有話兒：湯寶如飲歌唱到驚
1 :
GS(14)@2013-07-14 11:47:38http://hk.apple.nextmedia.com/entertainment/art/20130714/18333479
「走音都做歌手」
對於現在的樂壇，湯記這位前輩亦慨嘆不已，打算再出碟的她，深深明白不再是當年賣幾萬張的日子，唱片再不能賺錢，她說：「網上非法下載太勁啦，咁多年以嚟拉過幾多個人呀？真係冇辦法，我好支持將啲歌逐隻放上網賣，如果幾蚊一首歌，啲人都仲要download一啲冇quality嘅版本，咁咪由佢囉。講真歌手而家要賺錢，一定唔會靠賣碟。」樂迷有責任之餘，歌手亦然，正如湯記所說：「走晒音都可以係歌手？我當然唔會開名啦，不過有時睇《勁歌》，有啲歌手好似唔知自己做緊乜。有時我出去做嘢，都唔知邊個係助手、邊個係歌手，有啲歌手打扮太隨便。我知道係公司budget問題未必有咁多資金去買衫，髮型化妝都要錢。」湯記指當年就算去電台做訪問，所有歌手的打扮都一絲不苟。
湯記透露以前的歌手很多都沒有management，歌手簽約時穩袋「一嚿錢」，所有騷的酬勞歌手都袋袋平安，不用抽佣給公司，她說：「以前真係幾好搵㗎，聖誕呢啲大節日真係好開心㗎。不過我哋出去做嘢，好多時化妝整頭都係自己嚟，除非係好大型嘅function啦。」
秘密產子拒結婚
回味完以往點滴，湯記化身為慈母談談與兒子的生活。07年湯記秘密懷孕，ＢＢ的父親是賽車手，至今二人仍未結婚，亦沒有這個打算，她表示：「我哋真係覺得而家嘅生活同結咗婚冇分別，都係簽張紙啫，唔好彩要搞離婚咪仲麻煩，總之個仔出世紙係我哋兩個名就得啦。」湯記透露與男友連結婚相都沒有影，她揚言自己絕不是一個稱職的太太及母親，幸好家中大小事都由男友一手包辦，她說：「個仔一日三餐都係佢搞掂，我開騷前要減肥嘅營養餐都係佢搞。男友好enjoy，中午出去買餸，反而我就冇呢個本事。」
湯寶如笑言未生ＢＢ前，融入不了黎瑞恩及劉小慧的話題，因為二人已為人母，見面時的話題離不開哪隻奶粉比較好、哪間幼稚園師資比較優良。提到兩位好朋友，湯記想起多年前拍攝《鼓舞飛揚》ＭＶ的片段：「嗰日去到元朗拍，當然導演拍晒黎明、張學友先啦，我哋幾個小花就喺度等，幾個人冇嘢做咪打牌囉，到導演叫埋位咪出去拍幾個鏡頭，拍完又繼續打，以前做嘢真係好開心。」
鉛禍 商場滲水 居民：住到驚
1 :
GS(14)@2016-10-05 11:22:21【本報訊】水泉澳邨自入伙以來風波不斷，除去年捲鉛水事件外，今年2月才啟用的商場日前紅雨下天花板嚴重滲水，昨更有單位出現疑似「豆腐渣」地台，有居民對該屋邨失去信心，坦言「住到驚驚哋」。
工程拖延遲一年入伙
水泉澳邨共有18幢，共提供約1.1萬個單位，月租由960元至2,530元不等，整個項目原定在2014年至2016年分四期陸續完成入伙，特首梁振英更曾親到地盤視察，稱落成後可助解決房屋問題。不過言猶在耳，工程卻一直拖延，最終第一期共4座要到2015年4月才正式入伙，其餘單位仍在施工階段。去年中，啟晴邨爆出食水含鉛量超標，政府抽驗水泉澳邨喜泉樓一個空置單位的水辦時，發現含鉛量達每公升14微克，輕微超出世衞標準，惟隨即解釋可能是空氣中的塵埃或微粒含鉛，污染樣本所致，拒絕為居民提供水車。不過，其後有政黨委託化驗所再抽取水辦，發現有單位食水含鉛量較世衞標準高2.7倍，結果居民惟有購買樽裝水飲用，更有人要自行到屋邨附近的山澗打水。■記者梁御和
來源:
http://hk.apple.nextmedia.com/news/art/20161004/19790518