周一逝世，享年82歲。
加拿大傳奇詩人歌手Leonard Cohen於美國時間周一在洛杉磯家中逝世，享年82歲。Cohen的facebook專頁於香港時間昨日早上公佈了他離世的消息。逾50年的創作生涯中，Cohen的深沉聲線唱盡有關人性的陰暗面，被形容為「最高水平與最具影響力的創作人之一」，世界又失去了一位才華洋溢的巨星。
加拿大詩人歌手Leonard Cohen於周一逝世，昨日才公佈死訊，其親友及合作夥伴於他的fb專頁寫道：「我們很傷心地公佈傳奇詩人、創作歌手Leonard Cohen已離世。我們失去了音樂界其中一位最值得尊重及夢想家。悼念活動遲點會於洛杉磯舉行，其家人現時希望外界給予私隱。」暫時未有透露死因，而昨日不少樂迷去到其家門前獻花。
■Cohen是60及70年代具有影響力的創作人之一，深沉聲線唱盡有關人性的陰暗面。
■Cohen的兒子Adam（右）為父親監製最後一張大碟《You Want It Darker》。
■Cohen上月推出的告別大碟《You Want It Darker》充滿死亡意味。
新碟暗示死亡
Cohen上月21日才推出新大碟，兒子Adam表示父親在完成了認為是最好的大碟，在洛杉磯家中安詳去世，父親臨終前仍然在以其獨特的幽默去寫作。Cohen這充滿死亡味道的第14張大碟《You Want It Darker》，由Adam監製，歌曲《You Want It Darker》歌詞寫到「Hineni, hineni I'm ready, my lord」，Hineni在希伯來文的意思是「主，我在這裏。」表示他已準備好死亡，主隨時可接走他。Cohen上月接受《The New Yorker》雜誌訪問時，也曾說過：「我已預備好要死亡。希望不會太難受。」
Cohen是於60及70年代具有影響力的創作人之一，與卜戴倫（Bob Dylan）、Paul Simon及Joni Mitchell等看齊，被稱為詩人歌手，卜戴倫曾表示視Cohen為最大勁敵。Cohen的深沉聲線唱盡有關人性的陰暗面，包括愛與憎恨、性愛、宗教、戰爭和平及抑鬱等題材，亦是少數歌手可以持續成功到80年代及現在。他先後獲選入加拿大音樂名人堂、加拿大創作名人堂、美國搖滾名人堂，同時亦被授予加拿大最高平民榮譽「加拿大勳章」，被形容為「最高水平與最具影響力的創作人之一」。
■樂迷在Cohen的蒙特利爾家門前獻花及燃點燭光哀悼。美聯社
黃秋生
加國總理不捨
加拿大總理杜魯多（Justin Trudeau）昨對於Cohen逝世表示：「沒有其他歌手與Leonard Cohen所傳遞的感覺及聲音一樣。他的作品跨代流傳，加拿大與全世界都會想念他。」Cohen的忠實樂迷黃秋生昨接受本報電話訪問時，透露三十多年前經監製介紹下開始聽Cohen的歌，最喜歡《I'm Your Man》，他說：「我有時唱都學佢，我要向Leonard Cohen致敬！唉，又走一個詩人，呢個世界不再浪漫，癲佬上場！」資深音樂人黃志淙對於Cohen逝世表示傷感，他表示Cohen很多音樂作品都用於電影，其低沉聲線帶有磁性，是「好永恒嘅一件事」。採訪：泰米、嵐山
■加拿大總理杜魯多表示加拿大與全世界都會想念Cohen。
■同年代的詩人歌手卜戴倫與Cohen惺惺相惜，視對方為勁敵。
來源:
http://hk.apple.nextmedia.com/entertainment/art/20161112/19831025
【飲食籽】一雞兩味大決鬥 粗獷秋生教煮君臨雞
1 :
GS(14)@2016-12-24 10:56:23黃秋生做的君臨雞，香氣撲鼻，蔬菜沾滿雞油，鮮甜可口。
【飲食籽：一家之煮】聖誕節想在家與家人和朋友慶祝，不一定要叫到會的，自己落手落腳烹調其實也不難。今年聖誕，煮出前一丁煮到出晒名嘅黃秋生，今次精心炮製的烤雞一定可以滿足到你。
原來黃秋生除了煮出前一丁外，煮其他西式食物都有一手。喜歡看書的他，前陣子迷上小說《權力遊戲》，看到文中形容的一道專門給君主食的烤雞，他就照辦煮碗做了出來，更以書中一個地方──君臨城來命名，叫做君臨雞。平日用慣美國大肥雞來烹調的他，今次首次試用法國的布列斯雞。他說由於布列斯雞的肉味重又鮮甜，口感又比一般冰鮮雞更有咬口，用他創的方法去處理未能將所有食材的優點發揮到最好，他說這個方法還是用進口冰鮮雞來做效果更佳。
從看小說《權力遊戲》領悟出來的菜式，他以書中具代表性的君臨城來命名此菜「君臨雞」。
君臨雞
【材料】雞：約20公斤煙肉：1大包（約8片）新薯：4個小甘筍：半包洋葱：2個紅葱頭：8粒蒜頭：4瓣西芹：兩條白蘑菇：10粒粟米：1個提子乾：適量腰果：適量杏仁：適量迷迭香：少許番荽：三棵牛油：200克鹽：適量黑胡椒：適量燒烤蜜糖：少許橄欖油：少許檸檬：1/3個
雞焗至微微金黃後，從焗爐取出，把煙肉放在雞皮上，再焗1小時，用熱力把煙肉的油滲進雞內，來增添風味。
【做法】1.雞洗淨後用鹽、黑胡椒醃20分鐘。2.把番荽切碎，混合牛油、檸檬汁及橄欖油，平均釀入雞皮與雞肉之間。3.把蔬菜、提子乾、腰果、杏仁及香料放入雞腔後，放在焗盤上，所有空間用蔬菜填滿，雞皮塗上少許蜜糖。4.用攝氏220度，把雞烤半小時，取出後在雞皮上鋪上煙肉。5.再放入焗爐焗約1小時至全熟，每隔5至10分鐘把肉汁淋上雞上。
雞清潔乾淨後，用鹽和黑胡椒醃20分鐘。
焗半小後，每5至10分鐘把煮出來的湯汁淋上雞上。
city'super尖沙嘴廣東道17號海港城港威商場3樓記者：吳宛蔚攝影：黃子偉、梁志永、林栢鈞、鄧鴻欣編輯：梁浩維美術：楊永昌
來源:
http://hk.apple.nextmedia.com/su ... t/20161224/19874931
新《瑪嘉烈》做小三廖碧兒同夏文汐爭秋生
1 :
GS(14)@2016-12-27 12:32:08■廖碧兒被傳是南方舞廳的愛將，所以可在新《瑪嘉烈》留低。
【ViuTV新兵】林保怡與周家怡今年為ViuTV主演的開台劇《瑪嘉烈與大衛系列綠豆》叫好叫座，ViuTV決定明年再拍《瑪嘉烈與大衛系列前度》，原來ViuTV除分別找來文青女神袁澧林（Angela）和劉俊謙演嫩版瑪嘉烈和大衛外，更邀得影帝黃秋生、夏文汐、許志安和杜小喬加盟，儘管去年秋生為無綫拍攝《梟雄》一劇並奪視帝，但秋生一樣冇面畀，掉轉槍頭幫ViuTV拍劇。
■黃秋生去年拍無綫劇奪視帝，如今掉轉槍頭為ViuTV拍劇。
■夏文汐將在新《瑪嘉烈》中飾演黃秋生的太太。
■林保怡與周家怡拍《瑪嘉烈》為ViuTV省招牌，但新一輯卻不獲邀演出。
搞多角關係
另外，該劇聲稱起用全新卡士，所以未有再邀保怡和周家怡演出，令月前保怡出席活動時暗寸ViuTV過橋抽板：「我好想出現番，但?家人哋唔搵，可以點呢？」但原來新一輯《瑪嘉烈》，只有廖碧兒有得留低，難免令人聯想到之前是非，指廖碧兒是該劇監製兼原著南方舞廳愛將有關。據悉，廖碧兒在新一輯《瑪嘉烈》中將大搞多角關係，飾演後生版大衛最愛，但又搭上跟夏文汐結婚的黃秋生，至於瑪嘉烈年輕時的最愛是許志安。對於秋生和夏文汐加盟，ViuTV製作部副總裁金廣誠日前說：「我哋畀咗劇本故事佢哋睇，佢哋都好鍾意，我哋係用誠意打動佢哋。」為何只有廖碧兒有得留低？金廣誠說：「我哋係睇古仔適唔適合去搵人，林保怡係一個相當出色嘅演員，我哋都好渴望同保怡再合作，嚟緊我哋都有project想邀請保怡合作。」
保怡送祝福
對於《瑪嘉烈》得廖碧兒有得留低再做，林保怡昨回應說：「有廖碧兒加入當然好，希望他們收視再創高?。」廖碧兒則謂：「今次演員係未合作過，所以都好開心好期待。今次角色同之前唔同，雖然都係做第三者，但唔係大家諗嗰種。」採訪：魯吉
來源:
http://hk.apple.nextmedia.com/entertainment/art/20161227/19877602
【馮仁昭四圍超】夥秋生拍ViuTV《瑪嘉烈》夏文汐：開心坃吓
1 :
GS(14)@2017-01-06 02:07:57最近ViuTV開拍《瑪嘉烈與大衛系列前度》，由文青女神袁澧林飾演瑪嘉烈，劉俊謙做大衛外，今次仲請嚟黃秋生、夏文汐同許志安演出，在上一輯《綠豆》中唯一保留嘅演員係廖碧兒，佢就會介入秋生同夏文汐之間做第三者，一班演員噚日喺銅鑼灣出席記者會。
■夏文汐同黃秋生曾喺85年電影《花街時代》合作過。劇照
■文青女神袁澧林喺劇中飾演許志安女友。
自認樣衰
1985年同夏文汐合作過電影《花街時代》嘅秋生，猛話唔好提舊事，夏文汐笑話：「怕咩？keep得好，30年不變。」曾經係無綫視帝嘅秋生今次倒戈，驚唔驚激嬲無綫？佢話：「有工就接，無綫又冇搵我，人哋搵我，啱咪拍囉。」秋生話?家擔心嘅反而係怕同對手拍親熱戲：「怕對手太熱情、太靚，又怕自己嚇親人，因為自己樣衰。」酬金係咪好過無綫？秋生話：「差唔多，感覺唔差好遠，夠入油啦！」至於喺上海定居嘅夏文汐，就話拍劇唔係為錢，只係為同秋生再續前緣：「係咁象徵式收，開心玩吓，最緊要新嘗試。」許志安戲中飾演袁澧林其中一個男友，安仔笑話：「最初都唔敢拍呢啲角色，40幾歲同個20幾歲，?家身邊個個朋友都係咁。」安仔仲爆同袁澧林有蜻蜓點水式咀戲，冇同老婆鄭秀文報案，佢笑話：「又冇特別，同嗌交戲一樣。」安仔對上一套劇係無綫嘅《肥田囍事》，佢話：「嗰時拍劇冇得瞓，試過瞓着咗要人抬起我個頭化妝，但?家一日一組，起碼有得瞓。」撰文：馮仁昭
來源:
http://hk.apple.nextmedia.com/entertainment/art/20170105/19886547
Next Page