曾日食6000卡路里重磅媽減肥自信返晒嚟
1 :
GS(14)@2016-06-21 07:39:03英國埃塞克斯一名兩女之母，以往每日食近6000卡路里(千卡)的食物，體重一度升至96公斤（211磅），令她羞於在自己丈夫面前脫衣及送女兒上學。最後她下定決心，靠節食及做運動，結果半年內減掉26公斤（57磅）重拾自信。25歲的麗貝卡（Rebecca Hendry）昔日愛吃薯片、糖果、朱古力、烤肉卷餅等，每天吃逾5,500卡路里。「我丈夫6呎7吋高，身材高大，而我只有5呎高，但我們食量卻一樣，可以一邊看電視，兩小時內吃掉一大包薯片，和一包家庭裝朱古力。」她體重上升至96公斤，令她不敢在27歲丈夫馬克（Mark）面前脫衣服，更不敢送女兒上學，因為短短10分鐘路程，已令她汗流浹背及呼吸不暢，對她來說是一個「真正挑戰」。「小朋友童言無忌，我害怕他們嘲笑我，或者問我的女兒，為何其母親如此肥胖，因此以往由丈夫送女兒上學。」雖然丈夫一直安慰，但信心跌至谷底的她連出外都害怕。最後她痛定思痛，注重飲食均衡及做運動，結果成功瘦身，令她重拾自信，不但敢上載自拍照，更親自送女兒上學，與她們到公園奔跑玩耍。英國《每日鏡報》
來源:
http://hk.apple.nextmedia.com/international/art/20160621/19663415
智取大市：見頂徵兆出晒嚟
1 :
GS(14)@2016-08-16 06:24:30港股單日成交升到900億，反映多咗新資金入場接貨，係第一個見頂徵兆；升市之中，有之前強勢嘅本地地產股下跌，手機設備股當中仲要有信利（732）洗倉，強股率先腳軟，為第二個見頂徵兆。喺英國脫歐公投後呢個半月，恒指升超過3,000點，累積升幅已多，睇唔出有中短線繼續睇好嘅理由。「深港通」概念股國泰君安（1788）、耀才（1428）、英皇證券（717）等等升咗唔少，可考慮減持獲利。目前係業績期高峯，睇淡大市但暫時冇話會死人冧樓，所以總有好股因業績理想而上升，投資者要開始保持輕身嘅同時，仍有空間去持有績優股。舜宇（2382）今年上半年純利按年增長五成，每股盈利43.21分，就當全年每股盈利可以有1.2港元，市盈率都要成28倍，硬件股嚟講堅係貴。同樣啱啱公佈業績嘅通達（698），半年純利增長29.2%，每股盈利6.63仙，就當下半年度純利按半年持平，市盈率只係12.8倍，估值實在平得多，難怪星期一股價擺脫同業股份弱勢而升1.8%，唔覺唔覺破頂，同時通達亦有華為概念，係優質手機設備股，前景唔差，呢一刻揀通達仲好。晉佳
http://fb.com/advanceguy1
來源:
http://hk.apple.nextmedia.com/financeestate/art/20160816/19737484
多比佛地魔小丑出晒嚟電影角色賀台慶
1 :
GS(14)@2016-11-21 00:05:05昨晚係無綫台慶嘅大日子，一眾大台藝人當然盛裝出席啦，不過有唔少藝人都弄巧反拙；淨係睇行紅地氈嗰陣時啲相都夠晒好笑！都唔知係咪集體得罪造型師……打頭陣嘅有《哈利波得》入面嘅多比，吖唔係，係龔嘉欣先啱。本身龔嘉欣輪廓都唔錯嘅，但係個髮型將啲頭髮梳晒去後面，加上佢個鼻呈鷹嘴狀，一碌大隻眼，真係十足十《哈利波特》入面嘅多比。繼續《哈利波特》系列，到佛地魔出場！邊個係佛地魔？咪就係劉思希囉。佢一直都俾網民話似佛地魔㗎喇，唔好以為着啲花花上身就可以呃到觀眾喎。恐佈停不了，到《恐懼鬥室》嘅Jigsaw出場—高海寧！本身高Ling輪廓都似Jigsaw但係昨日個妝化得特別唇紅齒白，真係唔係講笑，越嚟越似Jigsaw囉。膚色特別白嘅仲有田蕊妮，昨晚阿田個妝化到嘴唇同隻眼嘅顏色特別深，同皮膚嘅顏色形成強烈對比，真係十足十蝙蝠俠入面嘅小丑咁囉。數完恐怖系列，到合家歡角色，佢就係《阿拉丁》入面嘅茉莉公主喇！陳凱琳真係Cosplay得好神似囉，冇得輸呀！最後仲有《家有囍事》入面，麥當娜造型嘅張曼玉！睇真啲其實係王君馨，佢梳條高辮又化恆個妝，加番兩個雪糕筒喺心口就真係成個麥當娜咁，不過最奇怪都係裙尾變咗水母腳咁囉。
來源:
http://hk.apple.nextmedia.com/entertainment/art/20161120/19839582
為《擺渡人》錄音畫面出晒嚟偉仔：唱歌好大壓力
1 :
GS(14)@2016-12-24 10:42:36■（左起）金城武、劉嘉玲、梁朝偉、Angelababy、陳奕迅、熊黛林和李璨琛昨晚出席《擺渡人》在會展舉行的首映。
梁朝偉、金城武、陳奕迅（Eason）、熊黛林和楊穎（Angelababy）等主演、王家衛任監製的電影《擺渡人》，昨晚於灣仔會展舉行慈善首映禮，劉嘉玲亦有撐老公場及上台做嘉賓。
■金城武（左）指在偉仔面前拍喊戲壓力很大。
■剛做人妻的熊黛林與陳奕迅在台上分享拍戲趣事。
■王家衛（左二）指《擺渡人》是紀念澤東的25周年作品。
懶練歌拒開個唱
偉仔受訪時，聽到傳媒讚他唱的主題曲唱功不俗，開心謂：「真㗎？其實我都好大壓力，我話不如叫Eason唱，原來Eason本身喺電影已經有首歌，自己諗點樣會唱得好聽過Eason，但後來拍完套戲錄歌，感覺好唔一樣，錄嘅時候一幕幕畫面出現。」問會否開演唱會時，他說：「唔好啦啩，我咁懶，又唔會練歌。」問他錄歌是否得張學友幫助很多？偉仔說：「Eason都係，佢專登入錄音室，錄咗demo畀我。我將來都好想同佢合唱同一齊拍戲。」說到無綫近日重播《新紮師兄2》，偉仔表示未有留意。
金城武捱凍淋水
另外，金城武昨日下午在灣仔君悅酒店出席《擺渡人》的答問大會，一向給人男神感覺的他，今次以不修邊幅形象示人。金城武笑言拍攝前反而擔心導演遲遲未為角色定向，他說：「因為怕不夠時間，幸好拍前一個月終於定好，我也將角色設定比較卡通及漫畫化，但不會太誇張。」他解釋過往給人一年拍一部片，只是誤會。今趟跟梁朝偉繼《雙城》、《赤壁》後再合作，金城武欣賞對方的喜劇感，又爆拍《赤壁》時被偉仔整蠱，他說：「我演孔明要黏鬍鬚，每次他都會走過來跟我說笑話，每次都引我大笑甩鬚。」他大讚偉仔專業，就算導演每日改對白，偉仔都會專心練好普通話對白。而自己亦加了一場打鬥戲，在兩度氣溫下穿短袖衫淋水感覺很辛苦。採訪：卓寶花、張俊銘攝影：仇志德
來源:
http://hk.apple.nextmedia.com/entertainment/art/20161223/19874015
19歲徐嬌晒長腿女人味出晒嚟
1 :
GS(14)@2016-12-24 10:42:39徐嬌喺2006年9歲嘅時候拍星爺嘅《長江七號》反串扮男仔，08年電影上映嘅時候一鳴驚人，唔經唔覺今年已經19歲喇！長大咗嘅佢仲做咗Cosplay發燒友，成日post cosplay相俾大家睇！由小朋友變咗少女嘅徐嬌，經已長得婷婷玉立，近日佢喺大陸出席美容產品活動，一身黑色連身短裙加高踭鞋勁騷長腿，坐喺高凳上啲女人味真係出晒嚟！除咗美貌之外，徐嬌都有番咁上下內涵㗎！佢係微博post代言相，仲話：「9歲時，我得到了一個拍戲的機會，於是我毅然剪掉長發去演小男孩；16歲時，有人說既然做了明星就要把握機會，可我還是選擇出國留學。現在的我，二次元、拍短片、畫油畫，做一切我想做的事。誰說，20歲的女生不知道自己想要什麼？」而佢出國留學成績都唔差㗎！喺美國一共有4間名校取錄佢，分別係雪城大學、邁阿密大學、查普曼大學、藝術中心設計學院，仲俾網民封佢為「學霸」o添！
來源:
http://hk.apple.nextmedia.com/entertainment/art/20161223/19874385
【粉絲必儲】富豪雪糕文具 回憶返晒嚟
1 :
GS(14)@2017-07-07 02:43:06如果話富豪雪糕車係香港人嘅集體回憶，應該無咩人會反對。富豪雪糕車由70年代開始進駐香港，雪糕車嘅音樂，大家真係由細聽到大。遊客嚟到香港，食杯富豪雪糕更加係指定動作。
旅行筆記本有大小兩個款式，大的一本參考了富豪軟雪糕本身的大小而設計，捲起筆記本拿著的話，就好像拿著真的富豪軟雪糕一樣。
布袋設計仿照真實的富豪雪糕外賣膠袋。
貼紙組合包含了不同年代的富豪雪糕車造型，粉絲必儲。
大受文青追捧的型格日本品牌「TRAVELER’S FACTORY」，與「LOG-ON」合作，推出一系列以富豪雪糕為主題的文具，包括筆記本、布袋、貼紙等等，畀大家過一個透心涼的夏日。此系列產品七月尾開始將於太古城期間限定店發售，粉絲記住去朝聖喇。
文青最愛的紙膠帶有兩款。
富豪雪糕原子筆。
LOG-ON X TRAVELER'S FACTORY HONG KONG POP-UP STORE2017年7月21日-8月6日記者：李珮禎2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170705/20078827
【專題籽】深色胡桃木調子 配日式簡約風 屋主喜好個性出晒嚟
1 :
GS(14)@2017-10-29 23:31:50日系簡約風並不刻板沉悶，因為注入了屋主的喜好。
【專題籽：型宅族】一般人認為請了室內設計師，便可蹺起雙手，將整個家居設計的重任交給設計師。其實想屋企更有個性，不似示範單位，又怎少得屋主的參與呢？就像這個家，屋主在設計過程中，與設計師保持緊密的溝通，讓設計師了解其喜好。看居室以他鍾情的日系簡約風為主，並注入其各式嗜好與擺設，簡約得來饒富特色，證明設計師與屋主的投入同樣重要！
甫進這個家，已感覺到很強的個人風格。居室以一襲深色胡桃木調子作為背景，輔以簡潔的線條，是一派主人家鍾情的日式簡約風。時尚而沉穩的基調，正好令他林林總總的嗜好與收藏更為突出。向設計師 Chinaa和屋主Calvin了解之後，得知屋主Calvin特別喜歡深色木材，其中對胡桃木更是情有獨鍾，另外設計師因應單位原有的門框、地板等色調，在設計硬件家具，甚或建構地台時都予以配合，好讓整體感覺更統一。另外在家具如櫃身用上深啡色，地板及地台則用上淺橡木色，則可平衡深色木材所帶來的笨重感，令居室更覺寬敞。
書櫃對燈設計 凸顯收藏擺設
飯廳一隅滿載着主人家的喜好和獨到眼光，深啡色木材餐桌配襯不同款式的椅子，細問之下，發現原來是他的精心挑選，設計師便為這些椅子配襯了同色的坐墊布套，以把不同風格統一起來。至於餐桌背後的牆則掛上Gustav Klimt著名畫作《The Kiss》的拼圖掛畫，另外在工業風玻璃吊燈的映襯之下，更覺氣氛盎然。餐桌旁邊，設置了一座電子琴，而其上有一襲飾物櫃，櫃子為主人家的各式收藏提供了展示空間，從各式電影figure、玩偶，到台灣著名陶藝師章格銘創作的茶具，或是日本音樂人前田勝彥親筆簽名的結他等，都顯示出主人家極為廣泛的嗜好。客廳設計亦別具心思，因為屋主擁有數量可觀的書藏和擺設，設計師為他於梳化背後設計了一座到頂的大型書櫃，並用上了主人家最愛的深桃木色，但為免巨大的櫃身為居室帶來壓迫感，設計師特別在書架的間隔之內裝設LED燈槽，從而令櫃子感覺更輕盈，以及在視覺上提升客廳的深度。細心留意，便發現燈槽並非一般同一方向的設置，而是採用上下對燈的形式，此舉就是為了突出主人家的不同擺設或書藏，為本來刻板的書櫃帶來趣味。
書房地台 移動木板夠實用
書房設計同樣符合實際需要，為了增加儲物空間，設計師在房內裝設了兩級高的地台，而地台的竅妙之處，是在書桌下的木板可因應需要拿走，讓主人家使用電腦上網或打機時，可坐得舒舒服服；若有朋友到訪留宿，只需放回木板，就可讓他躺平伸展雙腳。而書桌旁的書櫃除了沿用了客廳櫃子的胡桃木紋之外，亦加入了淺色橡木作點綴，為櫃身增加層次感和趣味。
家中的樁樁件件，小至燈掣，都經過屋主的精心挑選。
飯廳牆上的飾櫃可說是主人家的展示空間，figure、模型、茶具、結他收藏，都突出屋主的風格。
書房設有兩級高地台，既可儲物，亦可供戶主與友人談天時席地而坐。
別具慧眼的屋主，挑選了不同款式的椅子，設計師則為他配襯同色的布料，讓不同風格得到連貫。
客廳書櫃裝上燈槽更令櫃身感覺更輕盈，而對燈的設計，則可突出不同的書藏及擺設。
大門旁設置咖啡角，設計師特別將咖啡角與鞋櫃結合，務求更善用空間。
嗜好多多的主人家，最近迷上了下圍棋。
這是屋主珍藏日本音樂人前田勝彥的親筆簽名結他，之前收在櫃裏，現在可放在飾櫃重見天日。
拿走書桌下的木板，便可讓屋主在用電腦時，雙腳得到伸展。
書桌下的木板可拿走。
單位資料
地區：元朗面積：約520平方呎間隔：2房1廳居住人數：2人室內設計：ALOT Living Limited傢俬費用：散件傢俬：梳化、餐桌椅、電視櫃，約$37,000訂做傢俬：$150,000
採訪：羅爽攝影：Mark編輯：施明慧
來源:
https://hk.lifestyle.appledaily. ... e/20171023/20189428
Next Page