科技透視：電競選手如藝人 收入可相差千倍
1 :
GS(14)@2018-01-07 16:00:25■英皇電競業務總監張焯然（左）希望家長明白「電競唔係乞食」；旁為英皇電競戰隊總監劉偉健。
電競業收入2016年開始高速增長，市場研究公司Newzoo估計去年更「玩」出逾50億元的收入。在龐大獎金及資本投資下，電競業締造出造富神話，媒體頻頻報道年僅20歲出頭的電競選手動輒百萬年薪，吸引不少年輕人想一圓電競選手夢。
最高逾千萬 部份無底薪
一如影視藝人及運動員，電競選手收入結構同樣是金字塔式，最頂尖的明星賺取過千萬年薪的同時，更多的電競選手可能只收取數千元收入，收入相差可逾千倍。去年收入最高的德國電競選手Kuro Takhasomi單是透過比賽獎金就贏得約1,906萬港元，而內地著名EDG電子競技俱樂部招聘的《英雄聯盟》青訓選手，月薪低至2,000元人民幣，有些俱樂部選手更是無底薪，僅以比賽獎金分成作薪酬。英皇電競戰隊總監、前世界冠軍劉偉健（Toyz）透露，電競戰隊薪酬可能會比不少人想像高，旗下G-Rex戰隊在台灣的平均月薪為2萬港元，被收購後，平均有三成加幅。當中上述為基本薪金，並未包含比賽獎金或直播收入等。若贏得一個大型比賽，或可達到百萬年薪級別。然而，目前真正投身職業電競選手的香港人相當有限，G-Rex戰隊亦僅有一位香港人。被問到簽一位本地選手時，會開出甚麼待遇條件，Toyz稱:「條件絕對會好過現時大學生出嚟求職嘅人工，我本身好理解選手職業生涯比較短，呢段時間好寶貴，我唔會剩係俾3,000、6,000、9,000蚊你打兩三年，當佢加入職場時可以得到比佢本身讀完書更好的待遇，先有吸引力。」英皇電競業務總監張焯然亦指，基本薪金會多過大學畢業生的月入中位數水平，最終價錢會視乎該位選手的實力，「好希望令啲爹哋媽咪明白電競唔係真係乞食，先可以令個市開始旺」
前世界冠軍：勿亂入行
作為過來人的Toyz坦言，「我係唔會鼓勵任何人去直接行電競呢條路，我唯一畀到年輕人嘅建議係讀好書、做好嘢先，再將空閒時間投入去電子競技裏面，唔好盲舂舂咁衝入電競市場，因為好可能你嘅天花板（能力上限）唔適合。」
Toyz續指，韓國政府會推動小朋友去打機，但香港政府不可能，家長會強烈反對。其自身過去亦有正職在身，只會工餘時間打機，但剛好有幸擁有打職業的實力。「我唔會覺得話我真係夢想做一個職業電競選手，我一日要打16個鐘咁。冇可能㗎我覺得，隨遇而安啦。」香港電競總會主席周啟康亦指出，「前景係有嘅，不過門檻係好高，好似做明星咁，你有幾多個可以做到最頂級嘅人，被人揀到去打職業賽。可能十萬個人入面，先得兩、三個可以出嚟做頂尖選手。」記者：彭崇強
來源:
https://hk.finance.appledaily.co ... e/20180102/20262465