📖 ZKIZ Archives

馮仁昭四圍超：同老公返港見舊老闆　小雪斟復出

1 : GS(14)@2016-01-22 01:48:54

■小雪噚日同老公十指緊扣喺尖沙嘴購物。








經歷過兩段婚姻失敗嘅前歌手小雪（蔡雪敏），舊年同細佢4年嘅韓國男友Robin Cheung喺澳洲註冊結婚，婚後繼續喺澳洲生活，最近小雪同老公帶埋仔女返咗嚟香港，噚日馮仁昭喺尖沙嘴新港中心見到呢對新婚夫婦。做咗人哋阿媽嘅小雪，真係得天獨厚，雖然佢下個月已經37歲，但係個樣同身形都keep得好好，見到佢兩公婆十指緊扣睇完衫又去睇女性用品，難得佢老公一啲都冇尷尬。事後小雪同馮仁昭講，今次佢哋返嚟香港嘅時間唔多，不過都有搵舊老闆羅傑承同埋啲舊同事敍吓舊，佢話：「羅生佢真係好好，我哋一直都有喺fb有聯絡，佢都有問候吓而家嘅生活，所以今次返嚟專登約佢同啲同事見面。」


■小雪去咗一間賣女性內衣店睇嘢，難得佢老公一啲都冇尷尬。

或返港唱歌

至於有冇機會再合作，小雪話：「睇吓大家啲時間，坦白講，而家生活冇以前咁忙，我啲仔女都大個咗，如果真係有個機會去唱歌，可能我會再安排啲時間返香港工作。」撰文：馮仁昭攝影：徐錦池、潘冠恩





來源: http://hk.apple.nextmedia.com/entertainment/art/20160121/19459875
PermaLink: https://articles.zkiz.com/?id=294738

曉明帶父母來港見Baby姚子羚同「的士邦」家人歐遊

1 : GS(14)@2016-12-30 02:58:06

賭王何鴻燊四房公子何猷啟自從公開認戀，女子少女標本成員之一袁紫僑（CoCo）後，佢哋都愛得好高調吓，不時喺社交網絡晒愛之餘，日前猷啟就帶咗女友CoCo見媽媽梁安琪，相信佢哋感情都幾穩定吓！而過去好多藝人帶同另一半見家長後，都好快有喜事，唔知幾時會到猷啟同CoCo呢。黃曉明 Angelababy去年結婚嘅曉明大哥同Baby，其實早喺13年，佢哋拍咗拖三年嘅時候，曉明大哥就帶住父母嚟香港，同Baby去灣仔嘆日本菜，咁黃爸爸同黃媽媽當然對呢個新抱仔好滿意，而佢哋仲好快會有抱孫添喇！周柏豪柏豪上月被爆同拍拖10年嘅女友Stephanie，秘密喺布吉結婚，13年，《蘋果》都影到佢帶住o依家嘅老婆仔Stephanie同爸爸、媽媽喺冬至嗰日食飯。李彩華轉戰大陸賺到盆滿砵滿，身家八千萬嘅富婆李彩華，去年就帶住過氣「新五虎」男友何遠恒，返佢大坑嘅屋企，同佢家人一齊食團年飯。姚子羚「見家長」除咗食飯，原來去旅行都係一個好好嘅選擇，今年7月，35歲姚子羚就同男友「的士邦」鄭子邦舉家14人組團歐遊，睇嚟子羚已順利過咗的士邦父母嗰關！




來源: http://hk.apple.nextmedia.com/entertainment/art/20161229/19880329
PermaLink: https://articles.zkiz.com/?id=320510

李嘉誠下旨每年見兩次梁洛施定期帶3子回港見阿爺

1 : GS(14)@2017-05-27 00:06:49

梁洛施（Isabella）同李澤楷之間育有3子，分別係現年8歲嘅長子長治，以及細1年嘅雙胞胎H&N，李澤楷同Isabella於2011年協議分手後，女方攜3子定居加拿大，生活低調，只係偶爾帶3個仔返香港，畀爺爺李嘉誠見吓。之前就有傳媒報道過，雖然Isabella同3粒仔留喺加拿大好少返香港，只有李澤楷定時定候飛到當地「團聚」，但爺爺李嘉誠當時心掛掛幾個孫仔，所以有傳佢下旨要每年最少見到孫仔兩次，所以大約每隔半年左右，就會見到Isabella帶3個仔返一返香港，見吓爺爺。該報道又引述知情者消息指，本來李嘉誠想安排3粒孫返香港住，見面都方便啲，但由於李澤楷唔想，亦唔想啲仔被傳媒騷擾，所以冇咁嘅安排，亦唔會畀3個仔喺大時大節返香港，免得張揚。最近一次見到Isabella帶3個仔返香港，係上個月，當時Isabella同媽咪一齊帶住3個仔現身機場，梁母主力照顧長治，Isabella則顧住一對孖仔，長治仲有拎住小號，唔知係咪特登帶返香港，吹奏畀爺爺聽。




來源: http://hk.apple.nextmedia.com/entertainment/art/20170526/20034013
PermaLink: https://articles.zkiz.com/?id=334054
Next Page
ZKIZ Archives @ 2019