|
||||||
|
由秘書升到做執行董事已經唔簡單，仲要係由李嘉誠個秘書做到長實（001）執董，姑勿論你認唔認同「超人」嗰套，但洪小蓮肯定係成功！ 噚 日，李嘉誠基金會董事洪小蓮獲理工大學頒發榮譽院士，佢上台致辭，講唔夠兩句，仲一時感觸，淚灑當場（小圖）。佢事後同華華講，喺事業上女性要付出嘅努 力，比男人更多當年工作壓力相當大，手下係全男班，自己又唔係做開房地產，要服眾一啲都唔容易。佢憑住努力，扶搖直上，做埋執董，仲一直係超人嘅重臣。 佢 又話，雖然工作辛苦，但係好在有屋企人支持，今次得到呢個榮譽好驚喜，覺得係外界對佢嘅肯定，佢仲講笑話，最感觸係要放棄千萬年薪，轉做慈善工作喎。咁做 老婆同阿媽嚟講，佢又稱唔稱職呢？佢老公梁光建話好稱職，因為就算好忙，佢都會煲湯畀屋企人飲，仔仔梁承傑仲話，媽咪係自己嘅學習目標！呢啲咪就係事業家 庭兩得意囉！ |
||||||