| ||||||
| 阿里巴巴（1688）喺香港上市近年半，下個禮拜四（7日）將會舉行第二次股東周年大會，聽講佢哋今次決定搞搞新意思，唔單止有得食、有得問，仲可以欣賞主席馬雲喺台上演講45分鐘，當中又會加插特備節目，跟手有一粒鐘真情交流。 咁究竟有幾精采，靚女公關大賣關子，叫華華嗰日早啲到。 股 神畢菲特嘅投資旗艦巴郡，每年舉行股東會都會吸引幾萬名來自各地嘅富貴股東去美國奧馬哈「朝聖」。阿里巴巴嘅公關話，佢哋唔會搞到好似嘉年華咁，即係冇得 同馬雲切磋國粹乒乓波，之但係會增加透明度，歡迎傳媒觀摩，仲請埋港大同中大嘅商學院學生出席，等同學仔了解股東會過程，估計全程歷時3粒鐘，希望有 200名股東出席。 招呼商學院大學生 馬雲喺內地叫座力毋庸置疑，每次演講都座無虛席，但股東會一般喺閒日舉行，唔知有幾多有心人特登請假會一會馬雲呢？ | ||||||