陳詩慧寫歌贈港人 唱出大無畏
1 :
GS(14)@2016-07-12 22:08:16前年為港視劇《選戰》創作片尾曲《I'll be there》的唱作人陳詩慧，有見近年社會出現分化，她日前推出英文歌《We're not afraid》，呼籲港人無畏無懼，該首歌也是電影《導火新聞線》片尾曲。
■陳詩慧希望有機會為偶像何韻詩（左）作歌。
■陳詩慧認為創作商業情歌雖可賺錢，但不及關愛社會意義大，所以改歌路唱大愛精神。
■陳詩慧早前與好兄弟王宗堯等一起錄歌。
錢唔可以滿足
兩年沒歌出的陳詩慧，日前於銅鑼灣受訪時說：「寫咗超過十年歌，我發覺自己唔想再寫情歌。有一晚沖沖吓涼，歌詞同旋律同時湧現，於是就寫咗呢首歌。」新歌選正7.1回歸日上架，陳詩慧當日更孖王宗堯參加遊行，她不擔心被指歌曲滲政治色彩：「我嘅訊息好隨心，有乜嘢想講就寫，大家對將來徬徨，音樂係感染人嘅工具。」靠靈感寫歌看似不切實際，陳詩慧說：「銀紙花花碌碌邊個唔鍾意，有啲嘢唔係錢可以滿足到，每個人價值觀唔同。」但她慶幸沒家庭負擔，並可暢所欲言，不用太多自我審查。陳詩慧不怕被標籤為敏感藝人後失去內地市場，她稱：「首歌宣揚愛，都唔敏感。」新歌的teaser插入何韻詩就Lancôme風波接受BBC訪問、曾健超回應暗角七警事件、林榮基講述銅鑼灣書店事件等新聞畫面，陳詩慧激動說：「講緊香港人香港事，呢啲都唔講得，咁當初就唔好有呢啲事發生，好多事令我流眼淚。」她更希望有機會可以為何韻詩寫歌。
王宗堯幫徵婚
前景雖未明，但現年34歲的陳詩慧仍無懼結婚生仔，不過老友王宗堯比她更心急，她說：「佢（王宗堯）前排幫我徵婚，佢應承我40歲嫁唔出要娶我。我唔符合佢心目中擇偶要求，但佢就絕對符合我嘅擇偶要求。」採訪：楊定化妝：J.Wong@Hello! J髮型：Cliff Lam@BEIJING Hair Culture服裝：MAISON KITSUN窻場地：hmv Bar& Restaurant
來源:
http://hk.apple.nextmedia.com/entertainment/art/20160712/19690674