📖 ZKIZ Archives

香港女領犬員不多，譚康妮﹙Connie，三十七歲﹚是其中一個。畢業短短兩年升為警衞犬隊教頭，本來前途一片光明，可惜染上賭癮，一夜間在澳門輸掉母親留下的物業，又賠上工作，當時才三十歲。

做人一敗塗地，終於痛定思痛，○八年成立Doggie Club重新執起教鞭，提供上門犬隻訓練服務，以免費課堂吸客，實行做義工省招牌，成功馴服大狗小狗，以及一眾主人的心。

Connie教狗無數，兩歲多的得意門生、玩具貴婦狗Milo，拜師兩年，知道記者採訪，嚷着要道出老師如何翻生有術，冧掂一眾狗主。

大家好，照片中又倒立又打功夫的天才小狗就是我，Milo，厲害吧？不過說來慚愧，我本來不學無術，更是家中的小搗蛋，幸好有Connie把我的命運改寫。

兩年前，主人Kate見我樣子可愛，似足啤啤熊，便買我回家。那時我才兩個半月大，尚未懂性，周屋大小便不在話下，還四處咬東西，梳化、枱、牆角無一倖 免，就連主人的眼鏡我也咬得不成樣子，她生氣得幾乎想送我回寵物店，幸好她自知是養狗新丁，嘗試上網求助，結果找到Connie。

我和Connie初次見面，她沒有擺出一副嚴師的姿態，反而拿出玩具逗我玩，不斷讚我「good boy」，又請食香腸，我很開心便聽足她指示。除此之外，她還告訴主人我開始換牙仔，「牙痕痕」才會四圍破壞，只要買些狗餅給我咬就無事。主人知道錯怪好 狗，便對我照顧有加，供書教學，請Connie教我至今。

免費試堂吸客

能夠在茫茫犬隻教練中與Connie相遇，皆因她有一個免費試堂計劃。當時主人在網上搜尋「犬隻訓練服務」，選擇不下十間，但主人對訓練員的質素茫無頭緒，巧遇Doggie Club推出免費三堂上門訓練的宣傳，對象是四個月或以下狗仔，既然免費便報名一試。

Connie專誠由元朗的家來沙田找我們，要倒貼車資及時間，但就借此機會在主人面前示範技巧，增加他們信心，當日我玩得開心，主人Kate見我原來懂得 聽指揮，就更高興。天資聰敏的我，三堂免費班已學懂坐下﹙Sit﹚、趴下﹙Down﹚、隨行﹙Heel﹚等常用指令，可以「跳班」學花式訓練；資質普通的 狗仔，一般要接受六至八堂的基本服從訓練，以每堂一小時，按不同地區學費六百至八百元計，我幫主人省下不少錢呢！

Connie明白主人都喜歡炫耀的心理，專程開了一個網誌給他們交流。每次我們有進步或學到新花式，Connie都會幫我們影相和拍片，擺上一個叫 「YouTube」的網站，連結到網誌。這些短片全部配上背景音樂，片頭有我們的名字，片尾有Doggie Club字樣，主人見到固然開心，其他有意報名的狗友看見亦更有信心。去年，為紀念我上堂一周年，Connie特意剪輯了一段長達十一分鐘的短片，重溫我 不同階段的上課片段，主人看後驚喜到留言說︰「嘩！好感動。多謝晒，呢排太忙，要努力些上堂先得。哈哈！」

教狗也教主人

主人都「望子成龍」，希望自己的狗仔學一些高難度動作，但其實也要顧及個別狗隻的能力，好像我的撒手鐧——叼啞鈴倒立跨欄，並不是每隻狗仔都做得到。不 過，哪有主人願意承認自己的狗仔資質差？為免狗主失望中途退學，Connie特意將過百款花式，按難度分五級。 每星期訓練一堂，經半年大多狗友都懂得做一至三級的動作，但學到多少花式就因狗而異。近日我正練習難度屬第五級的倒立上落樓梯，目標是四級樓梯，現在只練 到第二級，還要加把勁！

不過話說回來，要我們學得快，也得靠主人每日和我們練習。為免主人偷懶拖慢進度，Connie每次上堂規定他們必須在場，還會花十分鐘重溫指令，自己示範 一次，證明狗仔已學懂，再由主人做一次，若不成功，Connie會提點狗主勤加練習，並直接教授新指令，不會浪費時間。

計劃推出至今兩年，我的師兄弟已逾八百，平均每八名狗主就有一位繼續找Connie訓練我們。學生人數越來越多，為減少舟車勞頓，去年十月，Connie 成功找到九龍城寵物店「香港唯美寵物美容學院」借出閣樓，免費班由上門改為課堂授課，以小組形式每星期舉辦一次，所以新學員現在都有同學仔，比我們當時獨 立訓練熱鬧得多了。

搞聯誼維繫狗主

此外，Connie一年至少搞兩次聚會，如︰遊船河、到鄉村俱樂部玩，讓一大班狗主傾談養狗經之餘，亦讓我們參加社交活動，我這大師兄都有機會和一眾師弟 妹玩。現在廿五個仍跟Connie學習的師兄弟，中、小型和大型狗隻各佔一半，大狗主要是狼狗、拉布拉多犬及金毛尋回犬，小型狗八成是貴婦狗，每次活動我 都會遇到不少同鄉，倍覺親切。

很多主人都怕狗隻出街遇到同類會打架，我們這些活動就例外，一來，我們都很有教養，二來，Connie導師在場嘛，只要她一聲令下我們便會乖乖聽話了。今 年四月，我們去了小欖燒烤，Connie要我們比試泳術，更設有獎牌和獎品，增加氣氛。在小型狗組別，我一時失手輸給師姐「毛毛」，只得亞軍，不過已氹得 主人十分開心。

現在我已生性，不再頑皮，Connie由每星期要教我兩至三次減至一次。不過，Doggie Club只有她一位訓練員，每天再多亦只能上門教三、四隻狗，局限了發展。Connie今年初，跟一個寵物美容院老闆投資二十萬元在元朗開設狗隻遊樂場， 那裡有一萬呎草地及游泳池，供狗隻上堂及玩樂，主打新界區的狗主。

自設課程教新人

此外，為培育自家生力軍，Connie設計了一個犬隻訓練員培訓課程，分三個階段，為期半年，學費約一萬六千元。畢業學員可成為Doggie Club 見習犬隻訓練員。課程至今有十餘人報名，不過，暫未有人成功畢業，不是退學就因不夠愛心和冷待我們被篩走了。

Connie是典型狗癡，照顧家中所養十多隻狗，每月開支一萬元。她初中在狗場做暑期工已十分愛狗，見有人用暴力方法教狗十分驚訝。十六歲那年，母親身 故，一個人在家自閉了整年。中三便輟學的她，做過超市、便利店，升至店鋪經理；二○○○年見到僱員再培訓局舉辦第二屆保安領犬員課程，貪其「制服靚，狼狗 型」兼月入過萬，便辭工報名，成為該屆唯一女學員，畢業後即入行。兩年間，跳槽升至警衞犬隊教頭。

為了不讓男同事睇輕，Connie通宵班收工後，早上再向行內一名前輩拜師學藝，參加狼狗服從比賽拿了三個獎杯。本來前途無限，但當時為埋男同事堆學賭錢，先是夾份買六合彩，後來「過大海」搏殺，終於欠下一百二十萬元信用咭債，輸掉母親留下的物業，亦賠上工作。

人生跌到谷底，可幸阿姨及男朋友不離不棄鼓勵，令她重新振作。○四年，她以兼職形式幫朋友訓練狗隻，不料教出條財路，四年後成立Doggie Club，提供上門犬隻訓練服務，月賺近五萬元。現在狗隻遊樂場啟用在即，Connie興奮地說︰「希望教育更多狗主如何正確對待狗仔。」同時，亦希望母 親在天之靈感到安慰。

營業資料

（2010年11月）

營業額$60,000

人工$3,000*

租金$2,000

宣傳$4,000

盈利$48,000

*一名兼職

開業資料

（2008年9月）

宣傳$4,000

工具$3,000

總投資$7,000

現年二十八歲的過氣港姐袁彌明（Erica），從十四歲開始做模特兒、拍電影。近年又經常在其個人網誌、網上電台、甚至城市論壇論盡娛樂圈，言行出位，一度惹來不少報章雜誌訪問。不過，年輕貌美的「o靚模」一出，她只能淪為評論員，在旁抨擊歪風。

長 江後浪推前浪，娛樂圈就是那麼現實。「搵唔到食」的Erica絕非無腦，她利用本身的知名度，在銅鑼灣開設樓上鋪「袁彌明生活百貨」（mi ming mart），轉戰商界，賣其代理的美容及護膚品，月入竟然也有廿萬。她說相比娛樂圈「好睇唔好食」，現在收入實在豐厚。

記者初次見袁彌 明，她笑容可掬，比平時在電視上見到「串串貢」的樣子不一樣，但不足兩分鐘她已變臉。租用其鋪部分位置開化妝班的拍檔Kenneth，隨意用了其電腦查閱 電郵，她即時噴火：「我都話咗部電腦係我私人o架！我隨時要用，你自己買番部入去用啦，嗰幾千蚊！」她這番話提醒所有人，她並非容易相處。

袁 彌明的鋪頭於本月開張，她把鋪名以自己的名字命名，賣自己用後認為好的美容護膚及家居用品，連鋪頭紙袋都大大隻印上自己的名字，簡直將自己變成生招牌。開 這間鋪的念頭來自她的一次工作，「當時女性雜誌《ELLE》找我寫blog，介紹護膚品。不過我在其他媒體已有數個地盤，已無時間再寫。」於是她主動要求 改為拍攝短片，親身上陣介紹她使用過的新奇護膚用品或將自己的美容經驗與觀眾分享。

爭代理撼贏屈臣氏

直至今年一月，她介紹一隻由美國公司pHion 出產的綠粉，產品含四十多種已經處理的蔬菜粉末，她已經吃了兩年，每日沖水飲用，可令皮膚質素改善及通便秘。短片一出，即惹來數百個讀者向她留言，紛紛表 示於香港購買不到，要求幫忙。「咁我就幫佢哋向美國生產商直接訂貨，一個月已經收咗八百幾張單，最初只係收番車馬費同運費。」之後每個月，她都收到逾千人 要求她代買綠粉。一個月後，突然殺出一個程咬金，「供應商嗰邊話俾我知，屈臣氏想向佢哋攞綠粉的代理，我聽到嗰陣覺得好嬲，我咁辛苦幫個原本香港冇人識嘅 產品做起咗個品牌，你一下子想搶咗去？」

二話不說，袁彌明即時預備計劃書給供應商，爭取該產品的代理。她向美國總公司分析，香港女士都貪小便宜，故提議推出買三罐綠粉送一罐的優惠；而且送出的一罐，費用由她支付。她更自掏荷包印製有關該綠粉的宣傳單張，及變身產品代言人。袁在過去取貨其間，已主動向該公司提供顧客意見和銷售數字等數據，美國公司覺得她有誠意，最後決定把產品代理權交給她，「屈臣氏只肯承諾每月最少賣出六百罐綠粉，我一個月都賣過千罐啦，根本佢哋就冇誠意攞個代理權！」

除 了綠粉，她亦代理了一個護膚品牌SYNERGIE MINERALS，主要出產防曬、護膚用品。傾談代理時，她主動邀請代理商來港視察環境，並支付其食宿費用。兩款產品都不用代理權費用，只收入貨價，而袁 彌明的零售定價，與供應商訂立的最低銷售價格一樣，即毛利約三成。另外她亦引入其他簡單的化妝及護膚用品。

素顏拍片谷產品

拿 了兩個主要的代理權，袁彌明沿用拍片介紹產品這招，並放上YouTube免費宣傳，甚至在此與網友對話及介紹產品；而且有自己的生意後，她更加「賣命」， 即使是賣腳皮銼，她會將腳對準鏡頭，一路挫自己的腳板，一路講解她所介紹的死皮銼有何優點及其使用方法，此時鏡頭還近鏡見到她的死皮。其他雜嘜牌腳皮銼一 般售價三、四十元，她介紹的要一百六十二元，今個月已經賣了一百個。在介紹粉底時，她亦會以「嚇人」的素顏上陣，由粉底搽起，逐步教讀者怎樣使用化妝品， 可謂犧牲「色相」。

她希望這些「真人Show」，可加強生活百貨的形象，令客人不會覺得短片一味「hard sell」。看過短片而買綠粉的客仔Bernice說：「佢啲短片喺自己屋企拍，好生活化，同埋可信性高。我成日去唔到廁所，飲咗綠粉後腸胃真係好咗！」 袁有賣暗瘡產品，但就從未拍過有關去暗瘡產品的短片，「我都無乜暗瘡，好無說服力，雖然我知道呢類產品會好好賣，但我都只係暫時入咗一啲貨，要諗吓點 sell。」

要引起讀者追看短片的興趣，袁彌明說還有竅妙：「我每條片大概長八分鐘，如果淨係講件產品點好係好悶嘅。每隔約三十秒就要提出 一個女性關心的話題，如便秘、黑頭太多等字眼，目的是吸引讀者繼續看下去。如介紹由橄欖油提煉的護膚油Squalene時，她在短片中說：「點解要用 Squalene呢？因為廿五歲以上的女性皮膚質素會急轉直下……」廿秒後，她提出：「我知好多女士都會話『我塊面已經好多油o架啦喎，仲搽油？』其實 Squalene只係身體流失咗嘅嘢，唔係油嚟o架，係……」

找拍檔分擔租金

最初袁彌明在網上售賣產品，還租用荃灣荃豐中心 格仔鋪兩格，及擺放小部分到位於尖沙咀海防道的AnthonG護膚品專門店，增加銷售點。自信爆棚的袁彌明覺得她是AnthonG的重要收入來源：「我淨 係佣都俾佢哋近九萬蚊o架，唔信你問吓佢哋吖！」由於生意愈來愈好，她開始在facebook賣廣告，大谷知名度；並於今個月開始租下位於銅鑼灣富明街的 樓上鋪，除了賣其代理的兩個品牌產品外，她亦積極在外國雜誌、網站找新產品，及從她的顧客中找靈感：「客人生痔瘡都問我！試過有fans口唇的皮經常甩， 問我點算，我最後就搵咗隻sara happ lip scrub的磨砂產品俾佢，佢用完之後，嘴唇甩皮問題即刻有改善，我亦因此引入呢隻牌子。」

銅 鑼灣樓上鋪租金一萬八，為了分擔租金，她亦計好數，拉攏替她化妝兩年多的化妝師Kenneth，分租了其中五十呎的地方作化妝室，為客人提供化妝意見及開 設化妝班。Kenneth曾替娛樂圈中人樂基兒、蔣怡及蔡少芬等化妝，行內有名，「除咗減輕負擔，佢嘅學生上完堂又可以過嚟睇嘢，我嘅客買完嘢又可以望吓 化妝課程，互相帶動人流。」而Kenneth亦覺得跟袁彌明拍檔有好處：「我係一個好傳統嘅化妝師，只識化妝。但佢好有marketing sense，佢建議我點宣傳及定價，又教咗我做生意應幾時及點俾discount。」

○五年參選港姐的袁彌明，會考二十四分，有六個B，在美國Tufts University修讀經濟。她的爺爺袁勃，經營攝影器材，是廣東道「科苑」相館的創辦人。父親袁弓夷又是做生意，其公司Teleart專替Casio製造手錶，並曾在Nasdaq上市。因此，她自問天生就是做生意的材料， 娛樂圈只是她從商的踏腳石而已。

開業成本02/09

入貨︰$190,000

雜費︰$6,000

運費︰$1,500

總投資︰$197,500

營業資料18/7-17/8/09

營業額︰$903,000

入貨︰$500,000

佣金︰$87,000

租金^︰$35,000

人工*︰$40,000

運費︰$14,000

廣告︰$15,000

雜費︰$10,000

盈利︰$202,000

^租金包括樓上鋪、格仔鋪及貨倉

*人工包括五名兼職員工

出版M一鳴驚 人，在立法會發言時高舉標語牌，「陳副局講大話」，搞到陳副局當場為之口黑面黑。咁耐以來，在立法會舉牌抗議，責罵政府者，以泛民議員為主，從未見過任何 企業高層膽敢如此。有報紙消息傳出話孫局長有病在身，屬意陳副局頂上，咦，陳副局變成陳局長嘅話，出版M咪要搵窿捐？不過佢既然在屈臣氏時以白紙黑字批評 上司，在旅發局時竟然建議可以將駐日辦事處關門大吉，而今天居然仍然有工做，可見佢唔會驚咗陳副局啫。

出版M在報紙講嘅笑話又確係幾好笑， 我地納稅人嘅稅款往往就係如此這般地冲咗落廁所。佢話有位高官在羅湖邊境政府大樓發覺廁所冇廁紙，之後警方、屋宇署、入境處、旅發局等各部門共三十多人到 羅湖政府大樓實地視察，開會討論應否在廁所供應廁紙，人人都話應該，但卒之冇做到，因為冇部門肯負責孭呢項經常性開支！出版M估計各人為討論廁紙所用嘅 manhour，加加埋埋值二十萬銀喎！

左丁山問佢「出位」思維自那方來，是否睇完佢嘅Job Rotation書單所載嘅二十二本書就掂？出版M話未必嘅，各人讀書愛好，各有不同，不可一概而論，但書單內有兩本老到甩牙嘅書，Al Ries and Jack Trout嘅Positioning與Marketing Warfare確係值得一讀再讀，讀完就唔駛睇近年暢銷書藍海（Blue Ocean）嘞。唉吔，慚愧，左丁山只係好多年前讀過Positioning與Marketing Warfare，近年飽受讚譽嘅「藍海」，至今未睇過，出版M就話：「睇完兩本舊書再讀新書，你會感嘆點解三十年前嘅思維歷久彌新，時人仲未可以突破 之。」

今年係牛津出版社（OUP）在港成立五十年，平時極少極少見報嘅出版M因此出嚟拋頭露面，接受記者訪問，佢身為OUP副區域董事總經理兼市務總監，負責推廣宣傳，講咁多嘢，怕唔怕功高震主？佢答得妙：「呢四個字係好中國嘅理念！」咦，有啲似陶傑噃，英文冇呢個名詞？

書展爆出「美心妹妹」事件，成為家長茶餘飯後話題，今鋪美心又揩到免費宣傳嘅着數；就連一班中環區 伯父，也憶起美心原來專出美女的舊事，原來王小鳳和夏文汐都喺以前中環太古大廈間Cafe GiGi做過知客，呢間高級西餐廳也屬美心集團旗下，但位於太古大廈二樓較為隱蔽，方便以前啲有錢佬行條天橋去「低調」歎下午茶。美心每逢有新酒樓開張， 都會喺Cafe GiGi調動呢批「秘密武器」靚女知客去迎賓；王小鳳和夏文汐在演藝界都走性感路線，兩位都拍過寫真集；難怪「美心妹妹」讓上一輩中環人勾起呢啲咁美艷嘅 集體回憶！

金融逍遙客

「屌絲」的核心價值游走於中港台併購、私募投資的金融多棲動物，現為多間上市公司主要股東及董事中港政治關係日益緊張，現今政客陷入的迷思，歸根結底是兩 個字：代溝。早輪出席海南島一個由知名投行主辦的互聯網投資論壇，主講者除BAT外（百度阿里騰訊），還有投過京東、騰訊嘅張磊，也有近年崛起的拉卡拉、 滴滴快的，可謂星光熠熠。聽咗兩日，令逍遙客最深刻的，卻是一位九十後著名市場顧問。他的公司專為Nike、P&G、小米等大公司研究年輕人消費 心理及行為。呢位仁兄用最科學專業方法、全方位接觸當今後生群體，總結出呢班社會最活躍、人數最多嘅後生仔，其核心價值係：活在當下，強調自己權益。這代 人自小都在一個相對物質豐富的環境生活，也受良好教育，但收入卻不高，生活屬掹掹緊之輩，呢個群體統稱「屌絲」。但屌絲卻是目前社會最肯消費的一群。網上 遊戲、音樂下載、紀念版波鞋全靠佢哋撐住，當下一爽係佢哋主要追求。同屌絲們講未雨綢繆，佢哋唔知你噏乜。早一輩老鬼講：人無遠慮必有近憂，同屌絲們諗法 似乎太遠。年輕人又非常重視自己權益，一年有多少日假期、加班有幾多津貼、幫你做嘢又有乜着數，凡此種種，都視如主權般神聖不可侵犯。真正使錢找出呢個研 究結果嘅公司，並冇興趣探討箇中對錯。佢哋唯一興趣係點利用屌絲們呢個心態賺錢。舉一反三，對住八九十後主導嘅佔中群眾，北大人若繼續恃老賣老，仍堅持本 位思維，什麼循序漸進袋住先啦，屌絲們唯一的回應是：we are not no the same page.

中環寸嘴

工廈大王楊耀松長子，是各大有名食肆之VIP，喜歡研究城中有錢佬對食之要求，透過美酒佳餚，細味人生百態，讓讀者「嗒」落有味。

一碗走天涯

吖，聽人講大鴻輝個老細梁紹鴻，喺灣仔有個私竇金碧軒；日日陪住阿媽喺度食飯，幾鬼孝順；咁就要去試吓啦，有老細日日來巡場，啲伙記唔敢交行貨嘛。大鴻輝 架車泊喺門口，掛住THF車牌，驚人唔識佢咁；我坐堂座，見唔到大鴻輝，估佢有私家房坐啩；坐喺我後面嗰枱係白宮發言人（新聞統籌專員馮煒光）口水多過 茶；我同老友點咗幾味點心，都幾有水準，碟炸兩（春風得意腸）有大牌檔風味、碟酥炸田雞腿係招牌菜，啲薑汁味滲晒入肉；吖，個女部長叫Money Kan都幾醒目，介紹我食碗抵食鮑翅，仲識搭嗲，我話整碗魚翅漱口，下一句識話「燕窩洗手」，佢仲話自己洗過燕窩，要用手捽、搓，再挑走雀毛；呢句嘢好警 世o架，有景時就魚翅漱口，折墮時就要落手去洗燕窩。呢個Money姐勤力得滯，成日同我收碗，須知我一碗走天涯；環保呀，食一件又換隻碗，多少都有洗潔 精殘留喺隻碗度，咁咪食埋落肚！

名分的背後

葉劉喺立法會傾創科局撥款申請時，講到政府好應該俾個「名分」予未來創科局局長楊偉雄，卿姐話葉太說法很「搞笑」；說穿了是葉劉為庶室所出有關；其父劉福 成的祥泰行代理「味之素」，算富貴人家，四十年代娶明星華彩鳳為妾，誕下葉劉，作為二奶女，在大家族中遭受白眼遂發奮圖強；難怪對「名分」如此着緊。

金牙大狀講嘢

齊齊爭取增發的士牌大嶼山有五十個的士牌，官府打算發多廿五個，以解搭車難之困。的士司機還價，發「十部袋住先」，否則罷駛。官府喺九四年凍結的士牌。當 時嘅人口剛啱夠六百萬，家吓則超過七百二十萬，即係增加咗超過兩成。○三年沙士後開放自由行，旅客人數從此坐火箭；至今每年遊客數目多過常住人口六、七 倍。係咪多咗人搭的士，仲使講乎！不過，廿年嚟的士牌只係多咗「絲路」——0，完全冇依《基本法》所講，循序漸進，請問咁又合唔合情、合理同合憲先？何止 大嶼山要發多啲牌，市區肯肯定要發多啲。怕唔怕啲人罷駛？怕，但有Uber、快的，佢罷得出乜嘢樣先？