中環在線： 做到頭髮斑白 難為了肖鋼
1 :
GS(14)@2013-07-17 21:54:07http://hk.apple.nextmedia.com/financeestate/art/20130717/18337415
肖鋼接替郭樹清擔任中國證監會主席不足4個月，已經疲態畢露、冇厘神氣，頭髮白晒，還是忙到唔得閒去染髮呢？
失霸氣 現疲態
國務院日前召開全國小微企業金融服務經驗交流電視電話會議，內地網民竟然唔係關注肖鋼講乜，而係留意佢一頭白髮。
有股民仲賦詩一首：「A股跌不休，肖主席白了頭。惹不起公司，管不了機構，愁、愁、愁！」除咗白頭髮，網民仲認為肖鋼眼神都變了，冇晒以前嗰種霸氣，反而顯露迷茫。
其實都唔奇，郭樹清上任17個月，大刀闊斧進行一系列措施，有人甚至話佢係「七日一新政」，肖鋼作風卻以平實、穩健、低調見稱，點樣接手已是一大難題，加上近月A股不滯，上綜指曾跌穿2000點，股民日日鬧，點會唔愁呢？