後台默默做背後女人安仔攬Sammi完騷晒恩愛
1 :
GS(14)@2015-05-05 22:56:19■前晚安仔完騷後，在後台攬着為他打點一切的Sammi，大晒幸福。微博圖片
一連四場「Come On許志安演唱會」前晚完滿結束，縱使觀眾千呼萬喚鄭秀文（Sammi）的名字，Sammi仍安份守己做安仔背後的女人，在後台為愛郎打點一切。安仔在台上識趣地兩度感謝Sammi，還將嘉賓林憶蓮（Sandy）叫Sammi，十分搞笑。雖然Sammi未有在台前現身，但戴上黑框眼鏡及束髮的她，大方在後台與安仔拖手攬腰恩愛合照，賀安仔完成個唱。二人的合照被好友放在微博公諸同好，BoNe12321留言：「COME ON恩愛後台照（徇眾要求）手拖手，黐到實！」
■安仔吊高半空獻唱情歌。
■安仔與Sammi在後台大方與眾人合照。
■演唱會落幕，安仔（右二）與一班高層及工作人員等開心慶功。
■安仔邀得Sandy做嘉賓，不過叫錯對方做Sammi。
叫錯憶蓮做Sammi
安仔與Sandy拖手合唱《至少還有你》，反應熱烈，安仔說：「好耐冇聽過Sandy唱歌，係一個福氣，不過，我唔應該拖咁耐。十幾年前好鍾意呢首歌，我去過好多地方唱，可以一齊唱係夢想成真，我覺得Sammi嚟咗……係Sandy嚟咗，冇理由唱一首歌。」對着Sandy叫Sammi真是超尷尬，之後憶蓮和安仔再合唱兩首快歌《灰色》和《傾斜》，勁歌熱舞令場館升溫。
■安仔（左）與杜德偉扮咀嘴影相。微博圖片
約老婆旅行度假
演唱會完畢，安仔接受訪問，被指在台上感謝太太Sammi時說話好似「鬼食泥」，他解釋說：「唉！要留力嘛！呢啲唔通大聲講咩，梗係溫柔啲講。」安仔表示稍後會放假，等Sammi完成手頭上的工作後，會一起去旅行度假。另外，有報道指一班華星新秀會組織華星同學會，安仔說：「係呀！華星朋友有個group chat，以文佩玲為首，等大家可以多啲機會聚吓，多啲人加入嘅時候，可以做嘢回饋吓社會。」採訪：馬建華攝影：陳俊強
■安仔前晚自彈自唱《不要驚動愛情》。
唱《不要驚動愛情》甩嘴
2011年「牛脷文」和「豬髀安」太平館約會被撞破，同期鄭秀文推出《不要驚動愛情》，一語道破世紀復合，《不要驚動愛情》是繼《唯獨你是不可取替》許志安和Sammi的愛情故事後，另一首值得紀念的經典歌。為了細味愛情，安仔特別前晚的演唱會尾場自彈自唱《不要驚動愛情》憑歌寄意送給後台的愛妻Sammi，怎料安仔竟然不記得歌詞，彈吓唱吓甩吓，幸好台下歌迷萬人大合唱力撐他完成表演。安仔被指忘詞時，他說：「事前未練過，只是以前曾經彈過，彈到咁大家先鍾意睇。」
來源:
http://hk.apple.nextmedia.com/entertainment/art/20150505/19135742
BIGBANG深圳完騷趕去蒲
1 :
GS(14)@2015-08-09 20:25:33韓國天團BIGBANG前晚在深圳舉行演唱會，五子首次公開唱新歌《Zutter》及《我們不要相愛》，T.O.P更戴上比卡超帽賣萌，引來12,000名歌迷尖叫。不過有粉絲卻不滿前排觀眾沒有好好應援，指他們毫不尊重捱完通宵趕來演出的五子。
■GD（左）和太陽完騷後參加派對。
BIGBANG完騷後趕到福田區的晚裝空間夜場舉行派對，勝利風騷打碟，而G-DRAGON（GD）等人就趴在欄杆欣賞，眾人玩到凌晨4時半才返酒店。此外，BIGBANG的9月台灣演唱會門票原定昨日在當地開賣，但因颱風影響而延至今日售票。撰文：江瑚
來源:
http://hk.apple.nextmedia.com/entertainment/art/20150809/19248686
A-Lin完騷勁空虛
1 :
GS(14)@2016-03-15 15:09:55A-Lin一連兩場紅館演唱會前晚圓滿結束，她邀請台灣好友戴愛玲當嘉賓，不過，戴愛玲全程只是坐在台下跟A-Lin合唱《我不離開》和獨唱《空港》。演唱會其間A-Lin叫現場觀眾一起開電話閃燈，造成一片美麗的「燈海」，由樂手為她拍照。
A-Lin完騷後受訪稱騷後感覺空虛，被問到丈夫和女兒有否來港，A-Lin說：「他們有來香港，不過想低調，不想焦點落在他們身上，如果落在他們身上，我都會生氣，因為我才是主角嘛。」對於戴愛玲未有上台唱歌，A-Lin解釋：「因為香港唱歌要申請，但是她沒有申請，我知道她來港，所以邀請她，很高興她出現，更感謝古巨基百忙中抽空任第一晚表演嘉賓。」採訪：王連連攝影：仇志德
來源:
http://hk.apple.nextmedia.com/entertainment/art/20160315/19529548
含淚感謝阿梅Deanie姐何韻詩嘆完騷後冇嘢撈
1 :
GS(14)@2016-10-12 07:52:30■阿詩前晚在台上哭着多謝觀眾：「係你哋將我帶番嚟呢個舞台。」
何韻詩的4場紅館騷前晚圓滿結束，申請多次才再踏紅館的她，獲觀眾大讚「真正香港歌手」，阿詩說：「呢3年嚟我哋經歷咗好多事情，而家應該重整再出發，今次舞台用黑色，主題都係用黑色，因為喺呢個年代呢個時候，真係好難用歌舞昇平嚟做一個演唱會！」
■阿詩多謝葉德嫻（中）唱《撐起雨傘》，蔡一智（左）在旁拍掌。
■昨日是何韻詩媽咪的生日，她見女兒在台上喊不停也忍不住流淚。
■阿詩攬着哥哥何秉舜唱歌，多謝家人支持。
「曾經迷惘迷失」
前日是恩師梅艷芳的53歲忌辰，阿詩唱《如無意外》時望着台頂，聲震震含淚說：「生日快樂，佢離開嘅時候我攞到個盒，我覺得入面係幾深幾重嘅，亦帶住一啲黑暗，呢啲黑暗令我曾經迷惘迷失，最後發現盒中裝住嘅嘢係對我之外，亦係對呢個地方嘅一個禮物。」昨日是阿詩媽咪生日，她在台上與哥哥何秉舜合唱《絕對》，送給父母。之後阿詩唱《是有種人》向觀眾90度鞠躬，哭着說：「係你哋將我帶番嚟呢個舞台，多謝你哋，證明呢個地方依然有希望。」阿詩更多謝捧場的葉德嫻（Deanie姐）：「兩年前有首歌（《撐起雨傘》）想送畀香港，當時好難搵到人去唱，我哋就膽粗粗打畀呢位前輩，我代表香港人多謝你！」尾聲時觀眾自發倒數再唱《是有種人》，阿詩上台說：「你哋又創咗一個紀錄喇，安哥唔叫安哥，喺度唱歌，你哋贏晒啦！」
「一年前有失望」
完騷後阿詩表示最開心終於可放假，問到休息多久？她笑說：「唔知㗎，可能直頭榮休呢，真係冇嘢撈，自己搵啲嘢搞吓，呢個環境大家可能好驚，今日圈內有朋友話想嚟睇，但驚有困難，可能佢公司驚呢，一年前我真係有失望，但而家理解佢哋處境。」對於杜汶澤在社交網撰朱門酒肉臭論，指送阿詩的花牌只剩十件八個，她說：「當然明顯少咗啲朋友，好多嘢身不由己，我唔會怪責佢哋，好難要求人哋為咗你嚟睇騷，而同公司有拗撬。」採訪：王連連攝影：沈健程
來源:
http://hk.apple.nextmedia.com/entertainment/art/20161012/19797711
鬥快穿Burberry完騷即賣新系列容祖兒成港星第一人？
1 :
GS(14)@2017-02-26 13:24:09英牌Burberry去年改變銷售玩法，轉玩see now buy now，日前剛完成February2017系列時裝騷，show piece已經即時上架。容祖兒大前日去電台宣傳個唱，就快手穿上這個新系列，揀了白色綿質shirt dress，on top穿綴扭繩裝飾的灰色衞衣，腳踏鏤空踭短靴，設計帶抽象藝術感，靈感來自英國雕塑大師Henry Moore作品。潮流icon鄭秀文都快手穿新裝，不過似乎慢了一丁點，前日凌晨才於IG貼短片騷新衫。至於真正與模特兒同步穿新作的，就是當日騷上的星級賓客宋慧喬及周冬雨等，即席示範runway model以外的另一種style。
來源:
http://hk.apple.nextmedia.com/entertainment/art/20170226/19940405
Next Page