【馮仁昭四圍超】當年被指棄洪欣母子莫少聰晒抱仔相反擊
1 :
GS(14)@2016-10-20 08:05:33【出生2日】■莫少聰噚日登出當年剛出世囝囝嘅相上網爆seed。微博圖片
莫少聰前日突然喺微博爆seed，講返佢同舊愛洪欣嘅恩怨，當年洪欣話同聰仔生咗個仔莫鎬廉（現名張浩鋒）之後，兩母子冇人理。聰仔叫洪欣捫心自問，當年嘅事，真係全部都係佢錯咩？仲話佢沉默唔代表佢唔敢講嘢。到噚日聰仔攞咗當年抱住剛出生嘅囝囝莫鎬廉相，佢喺微博上載咗兩張相，日期同樣係2000年8月18日，即係囝囝出世後兩日，當時見到莫少聰抱住囝囝，另一張係一名中年女子抱住莫鎬廉，估計係聰媽，莫少聰留言：「好吧，第一次公開兒子的這些照片，滿足大家做偵探的願望，希望每個人都向柯南學習，發現事情背後的真相。」當年傳聞係洪欣懷住莫少聰嘅BB，冇結婚最後分手收場，仲話洪欣當年孤身去加拿大分娩，聰仔背負住負心人嘅包袱。近日聰仔同孫雪玲離婚，接受訪問時話當年外界一直話佢狠心唔理個仔，事實係聰媽一直好錫孫仔，不過聰仔同洪欣冇緩衝嘅橋樑，令佢哋不相往還。
【16歲】■今年8月莫鎬廉（左二）生日，洪欣全家為囝囝慶祝。微博圖片
慘食死貓
據知情人士透露莫少聰食咗10幾年「拋妻棄子」死貓，該名人士又話洪欣大肚時已經同聰仔同居，到洪欣入院產子，聰仔仲陪埋入產房，一直都喺佢身邊，所以會有呢張抱仔嘅相出現。但有一日洪欣突然抱走個仔人間蒸發，之後就傳出聰仔唔理佢哋兩母子，該知情人士話：「當時聰仔搵極都搵唔到兩母子，佢又為咗個仔，所以冇去爭辯選擇唔出聲。」撰文：馮仁昭
來源:
http://hk.apple.nextmedia.com/entertainment/art/20161020/19806090
攻日被指棄韓TWICE遭恐嚇淋鹽酸
1 :
GS(14)@2017-07-05 03:42:45韓國9人女團TWICE短短出道近兩年，人氣已直逼女子天團少女時代，被封為「新國民女團」。近日TWICE就進軍日本，於當地推出精選專輯《#TWICE》，成員連日來都在日本宣傳新碟。不過TWICE攻日就惹來韓國網民反感，有人留言恐嚇要用鹽酸淋TWICE，令粉絲相當擔心偶像的安危。據知前日有網民於論壇留言恐嚇：「TWICE捨棄韓國，去日本賺了好多錢。錢，的確是最好，那麼就不要再返韓國，因為已有10公升鹽酸在機場等待你們。」雖然該留言隨即已被刪除，不過由於近日女團A Pink亦多次受到死亡恐嚇，因此粉絲及TWICE所屬的JYP事務所亦關注此事。
■TWICE其中5名成員完成日本行程後，昨午安全抵韓。
■子瑜趁工作空檔，孖隊友去餐廳食飯。
子瑜晒新片
昨午TWICE由日本飛返韓國，JYP事前表示已於機場加派保安，又會追蹤留言恐嚇TWICE的網民IP，掌握相關資料及證據後會起訴對方。而TWICE其中五名成員昨午已飛抵韓國金浦國際機場，幸好沒有事發生，而三名日本成員Momo、Sana、Mina及台灣成員子瑜就未有跟隊返韓。今次不是TWICE首次受到死亡恐嚇，Mina早前疑因跟同門師兄GOT7的Bam Bam傳出緋聞而遭死亡威脅，令粉絲擔心有人做出偏激行為，紛紛留言希望JYP、警方盡快解決事件。另外，TWICE進軍日本後相當忙碌，除頻頻亮相日本音樂節目宣傳外，更於前晚舉行出道showcase，穿短裙晒腿示人，吸引15,000名粉絲捧場。雖然忙開騷，不過成員亦有到餐廳享用美食，子瑜更於官方Instagram公開搞鬼新片冧粉絲。撰文：文康妮
來源:
http://hk.apple.nextmedia.com/entertainment/art/20170704/20077682