千語尷尬拒咀林峯
1 :
GS(14)@2015-04-11 11:26:11吳千語昨日在尖沙嘴出席牛仔服飾品牌活動，大會為千語設計了一對肖像雕刻唇膏，分別以千語及男友林峯的頭像為造型送給她。表現驚喜和尷尬的千語，不肯將唇膏放在嘴邊影相，千語笑說：「唔係好似，話求其一個男仔都OK，呢支唇膏會自己keep，送畀佢都冇用。」
活動後千語會返上海拍電影《葉問3》，雖然林峯曾經表示會探班，不過千語說：「太遠喇，來回要六、七個鐘，暫時未嚟探班，我遲啲仲有劇要拍，要喺嗰度留多三、四個月。」她亦透露在戲中會被打：「我都有啲驚，佢哋好恐怖，拳拳有力，好似仲要比人摑一巴，打嘅好似係譚耀文，但未開始拍。」採訪、攝影：溫敏芝
來源:
http://hk.apple.nextmedia.com/entertainment/art/20150410/19106830
【馮仁昭四圍超】銀幕初吻頂硬上王思敏真咀林耀聲
1 :
GS(14)@2016-09-01 06:24:25■王思敏話導演陳志發（右）指唔可以借位，所以頂硬上同林耀聲錫錫。
【熱血點五步】現正上映嘅電影《點五步》入面，男主角林耀聲有位暗戀對象，佢個名叫王思敏（Sadie），今年20歲。Sadie日前接受本報專訪時話13歲隨父母由內地嚟香港定居，外表斯文但其實性格男仔頭，而且熱愛打遊戲機，一度打到入港隊。問佢點解會接拍《點五步》呢部戲？Sadie話好巧合：「嗰時啱啱考完DSE，喺學校附近行行吓，有人突然問我有冇興趣拍戲，就咁我就去咗面試，仲俾佢哋揀中咗。」
■林耀聲喺戲入面除咗棒球技術了得之外，仲暗戀王思敏。劇照
■王思敏日前受訪時話7年前嚟香港唔識廣東話，好彩有一班同學幫忙。
戲中冇對白
不過，Sadie喺戲入面一句對白都冇，但就要獻出銀幕初吻畀林耀聲，有冇覺得好唔抵？Sadie笑住話：「問過導演可唔可以借位，佢話唔可以，惟有頂硬上啦！」問係咪林耀聲靚仔，所以唔介意錫錫？佢即刻否認：「唔係呀，咁拍戲吖嘛，而且都唔係好激嗰種。」近年中港矛盾加深，甚至爆發仇恨情緒，Sadie就話過去7年都好開心，身邊嘅人都對佢好好：「我初初嚟一句廣東話都唔識，同學好幫我，最後我由聽唔明到聽得明晒，好開心。」Sadie話當年打網上遊戲機都試過有人講難聽說話，但佢唔會介意。場地提供：學園祭撰文：馮仁昭
來源:
http://hk.apple.nextmedia.com/entertainment/art/20160901/19755768
游學修咀林耀聲籲平等大愛阿詩紅館騷超支要賣血
1 :
GS(14)@2016-09-27 07:14:49何韻詩、黃耀明、王賢誌與伴侶Kevin、連詩雅等昨日現身西九苗圃公園，出席關注平等大愛主題的一點粉紅音樂會活動，而游學修與電影《點五步》演員林耀聲以hehe粉紅大使身份，在台上有虛擬講誓詞及交換戒指儀式，兩人更被司儀起哄咀嘴近5秒。
明哥反歧視
明哥與阿詩接受訪問，提到活動成功，阿詩表示：「早前入境處唔畀一個跨性別人士入境都幾震驚，舉辦幾多呢啲活動都彌補唔到啦。」在旁的明哥表示：「反歧視法例要拎返多啲出嚟傾。」阿詩再補充：「立法好多阻礙，都會繼續做，對政府好多失望地方。」阿詩提到將開紅館個唱，心情盡量放鬆準備，不過舞台超支過百萬，她笑言：「要食多啲雀粟去慳多啲錢，入場要睇多啲個舞台，係籌旗返嚟，賣晒演唱會產品都冚唔到，超支要賣血，自己做咗老闆，都唔會慳製作費。」
■阿詩（右）表示紅館個唱製作費超支過百萬，笑說要食雀粟慳錢。
■王賢誌（左）與伴侶Kevin首次公開現身出席活動。
■連詩雅一頭粉紅短髮，上台獻唱支持一點粉紅。
慶祝肥7磅
王賢誌與伴侶Kevin表示首次出席這個主題的場合，特別有意義，王賢誌笑言因婚後多慶祝飯局肥了6、7磅，要辟穀四日收肚腩，更笑言：「唔係人哋以為我大咗肚先結婚。」問到Kevin是否習慣對方大家族：「一齊咁多年，成日會同屋企人見面，冇乜大改變。」平機會前任及現任主席周一嶽及陳章明昨日也有到場，陳章明說日後也會參加同類活動，與大家「開拓美好的大愛道路」。陳又說若這種平權活動有高官參與，親身感受氣氛，他們便會知道香港要有更多這種大愛活動，「這樣香港就會少好多撕裂」。採訪：盧妹攝影：陳俊強
來源:
http://hk.apple.nextmedia.com/entertainment/art/20160926/19781779
Next Page