📖 ZKIZ Archives

搞逝世40年展覽 李小龍弟轟康文署過橋抽板

1 : GS(14)@2013-07-11 01:26:21

http://hk.apple.nextmedia.com/entertainment/art/20130710/18328630
為期5年的「武．藝．人生──李小龍」於本月20日李小龍逝世40週年當日在沙田的香港文化博物館展開，日前有消息指展覽涉及太多李小龍童年在李家的資料，由於主辦單位康文署事前沒徵求李小龍胞弟李振輝等家人同意，李振輝及其家人也不獲主辦單位邀請出席，故李振輝去信康文署投訴不受尊重。

大前日記者聯絡上移居美國洛杉磯的李振輝，他大爆整件事始末，直斥康文署過橋抽板，不受尊重。64歲的李振輝在電話說：「大概兩年前，康文署首先contact我同我大家姐（李秋源），話想搞個李小龍展覽，仲帶埋我去沙田個展覽館度參觀。跟住我同家姐返番美國，佢哋話想過嚟同我哋再繼續傾，我話好呀，我特登上三藩市同佢哋再傾。我話我哋拍咗《李小龍》呢部電影，有個set不如拎出嚟擺喺展覽館度，可以畀人睇以前我哋屋企係點，佢哋仲話：『好呀！好意見。』但跟住冇曬下文。」



擅用故居設計

                                    直至月前，李振輝從李小龍會會長黃耀強口中獲悉康文署如期本月舉行李小龍展覽會，改邀李小龍遺孀Linda及女兒李香凝合作，初時李振輝還不以為意，他說：「我話唔緊要，佢哋鍾意點就點，但黃耀強同我講康文署繼續用小龍故居個set嚟做。咁就唔啱啦！攞曬我啲idea，同埋個set係我design，我come up每個idea，你攞咗我，咪侵犯咗我知識版權？我話唔得，黃耀強反映番畀佢哋聽，佢哋先至寫封信話對唔住，跟住問我有冇興趣返嚟，請我一個人返嚟參觀呢個展覽，我覺得好似俾人利用咗，攞咗我idea然後跟住佢自己走去搞，所以我好反感，我歡迎你哋搞個博物館，尊重我哥哥，但你一啲都唔尊重我同我家姐。」
PermaLink: https://articles.zkiz.com/?id=283289
Next Page
ZKIZ Archives @ 2019