林夏薇停工一年做專屬model人釘人
1 :
GS(14)@2017-01-19 08:08:0529歲林夏薇同45歲金融才子莫贊生(Jason)前年拉埋天窗，婚後打理飲食生意，主力陪老公兼努力造人，昨日有周刊爆林夏薇願意為老公放棄幕前演出，做跟得夫人係因為老公之前鍾意媾o靚模，而好多女人搵機會黐埋佢老公身，林夏薇先想多啲時間陪老公。據報道講，林夏薇喺《乘勝狙擊》擔正做女主角後，之後就冇再拍劇，有指佢決定停工，一段時間暫別幕前，據知情者講林夏薇仲好鍾意做戲，之前拍幾部劇都成功入屋，不過佢喺事業同老公兩者之間，揀咗老公，一來想多啲時間陪老公，二來想生B，平時主要陪老公行街四圍去，日前兩公婆去中環買嘢，林夏薇陪老公去睇褸，成程做形象指導，買完就到林夏薇去睇手袋，有時林夏薇出外，仲見佢手戴超過五卡巨鑽。報道又指林夏薇為咗箍住個老公，花咗唔少心思執靚個樣，近年越嚟越靚，同2011年初入大台嘅感覺好唔同，冇咗陣娘味，每日做運動，亦知老公鍾意影相，keep得靚啲、fit啲做老公專屬model!
來源:
http://hk.apple.nextmedia.com/entertainment/art/20170119/19901999