| ||||||
裁 員之聲滾滾來,但數碼通(315)阿媽新地(016)上個月講明,唔單止冇計劃裁員,仲會繼續派發花紅同雙糧;個仔數記就更加進取,打算明年會加人工o 忝,不過CEO黎大鈞都好坦白,話加就唔會加好多,但至少追得到通脹。華華相信班夥計聽到都安樂晒,希望其他企業有樣學樣啦。金融海嘯襲港,企業開始緊縮 開支,出差傾生意自然可免則免,黎大鈞話,好明顯睇到打去海外,同埋手機漫遊通話量少咗,咪話對電訊公司生意冇影響。 講番數記,公司往年喺會展搞周年晚 會,今年就由各部門自己搞番,按人頭計每人畀幾嚿水,但要實報實銷,即係唔去就冇得攞。佢話一來慳唔少錢,二來圍內玩開心啲。數口雖然精,但應使則使,數 記噚日同愛立信宣佈推行全球首項MIMO先導計劃,簡單講即係用呢項技術提升傳輸速度同容量,不過o依家啲手機未必支援到新服務,即係話大家又要畀錢換機 先得囉! |
2009-04-21 AppleDaily
| ||||||
電 管局兩年前決定取消流動電訊商單方面向固網商支付互連費,而且拋出兩年過渡期,等業界用「商業模式」坐低講掂數。光音似箭,下禮拜日(26日)就到期,數 碼通(315)總裁黎大鈞噚日特登開記招提醒傳媒,仲話呢兩年數記有同各大固網商傾過,之但係到家吓都未有成果。咁會唔會搞到小市民聽唔到電話o架?黎大 鈞話就算大家仲未傾掂數,電話接駁理應唔會受影響,相信冇任何營運商夠膽做「唔適當嘅嘢」。 電盈(008)近排官司纏身,睇怕都唔想另點火頭。以前互連費 係由流動商埋單,黎大鈞認為呢啲歷史包袱已經不合時宜,數記舊年畀咗近1億港銀,所以提出「打出網絡付款」模式,即係邊個打就邊個畀,照計數記仲會有錢收 番o忝﹗不過,人哋會唔會理你又係另一回事,華華睇怕大家拖得就拖,尤其以前收開錢啲固網大戶。 |
|
||||||
新正頭春茗停不了,呢個禮拜食得至happy、至有氣勢嘅,應該係噚日數碼通(315)嗰餐,事關飯都未開,個股價一個上晝就已經升到10年新高,去到廿幾蚊(全日升咗7.95%,收$25.8),真係好意頭到極! 由頭到尾都蓮子蓉咁面口嘅行政總裁黎大鈞(圖)話,佢哋做生意競爭依然激烈,但係估唔到連租舖都爭得好激烈,肯畀錢都未必租到靚舖,而且o依家租金咁「揦脷」,吓吓加幾十個巴仙,但個問題係,門市生意都未升到幾十個巴仙囉!嘩,數碼通生意咁大都叫苦,其他舖頭更加難捱啦! 咁今年數碼通有乜嘢搞呀?黎總話6.5億capex(資本開支)主要用喺網絡擴容,o依家新客裏面8成係用智能手機……不過,華華比較想知道佢哋隻股315幾時升破30蚊囉! |