樂香園：內地股市維穩 炒旺港股
1 :
GS(14)@2017-06-10 13:24:45於沒有特別利好消息下，恒指接連升穿多個阻力位，收市企穩26000點，還要是有一定成交，價量齊升，全因香港回歸20周年臨近？要在國家主席來港前，營造歌舞昇平景象？友人笑指這想法太天真。他說：「區區香港回歸20周年，洗乜推高個市箒，7月前後唔大跌就得啦，升多咗，之後跌返咪仲濕滯，所以呢期推高港股嘅錢，唔係嚟自之前傳聞話用嚟維穩股市嘅維穩錢，啲錢主要嚟自大陸嘅私人錢，並唔係阿爺嘅錢。」港股估值並不便宜，但私人錢資金卻南下「搶貨」？友人續說：「炒鬼不能一日無股炒，你無留意近排大陸個市唔係點郁咩，跌少少又升返，升少少又無力，有波幅無升幅，係因為維穩基金做緊嘢，唔俾大跌，又唔俾大升，內地炒友揾唔到食，咪轉戰港股囉。」資金可「炒到幾時」？友人說：「簡單得很，被喻為中共重中之重嘅十九大，順利嘅話會喺秋天開，開會前，中國都唔可以有大問題，股市當然唔可以出事啦，你話會炒到幾時？」想不到在A股維穩下，維出了個港股牛市。密西比
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170609/20049454