| ||||||
撚，這一個字，見於白居易的《琵琶行》：「輕攏慢撚抹復挑」，有「用手把玩、操控」之意；用在特首梁振英的樓市政策上，亦相當貼切。上週五，政府公佈推出兩項辣招：一是延長特別印花稅期限及增加稅率；另一是向非本港居民及所有公司新徵買家印花稅，稅率達樓價的一成五，講到明要打擊樓市需求。措施一出，一、二手樓即時水盡鵝飛。在供求失衡下，此招是緩兵之計，旨在以政策換取時間，直至供應在這數年間增加；但後患卻無窮。香港一直奉行積極不干預政策，以自由經濟見稱，價格由市場供求帶動，但現時在梁振英眼中：供應可以操控，需求又可以壓抑，價格自然亦在政府的掌握之中。以此「非常手段」來搬走資產泡沫，徹底改變了以往的遊戲規則，最終「撚」爆香港樓市的，就是特區政府。26/10 18:15上週五 坐在屯門一間酒樓的陳小姐，與友人正在吃飯，無意中抬頭看到電視機，財爺正宣佈兩項打壓樓市措施，她深知不妙；過不久，經紀的電話便殺到。「我哋喺酒樓仲食緊第一道菜咋，就收到經紀電話，即刻由屯門飛的趕過嚟尖沙咀囉，使咗一百五十五蚊呀！」原來，身為香港人的陳小姐，早於幾日前已入票敲定購入尚悅一個兩房單位。新招在同日凌晨十二點後便會生效，她唯有趕到位於尖沙咀美麗華商場的尚悅售樓處簽約，而同行略帶鄉音的友人何太，則捱義氣幫兩位大陸朋友排隊，「佢哋買兩個大單位，諗住俾小朋友嚟讀書住，而家由福田即刻過關落嚟簽約啦！唉，買樓趕到好似要俾埋條命佢咁！」 20:00-00:00 尚悅其實原訂在上週六開售，發展商恆基（12）和新世界（17），急急變陣，提前在上週五當晚、措施還有四小時就生效前開賣。這時的售樓處，已有數名買家開始排隊，不消半小時人龍愈來愈長，因商場空間太窄，隊尾的買家和經紀被安排在商場旁邊的街坊福利會等候。有內地買家拿著一大袋麵包和經紀齊齊狼吞虎嚥，邊食邊等；有些買家還拖著行李喼，趕頭趕命。九時多，何太的兩名內地朋友已搭火車趕到，三人順利簽約，共以近二千萬元買入尚悅三個單位，才鬆一口氣離去。另一對居於元朗東舊樓的麥氏夫婦，亦趕來購入兩房單位自住，「最低工資都加到三十幾蚊啦，個市點會跌？總之，今日買點都有著數！」而深圳居民孔先生，則一家三口連人帶喼衝關趕來買樓，「人民幣一路升，個市都唔會跌，我買嚟自住唔擔心。」買家同經紀齊齊急，加上在場半百記者一窩蜂採訪，令場面如打仗般混亂；即晚截至凌晨十二時，共售出二百多伙。 27/10-28/10 出招後首個週末 二手快步執死雞 上週六，辣招生效，記者再到尚悅售樓處，與前一天可謂天淵之別；這裡即時水盡鵝飛，人龍消失。記者即時轉移到沙田第一城及屯門市中心，觀察二手情況。沙田每間經紀行，都坐滿經紀，可謂奇景，皆因本來已預約的睇樓客縮沙，只有零星投資者問價，想執「劈價」筍盤入市，一眾經紀唯有「玩手指」，中原沙田第一城區域營業經理黎宗文大呻：「今次招數真係非常辣，好多預約咗嘅睇樓客都取消睇樓，有啲轉買為租。」 記者跟了數對睇樓客，他們都笑言：「哎吔，我哋係來租樓o架，唔係你想訪問嘅對象。」至晚上接近八時，中原經紀興高采烈致電報喜：「剛剛有一單成交，第一城二十座低層G單位，三百九十五呎，業主叫價二百九十五萬，最後以二百八十萬成交。」而是次交易亦成為當日全港唯一的二手成交。 週日屯門再錄一宗成交；當日家住九龍區的何小姐，這兩星期已在荃灣、元朗多區共睇了三、四十個單位，打算購入細價樓收租。約五時許，她看中屯門市廣場八座高層C室，一個四百二十五呎的兩房單位。「佢哋見間屋有裝修可以即刻租俾人，就開始傾價錢。」業主為一對年輕夫婦，於○七年以一百零一萬元購入該單位自住，突然在上週六晚開價二百五十五萬放盤。「業主睇淡後市，趁價好就賣咗層樓先，再搵地方住！」業主即時減價五萬，何小姐還價二百二十萬，前後拉鋸了近個多小時，終於以二百三十萬成交，比市價二百四十八萬低了百分之七。 十大屋苑 樓價乾升 ^在上月14號，美國宣佈推出QE3之後的首個週末。 減價貨就掃 一二手即時因新招被凍結，在市場活躍並一直有斬獲的投資者，對此各有見解，例如一直睇好樓市的Terry，「星期五晚好忙呀，政府公佈完政策之後，我即刻落區入貨，開定曬支票上去人哋屋企，遊說啲業主，結果人哋一毫子都唔減，最後一個都買唔成！」全職炒家Terry，曾任職會計，四年前開始全職炒樓；政府兩年前首次實施額外印花稅，本刊曾訪問他，當時他說不買也不放，「嬲到要移民」，但冷靜下來後，相信樓市不會跌，故多次以每個約二百萬元的價錢，於北區購入七、八個單位收租。在低息環境下，這些單位的租金收入，可交付全數供樓支出，而且樓價在這兩年間還節節上升。他相信低息環境將持續至一五年，故今次欲再下一城入市「執死雞」，「星期五買唔到筍貨係好可惜，就算而家有貨，比市價減百分之七、八，我都照買o架，最少買多兩件。」Terry自金融海嘯後開始炒樓，屢有斬獲，故不久索性辭去工作，做全職炒家。未經歷過金融風暴及沙士等經濟低潮的他，對未來樓市相當樂觀，「今次跌一跌，但利息咁低，之後肯定再升一浸，二○一五年加息之前先再算，我今次都係想再買兩、三件貨，就算跌都坐得起。」而他現時持有的十個單位，一於持貨到底，「如果我而家賣咗啲單位，揸住嚿錢買唔番平嘢，梗係唔賣住啦。」 新進炒家Terry 年齡：30+炒樓年資：4年主攻物業：專炒樓價三百萬以下的北區屋苑，如名都、花都廣場等，全造五成按揭或以上。現持有十個單位，大部分於一年多前購入。持貨市值：約$3,000萬 投資老手陳清白 年齡：50+炒樓年資：約20年主攻物業：北角單幢樓、銅鑼灣舊樓、柴灣屋苑等，多為百多二百萬元細價樓，通常全數付清不造按揭持貨市值：估計$1,000萬內 不買也不賣 有「白旋風」之稱的陳清白，活躍樓壇二十年，九七年專炒豪宅，金融風暴後差點破產，經此一役，轉玩細價樓並且穩陣得多，「就算有件貨擺在眼前，平市價兩成我都要考慮嚇！除非自住、上車啦，如果唔係就唔好郁，後市唔明朗，貨我都唔換，免得一出一入，最終益曬班經紀。」他不願透露有多少物業在手，早在幾年前已覺得樓價「唔妥」，「日日都唱地少人多、供不應求，同九七時一樣！你睇嚇○三年嗰時，大家睇淡後市，啲人連自住嗰層都攞埋出嚟，快快賣咗佢呀，點會話唔夠供應呢！現時二手居屋賣到成萬蚊呎，屯門樓又話要七千至一萬蚊呎，樓價同經濟完全背道而馳，有無搞錯，我會睇淡，成交會好慢。」他指，樓價會回落至梁振英上任前，「要跌一成半至兩成，愈出名的二手屋苑，即太古城、康怡、美孚呢啲，跌得最甘，要跌兩成，發展商無咗啲最消費得起嘅大陸客就最大鑊，分分鐘要跌兩成半。」他擔心，若資金由住宅流向工商舖，則只會引發加租潮和通脹，從而引伸更多民生問題。 凶宅大王伍冠流 年齡：60+炒樓年資：約30年主攻物業：凶宅、無契樓、半契樓等冷門物業，現手持20個單位持貨市值：約＄7,000萬 樓市成亂局 伍冠流見盡樓市過往三十年的起落，手持七千萬元物業，現時每個月有八至十萬元租金收入。他對樓市充滿信心，買樓向來全付現金，不用按揭。政府上週五傍晚出招後，他便開始cold call經紀搵筍盤，「呢幾日樓市隨時會禾雀亂飛，要 | ||||||