中環在線:投行國有化「公務員」照炒 李華華
|
|
早排華華落中環,撞到個喺歐資投行做嘢嘅部門董事H。當時,佢間行風聲鶴唳,華華一向關心朋友,所以就問佢擔唔擔心飯碗不保。點知呢位資深嘅青年才俊,以大俠式笑容答話:「都就嚟做公務員,有鐵飯碗使乜驚?」
我即諗,唔通特首搵佢做副局長?原來唔係,話說金融海嘯,唔少外國政府都向銀行注資,政府做咗大股東、銀行被國有化,咁喺裏面做嘅員工仲唔係公務員?董事H咁講,係預計自己打工間投行遲早加入伸手黨行列,要政府拯救。點知真係畀佢開口中,佢間行後嚟真係國有化咗。
問責制唔掂即炒
不過,唔好以為公務員真係鐵飯碗,因為董事H嘅部門近排好似被中子彈襲擊一樣,啲枱凳仲喺度,但啲人就蒸發晒。雖然董事H保得住飯碗,但佢話勢估唔到,銀行被國有化後,唔掂嘅員工就要落台,喺政府部門裏面,都算國有化銀行最問責嘞!
做得越掂回報越縮
睇到美國總統奧巴馬限制啲華爾街banker花紅,好多人feel到「將快樂建築喺人哋痛苦身上」嘅快感。不過喺心凉之際,小心他朝君體也相同。
限制banker花紅,原意係當銀行唔掂要搵納稅人救時,冇理由仲派花紅。問題係,花紅原本係獎勵啲做得嘢嘅員工,而唔知係巧合定天意,好多出事嘅銀行,叻叻部門都集中喺香港。
夠高級冇花紅
華 華有個喺投行做小頭目嘅朋友,呢幾年管嘅部門越做越掂,生意越做越大,某啲瓣數甚至香港第一。點知母公司出事,要向政府伸手,母公司就宣佈全球喺某個職級 以上嘅員工,一律冇花紅。朋友已經預期花紅會大縮水,所以過年自己開心,都只係買隻冇金冇鑽嘅錶戴吓。點知返到公司,上司話佢夠高級,「有份」冇花紅。 難怪佢同上司呻:「第一年花紅攞咗去買層樓、第二年買車,今年就買得隻錶。喺度做嘢就算越做越掂,都係越撈越霉!」李華華 [email protected]
|
|
細價股沾大行光 無評級照炒
1 :
GS(14)@2010-09-29 21:17:33http://www.hket.com/eti/search/a ... 9-636735&category=m
撰文:蘇麗珍
欄名:投資博客
近期中小型股受追捧,其中以零售股為表表者,由服裝零售到為內地自由行熱愛的珠寶金行股,全部都炒起。有外資行經紀跟麗珍講,基金近期亦熱捧小型股,不時都查詢有無推介。
這位經紀朋友話,其實不少外資證券行,很多時都會邀約一些小型股管理層,與基金經理作午餐會面,並視為招呼客戶兼催谷成交額的產品。雖然這些小型股並不納入證券行的推介範圍,不過午餐會後,通常證券行都會撰寫一份筆記,詳述公司背景及未來發展亮點,但就講明證券行沒有給予任何評級,亦不應視為任何股份推介。
雖然如此,但經紀朋友話,客戶往往見到午餐會由外資證券行邀約,就有理無理都當作是外資行未來或與小型股有所搞作,所以會面過後,小型股怎樣都會有基金買盤殺到,以為可以早着先鞭,近期情況尤其明顯。
所以有為小型股串連、搞投資者關係的中介人,就以可以聯絡得到外資行向上市公司招徠,但實情未必是可以聯絡到分析員為其撰寫報告,僅是外資行經紀探訪公司,都好似沾了光。
集團招聘 | 私隱條例 | 內容授權 | 免責聲明 豁免條款 | 訂閱條款 | 廣告查
財女手筆:樓照炒 舞照跳
1 :
GS(14)@2016-11-10 07:33:33政府出辣招加印花稅至15%,無論計劃換樓、準備上車的朋友,一致大鬧新政策,指加辣只是增加上車及換樓搵盤難度,限制樓市供應,無人賣樓,何來買樓?其實加辣有其好處,將軍澳藍塘傲是加辣後首個新盤,次輪銷售只賣出77%,低於首輪賣出的98%,辣招唯一好處,是樓市只餘下資金超強大的投資者,部份實力不足的,已退場靜候,想買新樓的人,終於不必等大手買家掃完,買入揀無可揀的「籮底橙」!不過,不少新盤多推出劏房,有居住需要,亦很難說服自己買。只有一種朋友可以食住花生大笑,就是剛剛換樓的朋友!不少朋友主觀希望加辣後樓價大跌,成交減少,樓價自然容易推高壓低,不過只是虛火,實際情況大概半年至一年就會顯現。以今年初樓價下跌不足半年,已尋獲大批買家衝入掃貨,辣着樓市推上高峯,政府2013年推出雙倍印花稅及買家印花稅經驗,樓價未有明顯變化,當港人發現樓價橫行,不想買、無能力買的繼續不會買,要買樓的一年半載相信已經耗盡耐性,自會衝出嚟買樓,加息又如何?香港人適應能力超越整個宇宙,對於中央強力釋法,破壞未來一生、子孫後代的安寧自在,仍然處之泰然,仿如無物,可想而知,港人適應加辣新招、加息,時間非常短,之後會繼續沉醉買樓、炒車位,為資產增值,真係歌舞昇平呀。
Melody
http://www.facebook.com/whichroad本欄逢周三刊出
來源:
http://hk.apple.nextmedia.com/financeestate/art/20161109/19827099
Next Page