羅傑承力追拍拖7年後反目 陳加玲感情糾紛變錢銀瓜葛
1 :
GS(14)@2017-01-02 11:51:11陳加玲除夕夜同外藉男友喺酒吧夜蒲，玩得盡興，不過佢最為人熟知嘅，就係廿幾年前同商人羅傑承嘅一段情史。91年陳加玲參與拍攝《黃飛鴻笑傳》，有傳羅傑承對陳加玲一見鍾情，雖然已經係有婦之夫但仍落力狂追，至94年羅傑承同正室離婚，確立咗陳加玲嘅地位。直至95年，羅傑承於尖沙嘴遭刀手伏擊，身中三刀，當時陳加玲不離不棄，感情突飛猛進，可惜兩人拍拖7年分手收場，03年陳加玲更因生意合作與羅傑承發生錢銀糾紛，對簿公堂，約10年間兩人關係大起大落。陳加玲14年又突然發聲明，喺冇指名道姓之下，話自己廿歲時年少無知，遭追求者隱瞞已婚身份，仲喺聲明最後一段話：「地球好危險，包着人皮的獅子老虎滿街行，請大家小心。」
來源:
http://hk.apple.nextmedia.com/entertainment/art/20170102/19884212