| ||||||
次 次睇上市公司年報,大家其實最鍾意睇啲高層究竟幾多錢人工,係咪物有所值,八卦之餘順便睇埋邊個係打工皇帝。今年嚟講,由於和黃(013)年報仲未出, 所以唔知已經幾多連冠、年薪過億嘅霍建寧大班可唔可以繼續「冧莊」。咁暫時邊個係最高人工「新人王」呢?已經唔係陳振聰軍師、宏霸(802)主席朱偉民 (3283萬元年薪),而係利福國際(1212)主席、人稱「細劉」嘅劉鑾鴻! 爬陳振聰軍師頭 利福年報顯示,細劉年薪總額由 07年嘅1424.9萬,跳升到舊年6397.8萬銀;睇真啲,佢底薪398.8萬其實冇變,係公司以股份作為薪酬嘅部份大增,由前年1024.9萬加到 舊年5997.8萬。至於係咩原因令細劉加人工加到咁勁就無交代。值唔值呢個價,睇嚟要利福小股東評價嘞。講番霍大班,話時話,若果(若果咋!)超人因為 唔likey 3G搞到o依家仲未真正止血,又或者因為金融海嘯要縮皮,又或者業績倒退(啲分析員講咋!)而要減霍大班人工,話唔定一個唔覺意,佢份糧可能同細劉哥睇 齊……睇嚟舊年董事人工冠軍,可能有得爭噃。李華華[email protected] |
2009-04-30 AppleDaily
| ||||||
電 盈(008)喺上訴庭聆訊輸咗,私有化玩完,但財技智慧似乎陸續有來,首先大派特別息每股1.3元掏空公司現金,一眾管理層亦有巨額犒賞。8號仔噚日新鮮 出爐嘅年報顯示,董事會酬金開支雖然少咗2984萬,但主要係前副主席蘇澤光唔撈所致;主席李澤楷照舊斗零唔袋。董事總經理AA艾維朗冇收850萬花紅, 但基本薪津就升咗10.8%至1875萬,拉勻全年2016萬,按年少攞24%。 不過最盤滿缽滿嘅執行董事係「賣樓天王」李智康,佢舊年總薪酬3047萬,按年僅跌4.3%,認真和味。 睇 番電盈舊年整體營業額升34.7%至319.5億,但銷售成本卻急增69.4%至178.5億,呢個謎團終於解開,年報話,推售貝沙灣豪宅嘅成本就佔其中 嘅81.82億元,飆升3.03倍。8號仔自身成本亦升14%至96.68億,主要來自硬撼有線電視嘅新建NOW香港台,香港電話公司重組費用亦達 1.71億。 攞3047萬多艾維朗1031萬 講到幾時召開股東周年大會(AGM),電盈並無分開公告,反而靜靜雞喺年報最尾 一頁列出話喺6月26日。唔知嗰日小小超夠唔夠膽現身,但小股東大聯盟召集人梁國強估佢會避席喎。之不過,小小超同AA都冇喺年報交代派息後公司營運能 力,但非執董李國寶就以行動支持,星期一豪擲132.4萬,喺市場以平均價3.31元,增持電盈40萬股至100萬股,咁5月18日除權時,就穩袋130 萬銀股息嘞!李華華[email protected] |
| ||||||
渣打上個禮拜公佈亮麗嘅業績,股價連升四日重上二百蚊。佢哋大中華區主席曾璟璇接受內地報章專訪時話:「其實我依然是一個打工者,只是運氣比較好一點罷了。」曾璟璇話自己係「打工妹」,跟佢哥哥煲呔曾嗰句「我會做好呢份工」同出一轍。兩個果然係一家人! 「女性感性 更能體會客戶感受」 渣打舊年純利創新高,當中90%嚟自中國、印度等亞洲國家,身為大中華區主席的煲呔妹功不可沒,煲呔妹好謙虛話自己冇乜管理秘訣,可能係關佢做事方式事。 佢話,「女性比較感性,能夠更好地體會同事和客戶感受。我非常佩服惠普的前任CEO卡莉.菲奧裏納,她的身上有一種堅毅的精神,這種堅毅很多男性都做不到!如果你要做大事,則很需要這點」。 2005年曾璟璇接任渣打中國一姐嘅高職。佢話07年嗰陣,輿論對外資銀行搶佔市場的擔心不絕於耳,「那時大家不停地說外資銀行進來了,就是披着羊皮的狼來了。」但佢認為,中資銀行有外資銀行不能比擬嘅競爭優勢。 佢仲話,自己o依家最希望就係渣打銀行將外資標籤拎開,變身成為中國嘅銀行一分子,跟住努力扮好小銀行嘅小角色,做好本職工作。 但問題係,渣打堂堂正正外資行,大股東仲係新加坡政府控制嘅淡馬錫,要成為中國嘅銀行一分子,煲呔妹係唔係要問過李光耀先呢? 馬仔亨第二份兼職做藍籌董事 因為健康理由退出官場嘅馬時亨,除咗由「肥馬」成功瘦身做「健康馬」之外,仲繼續活躍於金融市場。噚日正式榮升為恒指成份股嘅華潤置地(1109),趁住大市上升,股價都飆高咗超過1個巴仙,潤地噚晚仲公佈,公司羅致咗馬仔亨,做佢哋嘅非執行董事。 華華記得,自從電盈年代擔任過藍籌股董事後,呢次睇怕都係健康馬第二次再做blue blood企業嘅董事啦。公佈指,舊年度佢老哥嘅董事袍金係12萬銀。 潤地呢份工已經喺馬仔亨年前,以患病為由,辭去商務及經濟發展局局長後,第二份金融界非執董工作,最轟動嗰鋪當然係舊年底宣佈加盟中策(235),出任非執董兼主席一役,拍住恒生銀行(011)前大班柯清輝收購南山人壽。不過,單刁仲等緊台灣監管機構審批。 瑞士名錶香江大陸豪客 內 地豪客炒起香港豪宅,連名錶市場都多得佢地唔少!賣成五萬至過百萬銀嘅貴價名錶,亦一早將目標由原本嘅美國客轉向內地客埋手。名錶代理商冠亞商業 (104)執行董事區肇良話,金融海嘯之後,全球貴錶生產基地瑞士嘅最大出口市場,已經由美國改咗做香港,舊年香港出口市場就佔24%;美國得8%;中國 都有7%。香港入口嘅名錶,最終消費者都係內地客,但點解唔直接入口中國?香港咪就係贏在關稅低囉! 李華華 [email protected] |
| ||||||
浙江第一銀行前董事長孔祥勉月初 離世,享年八十二歲,上週在其親家林行止創辦的《信報》刊登訃文。孔祥勉的名字與國民政府的財政部長孔祥熙相近,加上浙一早年與國民黨關係密切,令外間誤 以為孔祥勉大有來頭,而事實上孔家三代都只是銀行打工仔,不過孔祥勉憑藉浙一銀行董事長之名,不單在上流社會交遊廣闊,而親家亦非富則貴。即使○三年浙一 被永亨銀行收購後,孔祥勉因早有「安排」,令他幾乎不用分毫,向浙一買入現值一億五千萬元的渣甸山獨立屋及名車,令他與親家「行埋」,更門當戶對。 享 年八十二歲的孔祥勉,生前居住在渣甸山睦誠道獨立洋房,自從浙江第一銀行○三年被永亨收購後,少現身於社交場合。只是刊登於《信報》半版的訃聞,令人又聯 想到他是報章創辦人林行止的親家。上星期六,其大屋門外暫未有白事布置,孔老太亦未有出門,兩名操英語的印籍保安禮貌地拒絕記者採訪,只微笑道:「你一定 要先預約,先打電話給孔太,如果她叫你進去,我就會讓你進去。」近六千呎的大屋內放置了三部名貴房車,其中一部是一九八五年英國出產的Daimler,正 是九九年其子孔令遠迎娶《信報》太子女林在山時,用作結婚的花車。不過,這部古董車當年登記的車主是浙江第一銀行,現時則由孔祥勉兒子孔令遠持有。 而 這間位於渣甸山的獨立屋,同樣在浙一被收購後落入孔家手上。原來孔祥勉在八十年代出任浙一總經理時,早已在董事局會議上通過議決,為他日後仍有豪宅住鋪定 後路,「永亨收購浙一,間屋歸孔祥勉是交易條款之一。」永亨前員工透露。 早有安排住大屋 其實早於八○年,孔祥勉在任浙江第一 銀行總經理時,薪酬條件就包括由銀行斥資購入一所市值四百萬的住所供孔家入住,兩年後買屋額度升至七百萬,還要指明樓宇質素要媲美港島豪宅愛都大廈;當時 浙一就以七百五十萬購入渣甸山大屋,供孔家居住。 孔祥勉還與銀行訂明,日後他有權向銀行購入該物業,而購入價就是攤銷後的剩餘價值。而這間 大屋分十八年攤銷,即是說二千年的剩餘價值已是零。所以孔祥勉在○三年就行使他的認購權,不費分毫渣甸山大屋就成為囊中物。 浙一銀行在八十 年代由日本第一勸業銀行控制,公司派有日本人任董事,但管理則交由孔祥勉負責,「佢(孔祥勉)每年交到數,擦得住班日本仔,日本仔無過問咁多。」浙一銀行 前員工說。孔祥勉作為浙一的打工仔,這間大屋可算是最和味的「退休金」。 永亨執爛攤 浙一銀行為孔祥勉帶來名與利,他亦十分珍 惜。二千年時,持有浙一的日本第一勸業銀行與富士及日本興業三家銀行合為日本瑞穗集團,瑞穗決定賣盤時,他亦力挽狂瀾,希望盡最後努力改善銀行盈利以打消 賣盤念頭,並邀得已退休的恒生銀行前副行政總裁林李翹如(林太)任浙一顧問;透過林太以往在恒生的客戶關係,浙一谷大企業貸款生意,又從恒生請來將近退休 的信用卡主管Peter Leung,來力谷信用卡業務。只是浙一仍逃不了賣盤的命運,○三年日本瑞穗終以四十八億元把浙一售予永亨。 為了 壯大資產而收購浙江,以進入大陸市場的永亨,收購後就要處理幾樁壞賬,其中由林李翹如引入浙一的客戶,仁濟前主席尹志強,就拖欠永亨數百萬元而遭永亨入稟 追收,而一名浙一舊客戶劉姓製衣廠商人,欠下銀行貸款一年內無繳付;這些爛攤子都由永亨一一承擔。 而浙一賣盤後,原本任職浙一副總經理,孔 祥勉的長子孔令成,後來轉到潮州家族陳有慶的盤谷銀行,出任高級副總裁;銀行界人士估計可能是透過其母親的關係而到該銀行打工。 親家皆屬潮 州幫 孔祥勉的外父是早年潮州商家吳化龍,是四、五十年代潮州紡織商人,早年在上海以通健洋行經商,五十年代在九龍塘德雲道已擁有一間獨立 屋。孔祥勉太太吳苗芝特別喜歡打麻雀,常與闊太們以打麻雀來聯誼。而吳家另一女兒吳苗茹,就下嫁恒豐酒店老闆李德義,吳家九兄弟姊妹關係十分密切。 無 獨有偶,孔祥勉的親家也是潮州幫,最為人所熟悉是《信報》創辦人林行止。七十年代,孔祥勉與林行止同樣居於天后廟道摩天大廈,是樓上樓下鄰居;後來林家透 過經營《信報》住上山頂種植道大屋;九九年其子孔令遠迎娶林在山時,被譽為金童玉女世紀婚禮,城中政商界名人都俾面出席;當時外間仍稱孔令遠是浙一的「太 子爺」。而孔祥勉另一親家是早年赫赫有名的潮州地產商馬錦燦,孔祥勉兩位親家有錢又有面,難怪他一直都為面子而撐着,即使失去浙一銀行董事長身份,訃文亦 登出其生前拿過金紫荊星章、法國勳銜、比利時勳銜等荷蘭水蓋。 而訃聞的通訊處則是次子孔令遠的私人公司菱控香港,孔令遠二千年三月在創業板 把菱控電子(i-mechant)上市,公司專替客戶安裝網上交易系統,在科網股熱潮下,透過賣舊股套現六千萬,但科網股爆破後,公司股價大跌九成,由於 公司自○四年起連年虧蝕,導致要削減股本,最終○八年亦賣殼,改為經營私人公司菱控香港,太太林在山亦專心湊女,兩公婆甚少出席社交場合。 浙 一真老闆 與國民政府前財政部長孔祥熙關係密切的浙一要人,其實是創辦人李銘。他的孫兒李寧就是恒基主席李兆基女婿。李銘是浙江紹興人,家族 三代都經營錢莊,被封為中國十大銀行家,二、三十年代李銘到日本留學,回國後執掌浙江銀號,一九一四年策動官商分家,把浙江銀號拆為由商辦的浙江實業銀行 及官股為主的浙江地方銀行。 後來,浙江實業銀行引入外商作股東,在國民黨掌政期間,李銘被選為「國債基金保管委員會」的常委,替政府保管發 債得來的資金。所以與孔祥熙關係密切,亦令外間誤以為孔祥勉是浙一的大老闆,今年九十歲的浙一銀行前董事長胡思紀說:「孔祥勉同國民黨無關係,別看他的名 字就誤會了。」 事實上孔祥勉的父親孔綬蘅,二十年代在浙實由練習生做起,後升至外匯部經理。四九年解放後,李銘走難到港,再成立浙江第一銀 行,孔綬蘅出任董事,而其子孔祥勉在浙一成立初期,只任會計;浙一在六十年代,輾轉出售股權予日本第一勸業銀行(後重組為瑞穗集團),至八九年已全資持有 浙一。孔祥勉七六年才成為浙一董事,八五年正式升任董事長,以維繫銀行一班上海老客戶。 |
2010-5-25 AD | ||||||
| ||||||
證監會近年雷厲 風行號稱專打大鱷,私有化、收購合併俾佢「將軍」搞煱時而有之,但世事真係何曾是絕對!中國燃氣(384)想縮沙唔用21.17億,買起中裕燃氣 (8070)單嘢,中燃因為縮沙理由唔夠充份,俾證監落order要佢「必須繼續進行」收購!呢單嘢搞成咁,竟然係由中裕幾個可能係全宇宙最強嘅打工仔引 發! 中燃收購中裕,好自然要中裕交晒啲數簿,俾中燃做盡職審查,但有三個中裕旗下中國附屬公司嘅高級管理層唔滿意呢單刁,向中裕大老闆王文 亮攞着數,王老闆得到中燃老總劉明輝嘅默許,派咗特別花紅同埋送咗新車俾佢哋。 證監迫中燃繼續收購 點知呢班職員仲未夠喉,想 再拎多啲,仲要求中裕現時嘅管理架構唔准郁,王老闆呢勻唔制,呢班管理層就嚟一招「收佢數簿」,唔幫核數師完成核數工作,核數師提出嘅問題,佢哋又唔肯 答,核數師又攞唔到燃氣錶讀數嘅資料,總之核數工作停晒,令到準新主人中燃知難而退。 點解證監仲要中燃去馬呢?簡單啲講,依家唔可以肯定中 裕因核數問題而出唔到業績,令中裕嘅上市地位受威脅,只係可能遲啲。證監又覺得中燃只假設中裕大老闆未能履行責任,所以要中燃繼續去馬,到 deadline中裕交唔到數出嚟先講喇。呢個故事教訓大家,「刁」唔好亂做。 李華華 [email protected] |
2010-7-29 AD
| ||||||
和黃(013)旗下嘅赫斯基能源(Husky),招攬咗3名新董事入局。超人李嘉誠請得嘅,當然係猛人!其中大家最熟悉嘅,應該係之前話自己身體唔好、搞到要辭職走人嘅財經事務及庫務局前局長馬時亨嘞。 華華真係想識吓肥馬位醫生,醫術高明到令肥馬近一年鬼咁精神爽利,做咗中策(235)主席冇耐,o依家又話幫埋誠哥打工。其實肥馬做官之前已經同小小超李澤楷結緣,做過幾年「8號仔」電盈嘅財務總監。肥馬今次撈埋石油,唔知係有小小超推薦吖?定只係同李家特別有緣呢? 另一位新董事係誠哥愛將,現年74歲、曾經喺長實(001)做咗廿年副主席嘅麥理思(George Magnus)。麥理思80年代就幫誠哥打工,o依家仲喺長和做緊非執董。 最後一位就係闊別兩年嘅英國駐港前總領事柏聖文(Stephen Bradley),華華最有印象就係佢成日大鬧港府冇搞好文化保育,又自爆皇后碼頭要拆嗰陣,嬲到想揸架插米字旗嘅遊艇去抗議。咁多意見,做公司董事真係啱晒佢。 李華華 [email protected] |