捲性醜聞鄭俊英被爆家藏情趣用品同A片
1 :
GS(14)@2016-09-27 08:02:20韓國人氣綜藝節目《兩天一夜》嘅27歲成員鄭俊英近日驚爆性醜聞，日前被前度控告性侵，事後就爆出因為佢涉嫌偷拍與前度嘅性愛短片，令到前度憤而向佢提告。前日鄭俊英已急急召開記者會，親自回應事件，佢承認提告嘅女子係佢前女友，兩人於今年初拍拖，分手後仍保持友好關係，鄭俊英話因為自己工作忙碌，有時冷落對方，其間二人亦有爭執，佢強調冇用隱藏鏡頭拍攝性愛短片，只係開玩笑形式拍下，而片段亦已刪除。雖然鄭俊英公開認錯，不過網民就似乎唔賣賬，就連佢以前嘅事都被爆出來，原來喺2011年當鄭俊英仍未正式出道時，佢曾經上過綜藝節目《臉贊時代5》，當時一眾主持就突襲到佢屋企，仲被發現家中竟然有情趣用品，當時鄭俊英嚇得即刻將情趣用品往外丟，一臉尷尬。之後主持人再喺佢嘅衣櫃櫃桶中發現有比堅尼同埋有拉鍊嘅內褲，認真香艷，當時主持人仲寸爆佢到底喺屋企係唔係做騷。點知話口未完，佢哋就喺佢嘅電腦發現有大量AV片，仲要數量多到令全場人士驚嘆，睇嚟鄭俊英當時仲係年少氣盛，所以愛睇A片發洩。
來源:
http://hk.apple.nextmedia.com/entertainment/art/20160927/19783058