杏兒1600萬撇Bosco
1 :
GS(14)@2012-08-15 09:25:38http://www.sharpdaily.hk/article ... 90%AC%E6%92%87Bosco
【本報訊】胡杏兒上月中宣佈斬斷與黃宗澤的8年情時，雙方都傳過有小三。原來杏兒早於今年3月已有所部署，結果於上月初分手時即斥資1,600多萬港元，買入長沙灣半山地段的郝德傑山兩個相連單位，且現正加緊裝修，急於遠離宗澤。
胡杏兒曾經為箍花弗男友黃宗澤，不惜搬到火炭晉名峰，以為同住樓上樓下可以目及到實，結果二人上月中宣佈已分手半個月，有傳導火線是宗澤偷食湖南乳牛柳岩，不過其後也有傳杏兒移情台灣有米演員、有台視一哥之稱的黃少祺。
據悉，杏兒怒撇宗澤原來早有部署，她早於今年3月已四出睇樓，並於上月初豪花1,668萬港元，買下位於長沙灣半山地段的郝德傑山第二座兩個高層相連單位，分別是呎價$8,311的1,285呎單位及$8,596的698呎單位，將與王賢誌做鄰居，雷頌德、衞蘭及衞詩也曾居於
裝修工人火速趕工
不過，有傳該兩豪宅皆是杏兒的富貴緋聞男友黃少祺所贈，但據土地註冊處資料，兩單位於上月底成交且均屬杏兒名下，以其現時視後的財力，隨便拍一齣內地劇已可穩袋數百萬，故一炮過買樓應不是問題。
據悉杏兒最近已著裝修工人火速趕工，希望能盡快搬離與宗澤的火炭愛巢，以免住得近時有碰頭會眼冤。反而是分手後暴瘦的宗澤仍死心不息，即使身在台灣拍戲，也不時埋頭髮短訊予杏兒箍煲，高峰時一日傳出數十個短訊。
[據土地註冊處資料顯示，杏兒於上月一次付清房價買入的兩單位均屬其名下。]
據土地註冊處資料顯示，杏兒於上月一次付清房價買入的兩單位均屬其名下。
暗示與宗澤冇見面
杏兒昨在電話中直認買樓：「係我辛苦儲錢買返嚟嘅dream house，因為大家姐住喺附近，我同二家姐將會一齊住。」她昨午離開晉名峰到中環整頭後，再到上環中區警區總部，與張智霖拍《衝上雲霄II》，談到買樓，她謂一直希望有屬於自己的房子，至於何時搬，杏兒說：「搞緊啦，o依家專心工作先。」是否怕見宗澤會尷尬？她說：「都OK嘅，大家係朋友。」
杏兒又否認宗澤狂發短訊箍煲，表示雙方很少聯絡，更謂沒親眼看見不知他是否暴瘦。杏兒強調與黃少祺只是朋友，而且已沒有聯絡。
2 :
寧采臣(25759)@2012-08-15 15:32:44胡含而真係好重口味
屋企裝修乘機住埋Bosco認酒店會日模
1 :
GS(14)@2016-03-13 02:40:25■黃宗澤早前跟日模Jun拍廣告，兩人不乏親密動作，估不到更低調撻着。
黃宗澤（Bosco）的舊愛胡杏兒去年已出嫁，成為李太，Bosco都要在感情上加把勁，他近日被爆展開異地戀，搭上曾合作拍廣告的日籍索模Jun，兩人當日合作拍廣告時，更有親密肢體接觸，料不到他們一撻即着。
新女貼蠔相
Bosco前日凌晨收工後火速人肉速遞到沙田一間酒店密會Jun，兩人宿一宵後，翌日兩人孖咇出動到超巿買餸玩飯仔，兩人當日戴着情侶黑色帽，同時鬼祟戴上口罩掩人耳目，可是Bosco醒目發現被偷拍後即撇下新歡，還找來女友人做煙幕接走Jun。Bosco拍拖斷正，同時被踢爆他租住Jun同一間酒店，他的紅色Audi座駕更被發現泊在酒店月租車位。Bosco事後表示跟Jun了解中，似非常保護這一段新戀情。
■Bosco（右）當日跟Jun拍攝時，默契十足。
就Bosco的感情有新發展，記者昨聯絡他查問，Bosco大方回應：「人哋嚟香港旅行，大家曾合作拍廣告相識，所以同佢見面。」對於被爆入住同一酒店，Bosco則解釋：「因為我屋企裝修，所以住埋同一間酒店。」Bosco強調跟Jun未發展到情侶關係，他說：「十劃未有一撇，講到咁樣唔係幾好。」
Jun大前日在Instagram貼了食蠔的相片，懷疑她到了Bosco在九龍城所開的蠔吧開餐。採訪：鍾國仁
【新女私相簿】
藝名：Jun出生地：茨城縣身高：174cm三圍：30、23、33簡介：Jun來港與Bosco拍廣告之餘，在日本也是模界寵兒。她早年為倖田來未拍過不少MV，曾登上北野武的節目，更是Chanel、Prada等大品牌的模特兒。
【廣告】互聯網圖片
【私照】互聯網圖片
【行騷】互聯網圖片
來源:
http://hk.apple.nextmedia.com/entertainment/art/20160312/19526048
賭場揸弗人 曾做模特兒Bosco激讚澳門女伴：佢好爽朗
1 :
GS(14)@2016-08-10 07:54:49【親熱貼頭】■黃宗澤昨日被爆搭上賭場揸弗人Twin姐，二人更拍下不少頭貼頭的親密照。互聯網圖片
黃宗澤（Bosco）的前度胡杏兒雖已為人妻，但Bosco身邊仍然不乏伴。今年3月被爆跟日籍女模Jun撻着發展異地戀，不過昨日又有報道稱，他背着日模跟澳門賭業揸弗人Twin姐交往，模特兒出身的她事業遍佈澳門及菲律賓，憑施展奶奶政策而贏得Bosco歡心，他昨更大讚Twin姐：「佢好爽朗。」
現年35歲的黃宗澤自從跟胡杏兒分手後，杏兒閃嫁商人李乘德，其間Bosco不時傳出緋聞，早前他公開表態宣稱跟合作拍廣告的日模Jun正在了解當中，更被影到二人一齊逛超市。不過昨日有周刊報道指Bosco原來一面跟日模發展，同時又和賭場女揸弗人Twin姐過從甚密，更有二人頭貼頭、嘟嘴的合照流出。
奶奶政策氹Bosco媽
該報道表示作為男友的Bosco對女友Jun不俗，為了照顧在港沒有家的女友，特意在沙田寓所附近的酒店租了一間房供Jun居住，方便二人會面。豈料數個月後，Bosco同時跟年約30多歲的Twin姐拍拖，Twin姐為澳門賭場女揸弗人，又是菲律賓長灘島獨家賭場生意C.O.O.（營運總監），身為中國、印尼混血兒的她，於2000年初出道時，曾擔任過模特兒。另外，Twin姐私下亦有從事護膚品代理生意，贊助不少藝人朋友，所以在圈中人脈甚廣，包括李彩華、姚子羚、趙學而、周家蔚跟嚴淑明等，各人跟她都私交甚篤。據報道指Bosco與Twin姐在年前由友人介紹認識，初時以「姐弟」相稱，Bosco口花花最終成功追到Twin。Twin每次由澳門到香港，都會到Bosco開設的蠔吧打躉，匿在VIP房撐枱腳。Twin姐深知Bosco是圈中出名孝順仔，所以投其所好未「入門」已實行「奶奶政策」，經常跟Bosco媽出雙入對，又經常送禮物成功博取Bosco媽的歡心。
【賭場工作】■有指Twin姐目前在菲律賓長灘島賭場工作，任職營運總監。
【人緣甚廣】■Twin姐亦有從事護膚品代理生意，跟圈中人熟稔。
【嘟嘴錫錫】■Bosco與Twin姐在年前由友人介紹認識，以契姊弟相稱。互聯網圖片
「只知佢喺澳門做嘢」
不過，昨日有讀者向本報報料指Bosco新歡Twin姐現年37歲，真名為趙朗熹，在澳門是叠碼仔一名，但經營不善欠下幾百萬街數，目前她在長灘賭場任總監一職，其實跟公關、叠碼仔無異。Bosco昨日在電話中回覆本報表示：「呢個係我識咗十幾年嘅契家姐嚟㗎，（雜誌）完全係看圖作文啦！」對於有指契姐欠債，Bosco回應說：「我只係知佢喺澳門做嘢，識咁耐有食飯傾偈，冇深入了解人哋背景，淨係知佢好爽朗。」其實據Bosco身邊密友透露，Bosco跟Jun正愛到如膠似漆，Jun為爭取跟男友見面，經常長駐香港，只是有工作時才飛返日本。Bosco近排出席好友的聚會時，都是帶着這位日籍女友Jun，其地位幾乎已經可以肯定。採訪：鍾國仁
【日籍女友】■Bosco與日籍女模Jun因拍廣告撻着，Jun更為愛郎經常留在香港。
■一向侍母至孝的Bosco，是圈中出名的孝順仔。資料圖片
來源:
http://hk.apple.nextmedia.com/entertainment/art/20160810/19729630
【緋聞女友】Bosco楊崢21日玩完
1 :
GS(14)@2016-08-10 07:54:50現年35歲的黃宗澤（Bosco）外形吸引而且事業有成，即成圈中筍盤之一,多年來緋聞不絕，曾被他公開「正名」的女伴亦不少，更越戀越高質。
日籍索模Jun 廣告情緣
與Jun因拍攝廣告而擦出火花，今年3月被爆與Jun於沙田寓所附近另築愛巢同居。
楊崢 咀嘴斷正
與杏兒分手後，隨即被爆與年長他9歲的名模楊崢拍拖，但戀情曝光21日後，宣佈突然死亡。
胡杏兒 拍劇撻着
與杏兒於04年拍攝電視劇《我的野蠻奶奶》時撻着，多次傳出婚訊，惜兩人於12年宣佈分手，杏兒亦於去年成為幸福人妻。
甄詠珊 識於微時
甄詠珊曾透露未入行時曾與Bosco拍拖十個月，大讚Bosco是好人，並表示會繼續支持對方的演藝事業。
來源:
http://hk.apple.nextmedia.com/entertainment/art/20160810/19729632
杏兒聞Bosco左擁右抱：祝福佢
1 :
GS(14)@2016-08-13 14:50:16■杏兒有份配音，揚言被讚有天份。
胡杏兒、台灣藝人汪東城和鄭欣宜等前晚到尖沙嘴出席電影《櫻桃小丸子：來自意大利的少年》首映禮，有份配音的杏兒透露配的是新角色，名字叫倩兒，她說：「原來扮小朋友聲都有難度，同埋角色係斯文，自己都要斯文啲，不過現場專業配音員都讚我配得好，仲講笑話可以爭飯食。」
■陳倩揚與老公趁暑假帶兒子看戲娛樂一番。
■汪東城打扮成卡通樣般看《小丸子》首映。
■陳浩民老婆一拖三個仔女出席首映。
贊成定欣分手
提到舊愛黃宗澤（Bosco）除日本女模女友Jun外，最近傳有新歡Twin姐，但Bosco表示對方只是契家姐，杏兒聽到舊愛名字即落閘：「唔回應喇，以後唔使問我啦，總之祝福佢。」問是否怕老公介意？杏兒即否認，又指已是陳年舊事。至於好姊妹胡定欣最近分手，她說：「佢OK呀，大家成年人，唔適合分開好正常，希望大家搵到另一半。」她又代友澄清，指定欣並非去英國療情傷，她笑說：「咁啱箒，我去探奶奶，佢哋咁啱喺度就一齊食飯。」採訪：黃曉妍攝影：陳慧安
來源:
http://hk.apple.nextmedia.com/entertainment/art/20160812/19732845
有毛有翼離巢做老細Bosco靠短訊冧掂日模女友
1 :
GS(14)@2016-09-07 21:46:17黃宗澤(Bosco)出年就同大台約滿，有傳佢唔想再續約，因為想開自己嘅工作室，就算樂小姐落力留佢，叫佢改簽邵氏都冇用。Bosco現時喺內地拍劇有過千萬人仔酬勞，經營嘅蠔吧生意又唔錯，仲諗住喺其他地方再搞飲食業。離巢都係人之常情。另外，Bosco同胡杏兒喺12年分手之後，極速同大自己9年嘅楊崢撻着，不過21日後又極速散咗。之後又傳過拍劇嘅時候，龔嘉欣、劉佩玥都力追佢，情史真係水蛇春咁長。不過Bosco家陣同日籍女模Jun蜜運中，但係佢哋只係靠message維繫感情，連Bosco自己都話異地戀好難keep。
來源:
http://hk.apple.nextmedia.com/entertainment/art/20160907/19762460
掟百萬搞飲食王國Bosco開酒吧餐廳撈得掂
1 :
GS(14)@2016-09-07 21:46:17近日《蘋果》影到黃宗澤(Bosco)同黑衣女友人去咗觀塘一棟工廈，行去睇下咁。去到一間韓式餐廳嗰陣，黃宗澤就好細心睇人哋張菜單，似乎佢都心郁郁想踩過界，做埋韓式飲食業。黃宗澤近年喺內地撈得好掂，兼搞飲食王國，睇嚟想喺飲食界大展拳腳。雖然佢早前同四洲太子女Kennis喺九龍城再合資開嘅甜品舖執咗笠，加上早年喺大馬怡保曾投資100萬開酒吧最終都執咗，但Bosco並冇放棄，之後仲翻新大馬間餐廳改名重開，，再投資咗800萬，跟手又喺中環豪掟300萬開蠔吧，認真識投資。
來源:
http://hk.apple.nextmedia.com/entertainment/art/20160907/19762467
Bosco新訂古董車
1 :
GS(14)@2016-11-17 11:30:40黃宗澤（Bosco）及衛詩雅昨日去到將軍澳東港城，為活動「變形金剛：基地保衞戰」擔任嘉賓。Bosco指男人總會有一點嗜好，例如汽車、手錶、音響或相機，擁有五部愛車的Bosco最近又從外地訂購一輛古董車，他說：「未打稅要半百萬，喺澳洲運過嚟，男人始終有啲兒時夢想。」Bosco指自己有強迫症，遇到穿高踭鞋的女乘客踏花車身，他也忍不住將車維修，會當愛車是老婆。衛詩雅透露過往曾為男友花盡心思購買限量玩具，可惜與這名拍拖三年的男友於數月前分手，她說：「有各種原因，大家都覺得可惜，慶幸可以做番好朋友，之前都有一齊睇戲，而家準備搬返屋企同父母住。」採訪、攝影：張俊銘
來源:
http://hk.apple.nextmedia.com/entertainment/art/20161117/19836009
《幕後玩家》 賤男Bosco 搞散黃翠如蕭正楠
1 :
GS(14)@2016-11-29 07:55:28大台劇《幕後玩家》就嚟大結局，開始進入高潮，有角色開始變奸，又會有角色會死，感情關係七國咁亂，要幾複雜有幾複雜。黃翠如嘅角色顧成雙都ready變奸喇！喺劇中同「Sean」蕭正楠離婚；不過有網民就覺得翠如BB始終太靚女，點奸都奸唔嚟，唔多buy翠如BB做奸角喎。話晒翠如一直做「乖乖女」嘅角色，演技要跳出觀眾「框架」都唔係咁易！網民嘅評價係「翠如好用力咁話俾我哋知佢開始變奸」、「我覺得係翠如做唔到奸角，不過翠如呢種性格奸起嚟好恐怖」。跟住就嚟劇透……小心小心!!
o依家劇情暫時講到翠如一直以為Bosco係好人，唔知對方害死間接胞弟陸永，仲想同Bosco聯手，對付家姐陳煒。之後劇情嘅發展又係估唔到，Bosco同老婆(龔嘉欣)同情婦(劉佩玥)分手後，會走去撬老友牆腳，狂追翠如BB；「雙黃」連成一線攞咗間公司嘅控制權。跟住翠如BB會越變越衰，利用完蕭正楠就同對方離婚，轉去同Bosco喺埋一齊。嚟緊仲有兩星期就大結局《幕》劇，啲衰人呼之欲出喇，不過原來除咗Bosco同翠如BB之外，仲有一個「幕後玩家」，到底邊個會係最終Boss呢？
來源:
http://hk.apple.nextmedia.com/entertainment/art/20161129/19849186
樂易玲出動包薪挽留Bosco收3000萬簽邵氏
1 :
GS(14)@2017-02-03 03:10:30■據知黃宗澤被樂易玲打動，去年底以三千萬與邵氏簽三年合約。資料圖片
現年36歲的黃宗澤（Bosco）99年加入無綫，一直被視為親生仔，不過去年已傳他約滿會離巢，Bosco亦承認並表示跟無綫關係良好。不過離巢一事最近有新進展，本報獲悉目前在邵氏任執行董事及總經理的樂易玲於去年底已經秘密跟Bosco簽約，他會正式過檔邵氏，據知為期三年的經理人合約獲包薪3,000萬。
■Bosco（後排左四）年初三與眾無綫藝員到樂易玲家拜年。互聯網圖片
■Bosco當晚又到三哥苗僑偉（左）家團拜。互聯網圖片
■舊愛胡杏兒前年簽蕭定一公司三年收二千五百萬。資料圖片
開放自由度
Bosco最終決定與邵氏簽約，主要是因為樂易玲承諾在未來一年，該公司會有很多電影製作，給他很多演出機會，有時間可返無綫拍劇，到底會否兌現承諾就不得而知。不過昨日向Bosco求證，他沒否認已簽邵氏：「簽乜都好，遲啲會公佈啦！」據悉Bosco原本打算今年中約滿後會自己成立工作室，主力在內地發展，同時他希望可以多接演電影，無綫滿足不了其要求，只好改而由旗下以拍電影為主的邵氏公司，以可觀包薪利誘他加盟，而且給他很大自由度，可以讓他像王祖藍般以工作室形式與邵氏合作，最終成功游說他於上年12月答應簽約，不過因為他與無綫合約尚有幾個月才約滿，所以稍後才會安排正式加盟記者會。
拉隊去拜年
換了新東家後，Bosco十分識做，他前晚跟一班無綫藝員，包括陳展鵬、胡定欣、田蕊妮、麥明詩及袁偉豪等，齊齊去樂易玲家裏拜年，之後再去三哥苗僑偉家團拜，他表示：「我每年都會去三哥家拜年，今年一樣有去。」採訪：鍾國仁
來源:
http://hk.apple.nextmedia.com/entertainment/art/20170202/19914785
Next Page