開騷獲劉德華力撐葉德嫻為俾鬼迷解畫
1 :
GS(14)@2016-09-25 10:28:20■倫永亮前晚在台上拿吹氣樹和戴上花環的趣怪行徑，逗得葉德嫻笑個不停。
葉德嫻（Deanie）、倫永亮及趙增熹前晚在灣仔會展舉行「紅白藍演唱會」，獲劉德華、張智霖夫婦、許志安、莊思明和男友楊明等捧場。甫開場，趙增熹指揮香港管絃樂團演奏後，再與倫永亮以鋼琴合奏，到身穿透視裙的Deanie唱《You Don't Have To Say You Love Me》，倫永亮便以英語指Deanie和趙增熹都是他的好朋友，趙增熹即踢爆倫永亮緊張就會說英語。
Deanie唱到《倦》中段起音時遲唱了，要求再唱一次，觀眾即時拍手支持，隨後她唱《I Say a Little Prayer》時說：「呢首歌面世時，我啱啱做咗媽咪，好在冇跌BB落街，第一個BB都會得到大家嘅注意力。」而此曲唱到中段時，趙增熹直指她唱早了一段，已68歲的Deanie即笑謂：「你哋唔好彩，搵咗一個老人家嚟玩。」
■葉德嫻、趙增熹（中）和倫永亮合作開騷，跳舞動作一致，充滿默契。
■劉德華前晚也有到會展，支持「媽咪」葉德嫻。
■呂方帶女伴欣賞葉德嫻演唱會。
呂方帶女捧場
隨後Deanie獻唱《明星》時，重提歌曲的由來：「我當年未聽過產後抑鬱症，出事後就流傳我係俾鬼迷。其實做媽媽都唔想離開仔女。當年有個女明星喺BB出世之後選擇離開，之後黃霑就寫咗《明星》呢首歌。」中場休息10分鐘之後，倫永亮和趙增熹與觀眾互動，教觀眾唱五粒音，之後倫永亮唱《你知道我在等你嗎》時，笑言不太緊張，話因為派了很多門票，現場有好多親友「做媒」幫手。此外，跟莊思明拍拖睇騷的楊明，看似沒受到和龔嘉欣緋聞影響。他前日在社交網貼出和女友的甜蜜合照，力證情不變。而呂方和女伴到場時，對方起初迴避鏡頭，最後又大方任影。採訪：羅慧敏攝影：陳慧安
來源:
http://hk.apple.nextmedia.com/entertainment/art/20160925/19780841
【2D動畫】瞓覺俾鬼砸 可能係房事太多…
1 :
GS(14)@2017-09-17 16:29:49瞓醒郁唔到，其實係你未醒晒，唔使疑神疑鬼。
本來諗住今晚瞓個好覺，點知半夜醒來，手腳好似俾人㩒住郁唔到，嗌救命又嗌唔出聲，跟住你掐指一算（兩個指頭好彩還聽使喚），發覺原來鬼門大開仲未閂，呢次仲唔係俾鬼砸？
不過你大可以放心，因為呢個世冇咁多鬼，加上你平生不作虧心事，所以唔使驚。其實這是睡眠癱瘓症（Sleep Paralysis），醫生話平時我們睡覺會由淺入深經過幾個睡眠周期，在淺睡這個快速動眼期，手腳肌肉放鬆不動很正常，不過你在這刻四肢未醒，個人反而太清醒就唔係好正常了。
中醫一般叫呢種病做「夢魘」，成因係心腎不交，心脾兩虛和胃氣不和。
唔使自己嚇自己，瞓到半夜郁醒咗郁唔到，其實係叫睡眠癱瘓症，唔係乜大病。
想知點解睡眠會癱瘓，就快啲看看究竟係乜事，除咗真係有嘢砸，有冇其他原因，總之搞清楚，免得再疑神疑鬼，鬼話連篇了。記者：陳以恒2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170911/20148781