老婆大病重生首個情人節艾威融化威嫂 盼下世再遇
1 :
GS(14)@2016-02-15 02:19:50■艾威與威嫂Lisa患難見真情，大病痊癒的威嫂直言盼下世可再與艾威重遇！攝影：沈健程
情人節，不止是熱戀中的情侶要慶祝，甜蜜的準新人，共度七年之癢的合拍夫妻，甚至是患病見真情的囉唆夫婦，都有他們值得紀念的愛情故事。熱戀期的張致恒和莊端兒、準新娘白雲、結婚7年的名模Jocelyn和Anthony，還有去年穿梭生與死的艾威和太太威嫂，適逢情人節兼人日齊齊向枕邊人傳情達意，結婚14年的艾威說：「要好好珍惜呢一世。」威嫂亦開腔向艾威真情告白說：「希望下一世可以再重遇你！」撰文：楊潔雯
艾威太太Lisa（威嫂）去年子宮發現巨瘤，一度被指有「餡」。威嫂割瘤後數月，肝、腎出現積水和氣泡，結果她在一年間先後3次出入手術室，由脹爆身形再突然暴瘦；為幫太太醫病，艾威花掉近百萬儲蓄，幾乎一鋪清袋。為了大病痊癒的威嫂，艾威日前親自下廚炮製有益健康的晚餐，慶祝擊退病魔後重生的首個情人節，精神奕奕的威嫂首次開腔，與艾威細訴過去一年患難見真情的經歷。威嫂大病之時，艾威的事業又停滯不前，面對重重困難，問如何自處？艾威說：「我冇喊喎！我啲眼淚係要收錢，嗰段時間唔敢嗌交，最大導火線都係佢唔肯去開刀。」如今威嫂病癒，艾威說話仍然毫不留情：「太太其實唔合格，好多問題，不過既然佢咁鍾意我就算，佢都係差唔多死先話我靚仔。」
■為慶祝威嫂擊退病魔，日前艾威買餸炮製情人節晚餐。
■艾威親自下廚煮健康晚餐，認真程度百分之一百。
■餵老婆食愛心餐同時，艾威更叮囑太太要控制飲食。
願意捐肝
威嫂任職管理階層，性格堅毅不屈，不喜歡哭哭啼啼，從不在人前喊的她說：「見到佢（艾威）好擔心、好辛苦，又唔想加重佢負擔，佢出咗去開工，淨番我一個人喺屋企，咁我會（喊）囉！我喊完就唔記得，佢返嚟見到我就冇事，我當時一日睇5個醫生，4個西醫一個中醫。其實我做完3次手術，食西藥令到個人都好辛苦，食唔到又瞓唔到，但而家我淨係睇中醫調理。」在最差的時候，威嫂腎和肝功能急降，肝功能只剩下20％，當時情況若變壞，便要換肝和腎，威嫂說：「老公第一件事話畀個肝我，我哥哥都話可以捐少少畀我，但係老公話佢得，佢話有乜嘢需要會幫我解決幫我頂，所有嘢交畀佢做得喇！」
■艾威全神貫注的望住威嫂的真情剖白短片。
■威嫂在自拍短片中，眼濕濕感激老公的包容。
■去年威嫂子宮患巨瘤，身形脹爆，一度被指有「餡」。《壹週刊》圖片
自拍告白
在雨過天晴後的首個情人節，威嫂嚐了老公的愛心晚餐，她又送上自拍真情告白致謝，威嫂說：「老公係啲囉囉唆唆嘅人，不過佢都係珍惜我，我應該講多謝，雖然好老套，但多謝係唔夠，應該係講感激。經歷咗咁多嘢，都係咁囉唆，又冇任何埋怨，盡力咁照顧我，好多謝你對我嘅包容，對我做嘅心意，我諗好難下一世再搵個好似你咁嘅老公，希望下一世可以再重遇你！」對老婆的剖白，艾威竟然「冷」回應：「都係勸佢咋，唔係話第二世搵番佢，冇第二世，所以要好好珍惜呢一世。如果你真係愛我嘅話，你好好控制自己嘅起居飲食，到而家都未肯早睡早起，又未戒凍飲，仲想食完晚飯繼續打麻雀，如果真係有心多謝我，做好呢幾樣嘢先同我講幾咁鍾意我。」艾威語重，卻心長，愛就是這麼簡單！
來源:
http://hk.apple.nextmedia.com/entertainment/art/20160214/19490093
財經評論：買樓要等下世投胎
1 :
GS(14)@2016-11-08 05:51:10港府形容樓市加辣措拖為歷來最辣，印花稅一律加至15%，港人首次上車客則不受影響。港府自2009年開始多次出招，再配合金管局合共七輪逆周期收緊按揭措拖，樓價只曾跌不足1%，之後勁升逾一倍。政府再出招，樓價會跌嗎？專家估計年底前最悲觀樓價會跌一成。信專家不如信過去經驗。港府在2009年10月至2015年2月六年內，推出樓市三辣招及金管局七度收緊按揭，但每次加辣樓價必升，至今樓價累升1.2倍。差估署的全港各類單位售價指數，於2009年10月金管局首度出招收緊樓價2,000萬元豪宅按揭上限至五成時，指數為131.7點。2010年11月，樓價13個月勁升24%，指數升至163.7點，政府首度推出樓市辣招，實施額外印花稅（SSD）打擊炒賣，但只令樓價跌一個月，跌幅僅0.4%。港府同金管局之後又再出招，打擊層面更擴至細價樓。2012年9月及10月推出的兩大辣招，包括趕絕海外買家的買家印花稅（BSD），以及加強版額外印花稅的刑期更加夠3年，期間賣樓重罰最多兩成稅款。惟BSD及SSD都壓不住樓價，到2013年政府向換樓客開刀，實施雙倍印花稅（DSD），唔想畀人買多間。政府再加辣，樓市結局拭目以待。辣招唔係冇料到，只是買樓需求太大。過往政府出大招，新盤銷情九死一生，但將軍澳新盤藍塘傲在加辣後第二日開售，居然仲排長龍，即日賣近八成單位。內地客照畀三成重稅，本地用家不信樓價會大跌。二手市場更見反價。當大家無希望時只能相信，政府每次加辣，只會令更多人買唔起樓，越住越細。買樓，等下世投胎啦。記者：朱連峰
來源:
http://hk.apple.nextmedia.com/financeestate/art/20161107/19824792
發哥冧招賀生日發嫂：下世再做夫妻
1 :
GS(14)@2016-12-31 01:06:32【恩愛慶祝】■發嫂前晚57歲牛一，發哥特別為太太搞生日宴慶祝。
發嫂陳薈蓮在婚後的每一個生日都是與老公周潤發一起歡度，前日是發嫂的57歲牛一，發哥沒有買任何名貴首飾，反而一早跑去花墟買了兩個紅色小蘿蔔盆栽給老婆做生日禮物，晚上又相約親友為她搞生日宴，發嫂收到盆栽後十分開心和感動，更表示：「上天送畀我最好嘅禮物就係嫁咗畀周潤發，希望下一世都可以同佢做夫妻。」
周潤發與陳薈蓮結婚三十年，夫妻恩愛如昔，前晚是發嫂的57歲生日，發哥特別在尖沙嘴夜上海餐廳為老婆慶祝，他兩夫妻都是愛低調的人，所以生日宴只是請了約二十位親朋好友來慶祝，圈中人就只有星皓公司老闆王海峰和郭富城經理人小美出席。發嫂前日在收到的眾多生日禮物當中，最喜歡就是老公送的紅色小蘿蔔盆栽，代表鴻運當頭的意思。在生日宴上，發嫂收到好多朋友的祝福，而發哥略嫌發嫂最近減肥減到過瘦，所以不斷叮囑她要多吃點東西，又特意點了很多發嫂愛吃的上海菜，席上更不斷夾菜給老婆，又餵老婆吃壽包和一起切生日蛋糕，現場好友紛紛都起哄叫兩人咀嘴，搞到發哥與發嫂尷尬笑不停。
【發嫂撒嬌】■親友起哄要發哥發嫂咀嘴，令二人尷尬笑不停。
■發哥前日到花墟選購了兩個紅色蘿蔔盆栽作發嫂的生日禮物。
■星皓公司老闆王海峰（左二）與弟弟王海平（左一）前晚亦有現身賀發嫂。
送蘿蔔食糖水
據悉發哥知道太太一向不愛名牌手袋或珠寶首飾，為了準備這份禮物，他前日一早去花墟選購，經過千挑萬選後，選了兩個紅色小蘿蔔盆栽給發嫂，發嫂昨日接受訪問時說：「今年收嘅禮物當中，梗係老公送嗰份，佢送咗兩個紅蘿蔔畀我，好cute呀！老公知我喜歡花草，所以專登一早去花墟買畀我，雖然兩個紅色蘿蔔唔值乜嘢錢，但最緊要係呢份心意，代表鴻運當頭，佢都知我唔係鍾意金銀珠寶，所以買畀我嘅禮物都係一啲啱我心水嘅嘢！佢真係一個好體貼嘅老公，其實上天送畀我最好嘅禮物就係嫁咗畀周潤發，希望下一世都可以同佢做夫妻。」一向喜歡行山的發哥，幾乎每朝都會去行山和做運動，但前日他就沒有去行山，一早去花墟買完禮物就立刻回家，陪太太吃完中午飯，又出去買番薯糖水給老婆享用，發嫂笑說：「佢知我好鍾意食番薯糖水，所以專登去買畀我食，而且成日留喺屋企陪我，連最愛嘅行山都冇去，夜晚又約咗一班朋友同我一齊食飯。」
■出名愛妻的發哥經常陪太太到街市買餸。資料圖片
■發哥與發嫂結婚三十年，是圈中的模範夫妻。資料圖片
讚絕世好男人
問發嫂為何下一世都要和發哥做夫妻？她笑言：「我哋兩個人都好夾，彼此都係好喜歡簡單同低調嘅生活，喺呢三十年嘅婚姻生活中，佢一直好體諒我，又好愛錫我嘅家人，佢無論做乜嘢都會先諗我感受，最令我欣賞係佢好孝順媽咪之餘，對其他唔識嘅老人家都會好尊重，可以幫到人佢一定幫，心地好好，呢啲絕世好男人好難搵，所以下一世我都希望做到佢老婆。」採訪：鍾國仁
來源:
http://hk.apple.nextmedia.com/entertainment/art/20161230/19880708
Next Page