【馮仁昭四圍超】無綫坐冷板 過ViuTV拍劇黃淑儀仔拗攣游學修
1 :
GS(14)@2016-08-09 07:33:07最近被傳同張曦雯拍拖嘅黃淑儀囝囝徐肇平，原來愛情得意之餘，事業亦同樣得意，最近獲ViuTV力邀加盟拍攝新劇《三一如三》，飾演游學修hehe對象。其實舊年徐肇平傳拒簽無綫經理人合約而被雪藏，之後佢續簽藝員約一年，但都唔見有新作。而家徐肇平過檔ViuTV拍劇，當然好過喺無綫坐冷板凳啦！
過檔做同志
記者打畀徐肇平，但未有回覆，而黃淑儀噚日就話：「佢都冇乜點樣同我提過，但我知道佢同TVB contract滿㗎啦。」講到個仔過去一年都冇乜嘢做，黃淑儀就話：「我覺得佢好多嘢做，不過都係外面嘢，就唔係TVB嘅嘢。」似乎暗寸TVB咁噃！而劇集《三一如三》有唔少hehe鏡頭，好似黃奕晨暗戀陳安立，佢兩個做完運動沖涼嗰陣，黃奕晨仲對陳安立有所暗示。《三一如三》編審南方舞廳噚日講到徐肇平個角色時話：「係游學修鍾意佢，會唔會因為咁令佢hehe就唔講住，因為未諗。」
■另一《三一如三》系列中，黃奕晨(右)對沖緊涼嘅陳安立有hehe暗示。
■吳浩康噚日同莫凱謙、吳日言及KellyJackie等出席ViuTV新節目宣傳。
但求有得唱
另外，吳浩康（Deep）、吳日言同小肥噚日出席ViuTV喺九展舉行嘅《ShowTime我主場》記者會，Deep唱出佢當年首《先入為主》，佢話：「自己但求有得唱，想感受返舞台嘅感覺。」撰文：馮仁昭
來源:
http://hk.apple.nextmedia.com/entertainment/art/20160809/19728269
執導《七月與安生》七提名搶金馬曾國祥拗攣周冬雨 全靠王家衛
1 :
GS(14)@2016-10-22 22:28:55■曾國祥日前接受專訪時表示，當得悉周冬雨（右）及馬思純入圍金馬最佳女主角後，即時興奮得尖叫起來。攝影：周樂恒
【金馬專訪】台灣金馬獎頒獎禮將於下月26日在台北舉行，月初已公佈入圍名單，曾志偉兒子曾國祥（Derek）導演的電影《七月與安生》共獲七項提名，包括兩個最佳女主角及最佳導演提名（見附表）。早前Derek在尖沙嘴接受本報專訪，談到獲知入圍一刻，第一時間是通知媽咪這個消息：「佢係一位我做乜嘢都好支持同humble（謙卑）嘅人，媽咪同我講咗句『唔好咁驕傲喎』。」
■曾國祥謂母親得悉獲提名，高興之餘不忘叮囑兒子要謙虛點。
《春光乍洩》影子
《七》片以陳可辛監製，是回饋亦是傳承，當年曾志偉為陳可辛執導的《雙城故事》同時擔任監製及演員，Derek說：「我梗係想係傳承，如果遲啲是知（陳可辛女兒陳是知）想入行，我都可以傳承返畀佢。」自言「虛榮」的Derek可以劍指金馬，絕到滿足到他的「虛榮心」。更上一層樓的是《七》片兩位女角同時入圍，Derek說：「當我知道周冬雨同馬思純獲提名時，其實個人已經癲咗。我覺得點樣都係安生（周冬雨）比較搶戲啲，你問我邊個勝算高啲，我都會話係安生，但係冇馬思純演七月咁紮實，好難令安生咁搶戲。」有欣賞過《七》片的觀眾，片中呈現不少王家衛電影《春光乍洩》、《花樣年華》的影像，對此Derek笑說：「我知道一定會有人睇到！我唔係參考王家衛作品，我係深深被王導影響。我唔敢答最鍾意嘅導演係邊個，但係啟蒙嘅導演，一定係王家衛，可能係咁潛移默化加咗入自己電影。」
周冬雨同性情誼
另外，周冬雨演的安生跟戲中的馬思純一段似有還無的同性戀情，雖然導演強調只是一段純純的同性情誼，但周冬雨有不同見解：「我想安生真的有一點點（同性戀），雖然她是直女，但是說不定有呢。而七月對安生一直在讓愛，她還一直在躲，因為安生最愛是七月，她願意把美好人生全部留給七月。」撰文：何永寧化妝：Yannes Lee of NDNCO髮型：Ken Hui of II Hair& Nail服裝提供：Sophnet
■馬思純（左）跟周冬雨在《七》片有一段似有還無的同性戀感情戲。戲照
金馬獎提名《七月與安生》
【最佳女主角】周冬雨、馬思純【最佳導演】曾國祥【最佳改編劇本】林詠琛、李媛、許伊萌、吳楠【最佳造型設計】吳里璐【最佳剪輯】許宏宇、李點石、周肖林、檀向媛【最佳原創電影歌曲】竇靖童《（It's not a crime）It's just what we do》資料來源：台灣金馬獎官方網頁
來源:
http://hk.apple.nextmedia.com/entertainment/art/20161022/19808530