【抄到足】深圳疑似老翻Cafe 食客：像Lady M、Dazzling和咖啡弄
1 :
GS(14)@2018-01-28 18:35:38店名叫做Lady Seven，是唔少內地人甚至香港人都會去打卡嘅cafe。
如果週末想短短哋去個旅行，部份人會選擇北上，貪佢物價始終比香港平，雖然保障就唔算話有太多，但始終都叫離開過香港。以為上深圳除咗去東門買電話殼就無嘢好做？咁諗你就錯喇，上網一查，就發現深圳都流行唔少熱門打卡勝地，今次記者就發現了一間如有雷同，實屬巧合嘅台式餐店。
店名叫做「Lady Seven」，是唔少內地人甚至香港人都會去打卡嘅cafe，一行入去，唔只店名，就連格局、侍應服裝、餐牌都熟口熟面。雖然官網聲稱自己是台灣品牌，但當我哋問侍應呢間店係咪台灣過江龍，侍應就面有難色地指：「我相信是吧，我也不太清楚，反正我們做的都是台灣餐點。」答得非常可圈可點。餐廳主要賣千層蛋糕、吐司盒、鬆餅等食物，不過食物質素就麻麻喇，伯爵茶千層蛋糕雖然有超過廿層蛋糕皮，但每層都薄如腐皮，一放入口，就只能嚐到忌廉，味道一般，只能講句，邪不能勝正呀。現場見有香港人專登來潮聖打卡，Eva指網上見人介紹這間店幾好吃，所以視它當作一般cafe試試，另一港人Pansy就直言本身想吃香港嗰間，但實在太貴喇，見到內地呢間跟香港嗰間差唔多，所以想來試一試。另外居港嘅內地人Toby指這店同「Lady M」、「Dazzling Cafe」和「咖啡弄」都好似，雖然可能係抄襲，但食物外觀都幾精緻，所以覺得都唔錯，不過以味道嚟講都係香港比較好。Trip精們就覺得，行過試吓亦無妨，專程到訪嘅話就可免了。
LADY7 Cafe(KK Mall店)地址：深圳深南東路5016號KK MALL京基百納空間2層記者、攝影﹕Trip精全新旅遊專頁，即like籽想旅行：
https://fb.com/travel.appleseed
來源:
https://hk.lifestyle.appledaily. ... e/20180125/20284722