📖 ZKIZ Archives

【旅行現晒形】雪場變戰場　三大鬧交位逐個數

1 : GS(14)@2016-03-06 03:14:35

「五元夫婦」吳閔碩(右)和姜藝媛下車，流下不捨眼淚。《我們結婚了》截圖


【三個粉絲追韓劇】「五元夫婦」吳閔碩和姜藝媛拍了《我們結婚了》九個月，假想的婚姻生活迎來終結，在二人回顧甜蜜的拍攝過程時，都流下不捨眼淚。而其中一集「老公」帶着「老婆」到滑雪場放閃，更極速教識「老婆」滑雪。看似甜蜜，但現實歸現實，居韓港人滑雪教練阿男大爆，原來不少情侶將雪場變鬧交戰場！



其中一集吳閔碩(右)帶着姜藝媛到滑雪場放閃，更極速教識姜藝媛滑雪。《我們結婚了》截圖

三個粉絲跟港人滑雪教練去江原道大明滑雪場。

阿男話見到啲情侶成日鬧交，例如唔見嘢嗰陣。



在滑雪場會發生很多事令情侶火氣十足，阿男指有三個鬧交情況最常出現，首先是遺失物件，「一唔見嘢，隔離嗰個實發脾氣架喇！」第二，其中一方學習滑雪的進度較慢，另一方便會「加把嘴」：「咁都唔識架！」原本已經沮喪的對方頓時雪上加霜，把火自然忍不住。最後，是「港女」現真身，「女仔成日將啲棍呀、板呀，最重嗰啲嘢畀晒個男仔拎，咪鬧交囉！」



一個學得慢啲，就畀另一半話「咁都唔識架！」

仲有「港女」將啲棍、板，最重嗰啲嘢畀晒個男仔拎，咪鬧交囉！

喺滑雪基礎班，要學識八字腳咁停，同打側咁跌。



阿男在韓國住了15年，由初初捱苦讀書，半工讀做Sales、帶團等，至去年開了屬於自己的公司HeHaSeoul，專門舉辦韓國旅遊一天團。行程都是隨着韓國四季的天氣而定，所以12月至3月的冬天會開滑雪團。一天滑雪團每人約1000港元，有包交通、包裝備、包場費、包教學全包晏。



仲要學識起身，雙手抱住膝頭，patpat先起就得架喇！

究竟三個粉絲Viu韓劇導賞員阿愁，



動主播阿仙、Viu韓劇導賞員阿愁和太成跟阿男去到江原道大明滑雪場，體驗滑雪之旅。跟着阿男清晰簡單的指導，一個上午已經掌握到滑雪秘訣，懂得停、懂得跌、懂得起身，直接上BB級雪道玩。究竟三個粉絲誰人滑得最好呢？立即去片！



動主播阿仙，

同Viu韓劇導賞員太成邊個滑得好啲呢？即刻去片！



主持：動主播阿仙、Viu韓劇導賞員阿愁和太成攝影：陳家文、李錦鏵、張宗光《我們結婚了》片段由Viu提供：
https://goo.gl/0hzAzC【三個粉絲追韓劇】
http://hk.apple.nextmedia.com/enews/animation/kfans/





來源: http://hk.apple.nextmedia.com/entertainment/art/20160305/19517174

---

葉翠翠四個月現晒巨肚生完即追隨時退出

1 : GS(14)@2016-11-14 01:00:31

2016-11-10 NM         [table=100%]                                                           
                                                                                                                                                                                                                                                                                                                                                                                                                                                                [table=100%]                                     [td=3,1]

葉翠翠去年跟建築師兼公司董事周曉東（Raymond）結婚後，即不設防密密造人，雖然食過詐胡，但努力一年終於得米！葉翠翠已經有餡四個月，感動到喊的Raymond落令老婆停工；原來早前拍劇體力透支，一度病倒入院。為求老婆輕鬆佗B同繼續追，計劃生四個的Raymond決定落閘，要翠翠退出娛樂圈。幸福小女人

十幾日前，本刊拍到葉翠翠同老公周曉東在太古廣場拍拖入貨，著平底鞋鬆身衫的葉翠翠挺住四個月肚，人逢喜事，將升呢做老豆的Raymond邊揀食物，邊攬錫老婆，sweet爆。在超市轉了幾個圈，Raymond在凍櫃掃了大堆芝士，之後去買果汁，大部分都是適合孕婦的營養食品，放入手推車前，他必定細心做QC，睇清楚食物標籤及成分；有愛妻號把關，葉翠翠一於做幸褔小女人，一切交由老公決定。行了半個鐘，在雪糕櫃前徘徊了好一陣的翠翠，突然又改變主意走去買麵包和朱古力冬甩。

肥肚唔肥人

「翠翠同Raymond都話BB係上天送俾佢哋嘅禮物，因為翠翠喺生日前知道有咗，預產期就同老公生日日子好接近。有咗之後，大肚婆胃口不知幾好，但佢keep住做啲簡單運動，所以都係肥咗落個肚，手腳都冇乜長肉。」知情者說。為了做媽咪，葉翠翠年多前開始睇中醫調理身體，加上老公改變飲食習慣全面配合，兩公婆都十分謹慎，不過自從六月埋位拍《愛．回家之八時入席》後，早開夜收，體力透支，幾乎前功盡廢。

入院吊鹽水

「翠翠近年都係做主持多，已經有一段時間冇拍電視劇，就算拍，都係輕輕鬆鬆客串幾集，所以監製搵佢開新劇仲要個角色度身訂造，就即刻應承。但因為太耐冇試過咁長時間開工，朝早六點入廠，凌晨四點半要起身，跟住拍到夜晚八、九點；佢試過一個月內睇咗八次醫生，好容易就感冒，有次仲辛苦到要入醫院吊鹽水。「嗰次之後，翠翠同監製商量過決定辭演，一來身體真係頂唔順，加上Raymond唔想老婆捱得咁辛苦，兩公婆為咗生B做咗咁多準備，真係唔想身體又再變差。九月生日後翠翠足三十五歲，已經步入高齡產婦階段，所以愈早生愈有着數。」

望生四個

老公講明想生四個，葉翠翠全面配合，打算生完即追第二個，肚皮有排忙，生完仲要湊，Raymond早已游說老婆退出。「翠翠做嘢好上心，容易緊張，有咗之後，Raymond已經叫老婆即刻停工，最好就退出幕前唔好再做。翠翠雖然口頭應承，但同無綫仲有約，不過嚟緊呢一年就一定開唔到工。其實兩公婆傾好咗生完即刻又嚟過，最理想係一年一個，生夠四個先收工。所以之後會唔會再做娛樂圈，翠翠自己都唔敢講到咁實在。」知情者說。

養生全面睇

一追再追

藝人偏向遲婚，所以婚後都不設防趕造人，唔少更生完一個緊接再一個，追到夠數為止。

陳豪三年抱三13年，陳豪與陳茵媺奉子成婚，同年12月誕下長子陳梓燁，15年2月次子陳浩鋒出世，今年更成功追埋個女Camilla，三年抱三，證明陳豪造B能力超強、陳茵媺更好生養。

徐子淇好字起孖06年尾，徐子淇下嫁李家誠成為千億新抱。翌年7月先誕下長女李晞彤，09年再添一女李晞兒，11年長子李俊熹出世後，五年抱三，徐子淇休息四年，去年再誕下幼子李建熹，兩個「好」字在手，收得工！

林盛斌逢三進一阿Bob與老婆黃碧玲08年5月誕下大女林霏兒後，11年才誕下次女林熹兒，之後又係隔三年，14年誕下細細女林機兒，喜歡「逢三進一」的他坦言仲要追多個。

雞年旺生B

歌仔都有得唱，「雞，全部都係雞，全部都係雞……」冇錯，明年出生的BB，全部都係雞BB，無論雞仔還是雞女，總之雞年旺生B。

楊愛瑾今年四月下嫁永安太子爺郭永淳，結束八年愛情長跑，婚後不設防的Miki本月初在ig留言：「Hey little thing , you make us go wild！」公布有喜。

Angelababy去年十月和黃曉明結婚後，已多次傳出Baby懷孕消息，上月廿一日，黃曉明在微博上載與老婆的出海背影照，並寫下：「三個人的旅行，以後還要一起很多次，感恩，媳婦兒∼」，向外證實將為人父。

謝安琪育有一子張瞻的Kay，老公張繼聰一直想追個女，難得老婆願意停工配合，今年九月，宣布追女成功，湊成「好」字。

林心如四十歲的林心如於今年七月下嫁霍建華時已經佗B，雖然雙喜臨門，但因未夠三個月，九月才承認有喜。

陳嘉樺台灣女子組合S.H.E成員陳嘉樺（Ella），和老公賴斯翔結婚四年多，上月廿二日上載拿着驗孕棒的照片，親證好消息。

撰文、攝影、攝錄：娛樂組                                            

                                                                                                                                                                                        

---