Kelly老公送花愛驚喜
1 :
GS(14)@2015-06-25 08:20:04陳慧琳（Kelly）早前為代言品牌金至尊珠寶，拍攝新一輯以「花」作為主題的平面廣告，拍攝當天Kelly先後換上多個造型，亦即席擔任造型設計師，為不同造型配襯首飾。拍攝時要擺出像蜜蜂、蝴蝶般被花吸引美態時，Kelly透露至今亦會不時收到老公送花，她說：「我好鍾意花，送花唔一定只限節日或生日，平時送花更有驚喜效果。」忙於籌備新碟及年底的演唱會，同時盡力兼顧家庭，Kelly承認會感到疲倦，但又不想錯過囝囝成長過程，她說：「家人係我嘅幸福及動力來源，返到屋企見到老公同囝囝就會唔記得工作煩惱，蝦餃仔有時會請纓幫我按摩。」撰文：君喬
來源:
http://hk.apple.nextmedia.com/entertainment/art/20150624/19195359
Kelly湊兩子遊迪士尼嗌攰「佢哋精力無窮」
1 :
GS(14)@2015-08-04 08:18:58【前日 潮媽出馬】■Kelly前日帶子到迪士尼，還陪幼子小龍包騎旋轉木馬。讀者提供圖片
樂壇天后陳慧琳（Kelly）前日卸下濃妝華衣，以簡約打扮湊「蝦餃仔」劉昇和「小龍包」劉琛到迪士尼樂園耍樂，同行未見老公劉建浩（Alex），Kelly一拖二都應付自如，還陪3歲小龍包騎旋轉木馬。年底在紅館開個唱慶祝入行20年的Kelly笑言，湊兩子出遊，消耗的體力等同排舞一樣的攰。
陳慧琳和老公劉建浩育有一對寶貝仔，分別是6歲蝦餃仔劉昇和3歲小龍包劉琛，熱愛家庭的Kelly，沒工作就黐屋企陪仔，正值暑假，她當然給囝囝安排了戶外活動。讀者焦小姐前日直擊到Kelly母子在香港迪士尼樂園family day，昨日透過《蘋果》爆相爆片與大家分享。
【影批靚相】■Kelly拿着手機拍下囝囝玩樂情況。
【母子行裝】■Kelly和友人帶四名小朋友遊園，穿橫間tee殿後是蝦餃仔。
■正籌備個唱的Kelly，日前往錄音打扮都型格十足。微博圖片
母子騎木馬
據焦小姐報料，前日下午4時許碰見Kelly與另一名女友人，帶着四名小朋友遊園，她一眼認出金毛頭、化淡妝的Kelly，跟住發現她的兒子蝦餃仔和小龍包，打扮隨意的Kelly雖架上黑超，但仍被遊客認出上前要求影相，但她都以私人時間為由婉拒，即使老公Alex不在場，Kelly對兩子仍照顧得妥妥貼貼，而迪士尼也安排了工作人員陪同。今年2月，本報拍到Alex獨自湊兩子玩轉中環友邦歐陸嘉年華，當時Kelly要返內地工作未有同行，前日輪到老公沒空，不過Kelly湊仔也不遜老公，小龍包先坐BB車入場，其後下車自己行，由Kelly拖實，哥哥蝦餃仔則緊貼身邊。兩子玩得興高采烈時，Kelly便拿手機拍攝，其後囝囝玩機動遊戲，Kelly更與小龍包一齊騎旋轉木馬，母子玩得好投入。
【2月 型爸拉隊】■Alex今年2月獨自帶兩子到中環嘉年華耍樂。資料圖片
愛機動遊戲
記者昨日致電Kelly，她表示兩子最愛主題公園，遊園是長假期的指定動作，一年總去兩、三次，她說：「Alex噚日要做嘢，我咁啱有時間就湊囝囝入場玩，佢哋好鍾意㗎，最鍾意係玩機動遊戲，玩完又玩。」Kelly親力親為陪兩子玩，可覺筋疲力竭？她搞笑說：「幾攰㗎，佢哋精力無窮，但習慣咗，消耗體力同排舞有得揮。」今年是Kelly加入樂壇20年，將於12月18至22日在紅館開騷，近日已開始排舞練歌，Kelly說：「我等咗七年再開騷，好緊張，好期待，一定要做到盡善盡美。雖然仲有幾個月，但我想有足夠時間去排練，唱多啲快歌，所以呢幾個月我必須養精蓄銳，以最佳狀態同歌迷見面。」採訪：陳杰
來源:
http://hk.apple.nextmedia.com/entertainment/art/20150803/19241052
【壹週刊】辣著環球 無綫反口飛起Kelly吳雨霏
1 :
GS(14)@2015-08-10 08:34:45【壹週刊】閂埋門一家親的無綫，綜藝節目極度環保，鄭俊弘、吳若希、許廷鏗重複又重複，睇到觀眾叫救命。唔想收視愈插愈低，監製麥鎮東主動向環球唱片借將，成功得到陳慧琳、吳雨霏、盧冠廷幫手做下個月舉行的《星光熠熠耀保良》表演嘉賓。點知大台高層余詠珊又反口，突然飛起Kelly同吳雨霏，出爾反爾，再次辣着環球。下月二十六日在紅館舉行的《星光熠熠耀保良》，是無綫年度大騷，監製麥鎮東為交功課，早於六月已向各大唱片公司敲門借將，當中包括有不少紅人在手的環球唱片。「監製主動搵環球嗰邊幫手，對方亦即時做嘢度期，最後俾咗Kelly、Kary、盧冠廷同Robynn& Kendy我哋。點知去到上個月底，突然話唔使環球歌手做個騷！」一名無綫人說。據了解，無綫突然反口，全因高層余詠珊玩嘢。「Sandy話環球歌手一直唔肯簽歌星合約，年底頒獎禮亦唔肯撐場，所以無理由搵佢哋出大騷喎！」度完期又話唔要，環球唱片對於大台出爾反爾，亦感不滿。「Kelly年底要開演唱會，已經忙緊籌備，Kary結完婚返嚟亦有好多工作要還債，佢兩個唔係得閒冇嘢做，無綫浪費我哋時間，以後再話要攞人幫手，真係要認真考慮。」一名環球員工說。
來源:
http://hk.apple.nextmedia.com/entertainment/art/20150810/19249665
Kelly笑老公：肥咗好多
1 :
GS(14)@2015-08-18 09:11:26■Kelly昨日以一身高貴飄逸紅裙，宣傳12月舉行的一連六場個唱。
有兩子的幸福人妻陳慧琳（Kelly）昨日在尖沙嘴宣傳今年12月18日在紅館舉行的演唱會，闊別紅館7年的她為紀念今年入行20周年，而舉行一連六場演唱會。Kelly在活動上談到身邊的合作夥伴雷頌德、奚仲文及經理人鍾珍時，激動落淚，但之後提到老公劉建浩時，就破涕為笑：「佢肥咗好多。」
■Kelly談及經理人鍾珍時激動落淚，但一提到老公即破涕為笑。
6場演唱會每晚有不同表演嘉賓，另加設分享個人感受的環節，一向眼淺的她為此很是擔憂，Kelly說：「我好擔心，因為演唱會好多感動位，我唔想喊住唱。」造型方面，有superhero和鬼新娘等，但Kelly生了兩子，身材和7年前應有所變化，她笑說：「我個body係有啲微妙變化，但嗰啲位會用布遮住。」採訪：羅慧敏攝影：陳慧安
來源:
http://hk.apple.nextmedia.com/entertainment/art/20150818/19259410
Kelly個唱加場賀生日
1 :
GS(14)@2015-09-14 19:42:37陳慧琳（Kelly）將於今年12月假紅館開騷，慶祝入行20周年，昨日是Kelly的43歲生日，宣佈個唱加開12月24、25及26日最後三場，她興奮說：「約定大家喺平安夜、聖誕節同Boxing Day一齊開party！」壽星女昨剛由內地返港，晚上跟老公和囝囝一家四口慶祝。此外，日前Kelly為新歌《請放心傷我》拍MV，着上品牌Chanel贊助的露背長裙拍攝，歌曲講前世今生的因果情緣，Kelly讀書時有段puppy love，當年兩人因要到外地升學分手，她說：「自己係好理智嘅人，知道冇可能，唔會藕斷絲連。」撰文：皓鶱
來源:
http://hk.apple.nextmedia.com/entertainment/art/20150914/19294347
Kelly提生日甜到漏
1 :
GS(14)@2015-09-15 07:32:23陳慧琳（Kelly）昨到九龍灣出席新歌《請放心傷我》MV首播會，前日43歲的她冧爆說：「生日喺內地返香港，喺屋企攞晒蛋糕影相食飯，老公早排喺歐洲買咗公仔畀我，阿仔負責攞公仔畀我，已經好sweet。阿仔老師知道我生日，教佢打鼓畀我聽，仲有birthday kiss，成塊面都係。」至於生日願望就是身體健康、家人平安及個唱順利，Kelly乘宣佈12月個唱加開3場跟觀眾慶聖誕。提到新歌講三世書，她稱算過自己前世是一匹馬，問她的老公前世是否騎師？Kelly說：「唔知佢時辰八字，老公叫我唔好信，自己忍唔住幫囝囝check，細仔將來白手興家，大仔就好黐家，希望係啦。」採訪：黃曉妍攝影：沈健程
來源:
http://hk.apple.nextmedia.com/entertainment/art/20150915/19295421
Kelly忙綵排 囝囝叫唔好
1 :
GS(14)@2015-10-07 07:33:35陳慧琳（Kelly）、周嘉儀和前HotCha成員黎美言（Winkie）等，昨晚在尖沙嘴出席手機活動，Kelly穿上矮踭鞋出席，近日她忙於為今年12月的演唱會排舞，天天排練令雙腳疲累，她說：「再着（高踭鞋）就排唔到舞，最初每日起身有想死感覺。」Kelly指兩兒子都掛念母親，她說：「佢哋叫我唔好出去做嘢。」她笑言手機都是兒子的照片，即使老公有傳上獨照，但她卻只叫老公傳兒子的相片。Kelly更自爆晚上與兩子同睡，囝囝睡在兩夫妻中間，她說：「我哋張床都加大咗。」此外，對於諸葛紫岐近日暴瘦傳婚變，Winkie指有相約食飯，並代為否認傳聞：「應該唔會，佢忙啫，大家唔好擔心，佢平時有講囝囝，佢係事業型女性，應兼顧到家庭。」採訪：馬建華攝影：沈健程
來源:
http://hk.apple.nextmedia.com/entertainment/art/20151006/19321869
獲最Like廣告代言人Kelly12月紅館騷如火如荼
1 :
GS(14)@2015-10-30 07:42:15陳慧琳(Kelly)昨日出席《蘋果創意廣告大獎2015》頒獎典禮，得獎者係由多位行內專業廣告人士擔任評審，大會一共頒發23個獎項，表揚一眾廣告精英。頒獎典禮先由《蘋果日報》及Nxtomo營業副總裁鍾慕懷致歡迎辭並進行簡單祝酒儀式，為配合今年大會主題「係時候補補腦」，壹傳媒壹傳動市務總裁徐緣，更主持創意論壇環節，分享各地出色嘅創作營銷策略及手法。
Kelly就由公眾投票選出，獲得「蘋民最Like廣告代言人」大獎，Kelly上台領獎時，主持問佢每次工作都會掛住仔仔，今次嚟攞獎有冇掛住，Kelly喺台上表示：「嗰時剛生完，荷爾蒙未平伏到，依家適應咗，冇問題。」咁有冇廣告商搵佢同仔仔拍廣告，Kelly坦言：「有客戶問過，不過老公唔鍾意，想低調啲，暫時都唔得住。」講到Kelly喺12月將開紅館個唱，佢講：「已經如火如荼，每日都排舞、練歌。」問佢如果要為演唱會做一個好廣告，應該要點，Kelly表示：「首先要知道演唱會個frame係乜嘢，知道個poster點去傳遞呢個信訊，之後要eye-catching咁就好成功。」Kelly亦有頒獎給三個得獎客戶，之後眾人影大合照。
來源:
http://hk.apple.nextmedia.com/entertainment/art/20151030/19353466
Kelly年曆執過龍
1 :
GS(14)@2015-12-16 09:30:28英國名模Kelly Brook一如往年，今年同樣會推出2016年年曆應市，例牌大晒火辣身材，她近來都不時會公開內頁靚相催谷銷情，肯定能吸引到一班麻甩粉絲的捧場客。
■Kelly體形一向略胖，與年曆照相距甚遠。
今年Kelly以一張躺在床上，用白布遮重要部位的寫真當年曆封面照，新公開的則有三點式以及大晒南半球的噴血寫真，確實拍得Kelly索到爆。但不少網民看過這輯相，都認為Kelly一向身形略胖，照片實在執得太勁，更有網民笑稱這個應該稱為Photoshop2016年年曆。撰文：程芬
來源:
http://hk.apple.nextmedia.com/entertainment/art/20151214/19410930
Next Page