【奇聞】租唔起樓 美國情侶用貨櫃起屋建社區
1 :
GS(14)@2016-06-21 07:40:18年青人租唔起樓不是新鮮事，美國三藩市有對情侶，女生 Heather Stewart表示：「我唔想欠住債咁供60年錢，亦唔想60年都困喺同一個地方！」這麼一句，講中全世界廢青心聲，但有幾多人能在困局尋出路？2014年，Heather Stewart和 Luke Iseman覺得每月$2,200（約港幣$17,000）的租金實在難以負擔，嬲嬲哋，決定搬離市區「教會區」到附近加利福尼亞州的一個空置車場，以$2,300美元（約港幣$17,800）購入貨櫃，自己的家自己由零開始建。兩年過後，還成立了小社區，有成18間貨櫃屋入住！當然，講就容易，做起上來其實小情侶也曾遇過不少阻滯。2014年他們剛剛完成第一間貨櫃屋，當時因未查明及申請有關許可讓二人可以在空置地上自己砌屋自己住，最終還是被當地要求撤離。之後他們找到東灣的空置地再重新來過。Stewart表示，未開始計劃之前，完全零木工經驗，每樣家具都要自己慢慢實驗，但貨櫃是一個很好的開始，購入時已防水耐用，叫做死唔去咁話。看看他們的第一間屋，簡陋得四面牆碌架床，似去宿營多個似間屋，對比現在的「新家」，有廚房、有淋浴間和廁所，還可以靠太陽能生活，算是可過自給自足的生活。走入他們160呎的貨櫃屋內便會發現不少土炮家具，例如Iseman就用了自動投影屏幕做屏風，他們說雖然買原材料比光顧廉價傢俬店貴很多，但勝在耐用，自己又可以隨自己喜好設計，物超所值。現在小社區有18個貨櫃屋仔做鄰居，大家有屋一齊砌，共同擁有一部3D打印機及四架叉式起重車，極歡迎有新住客入住，還有不少客人落訂要他們設計並製作貨櫃屋，做埋小生意！網址：
http://www.boxouse.com/記者：馬朗澄
他們第一間屋，又未至於得人驚，不過似去宿營多個似間屋咁囉。
成間屋由零開始慢慢砌，好多土炮傢俬，例如Iseman就用了自動投影屏幕做屏風。
現在Stewart正為自己建新屋，有20呎長8呎闊，全太陽能還有充裕的自然光。
來源:
http://hk.apple.nextmedia.com/su ... t/20160621/19662405
阿Yu行名店：我買唔起
1 :
GS(14)@2016-08-13 14:50:23現年34歲的趙頌茹（阿Yu）與自認是「人渣」的周永恒分居，照顧兩個囡囡的責任就落在阿Yu身上，要母兼父職，所以阿Yu每日放工，都要頻撲地趕回家照顧兩位寶貝女，單親媽媽確實不易做。前日難得清閒，阿Yu單拖現身中環置地行街，神采飛揚的阿Yu很快已經買到一袋二袋，袋內還有一支酒。她見到記者時打了個招呼，然後入了一間化妝品店跟一間飾物擺設店，不過很快阿Yu就走出來，在店外阿Yu接受訪問時笑笑口說：「入面啲嘢太貴啦，我買唔起呀！」接着就往港鐵站方向離開。採訪、攝影：朱志聰
來源:
http://hk.apple.nextmedia.com/entertainment/art/20160812/19732567
強國男求婚送車送樓 霸氣女友：我自己買唔起樓？
1 :
GS(14)@2016-08-14 14:28:22四川德陽一名男子當街拿着大聲公向女友求婚，他更拿出一份房產證，稱要是女友答應，可以馬上將女友名字寫到房產證上，但對方不但拒絕，更當眾大罵男友是在侮辱她：「我自己又不是買不起房子，非要讓你把我名字寫上！」最後拂袖而去。上傳照片的網民稱，「太反轉了，第一次遇到求婚被拒的」。他表示，這名男子已準備充足，向女友送了玫瑰、有戒指、大聲公，更有房產證，本以為他一定求婚成功，沒想到女友竟有這樣回應。女友當着圍觀人群大罵：「你這是啥意思？你這是在侮辱我，你曉不曉得！」「我自己又不是買不起房子，非要讓你把我名字寫上！」「我告訴你我是不會為了房子嫁給你的！」目擊者稱，女子拂袖離開後，只剩下男子一人收拾殘局，十分尷尬。有目擊者稱「男孩表達方式有問題，人家女孩如果真的喜歡你，就不會在意你的房子之類的東西！」「大庭廣眾之下這麼說，就會讓女方很尷尬！」新浪微博
來源:
http://hk.apple.nextmedia.com/international/art/20160814/19735772
【《蘋果》專訪】撐仔選港男 話說當年胡越山怨紅唔起：我係寸㗎
1 :
GS(14)@2016-09-01 06:24:23■胡越山承認當年有埋怨自己為何沒有走紅，但現在明白是自己的問題。攝影：沈健程
無綫「銀河十星」胡越山最近被本報發現原來是應屆候選港男胡㻗的爸爸，他早前曾表示支持兒子參選。退出演藝界多年的胡越山，前日在自己經營的按摩店內接受本報訪問，憶述在無綫的歲月，透露當年先讀動作演員進修班，之後做青年大使，公司都給予他不少機會，曾參演《皇家鐵馬》、《原振俠》等劇集，可惜最終發展不理想。
■胡㻗參加今屆港男，指有邀請爸爸胡越山去看總決賽。資料圖片
■胡越山當年抱着囝囝胡㻗，離婚後胡㻗隨母生活。資料圖片
■胡越山當年秘娶老婆，可惜婚姻維持3年便結束。
■當年獲無綫力捧的胡越山（左），曾拍攝劇集《皇家鐵馬》。劇照
拍劇搏命唔識死
胡越山坦言當年有不忿：「以前有咁諗，人哋講乜唔會聽入耳，因為覺得自己得，係有得戚㗎、寸㗎，覺得自己得嘛，而家諗番梗係知唔得，係自己問題。」他又謂：「嗰時個個都好搏，自己當然都想紅想出位啦，唔識死㗎，有次拍劇要喺30幾呎高跳落嚟都唔用替身，上到去先驚，啲紙箱加榻榻米，就咁跳落去，跳完導演仲要唔收貨，再跳一次紙箱都散晒，我成隻腳叉咗落去，好彩冇事。」離開娛樂圈，胡越山曾轉職做地產，他自言向來不擅交際，當年做了9個月都沒有做過一宗交易。他說：「我已經好努力，由cold call口窒窒，到夠膽同客人、業主溝通，但係做咗9個月都開唔到單，人哋唔炒我都打算自己走，點知有晚就畀我撞到個walk in客，佢買咗一間700幾萬嘅樓，佣金都幾好㗎，之後都做得幾順利，但做咗3、4年我又冇做，之後就開舖頭喇。」
低調娶胡㻗媽咪
有指他在娛樂圈多年都是緋聞絕緣體，胡越山笑說：「我嗰時已經有啦嘛（胡㻗媽咪），唔會諗咁多嘢，同埋嗰時拍拖係大忌，所以都好低調，結婚都冇擺酒。」問他會否再婚？他認為婚姻只是一紙婚書，最重要開心。採訪：鄉奈仁
來源:
http://hk.apple.nextmedia.com/entertainment/art/20160901/19755689
搏晒命都紅唔起胡越山跳樓唔用替身
1 :
GS(14)@2016-09-01 06:24:24胡越山係「銀河十星」之一，佢諗起當時話都有好多回憶，又話當年o靚仔唔識死，佢哋要表演類似叠羅漢演出，李中寧仲要喺佢上面，諗起都驚，但嗰時個個都搏，個個都會頂硬上。有次拍劇要喺好高跳落嚟，成30幾呎咁高，導演問胡越山駛唔駛用替身，不過佢就話唔駛，上到去先驚：「啲紙箱加榻榻米，就咁跳落去，跳完導演仲要唔收貨，再跳一次紙箱都散晒，好彩無事，唔係今日都見唔到我。」佢有提到當年自己好搏，因為想紅想搵錢，勁跑步，操到自己好fit有八嚿腹肌：「之後有唔開心過o架，會諗自己咁搏，會咁失敗！」
來源:
http://hk.apple.nextmedia.com/entertainment/art/20160901/19756614
洪卓立出騷被睇唔起
1 :
GS(14)@2016-09-11 05:50:26■洪卓立昨日在會展出席鄭紹康舉行的活動。
蘇永康鬧爆鄭紹康當年以3,000元侮辱價邀請他出席活動新聞一出，即有圈中藝人在facebook轉載，當中張致恒留言：「買咗大量花生，食完自己種，長食長有啊喂！」有不少人讚蘇永康有型。
■張致恒亦有關注事件，在fb留言指很快種起花生。互聯網圖片
洪卓立昨日出席鄭紹康在會展舉行的活動，亦有在張致恒的fb做花生友，指憶起當年曾被經理人Mani（霍汶希）臨時召去中環出席活動，他自嘲是「臨時又不紅的演員」，去到活動門口等了近45分鐘，「導演」眼尾都沒有看他一眼：「完全不打招呼，不安排記者拍照，不安排企位甚麼，對白也沒有，當然飯盒也不會有。」最後他與幾位「臨時演員」大膽自行離開。採訪、攝影：羅慧敏
來源:
http://hk.apple.nextmedia.com/entertainment/art/20160911/19767062
高鈞賢撈極唔起李晉強做三打七冇角色名
1 :
GS(14)@2016-09-28 05:04:2607年香港先生袁偉豪，捱足9年，年初終於喺《鐵馬戰車》執到好籌，飾演生鬼「施馬sir」，成功入屋，到早排播完嘅《城寨英雄》做「牙佬」一角，受師奶熱捧，3線尾晉升2線頭。不過，香港先生未必個個好似袁偉豪咁，時來運到有得發揮，綜觀歷屆冠軍，許家傑、翟威廉同李晉強，雖然簽約俾大台，不過大部份都只係做人肉佈景版，想發圍，真係唔知仲要等幾耐！05年 高鈞賢05年開始，大台學人搞《香港先生》選舉，最初係威係勢，冠軍高鈞賢隨即簽約成為旗下，可惜捱足9年有名冇利，往後幾年更越做越霉變二打六，連拍劇非禮阿婆、上節目講痔瘡都要做，一度令佢患上抑鬱症。14年高鈞賢決定約滿後北上搵人仔，之前更憑古裝劇《山海經之赤影傳說》彈起。06年 黃長發黃長發當選後，幕前幾乎係零演出，最為人知嘅反而係情史，09年佢因為教法文而搭上比自己大16年、同鞋王劉劍群有個5歲女嘅三奶Karen，之後黃長發宣告半退出娛樂圈，轉行做會計師。近年佢喺Elite模特兒公司做經理。舊年佢同捷克籍模特兒女友Zuzana結婚，做埋老襯。08年 朱允崇來自美國嘅朱允崇，憑住健碩身形加冧死人笑容，賽前已被視為頂頭大熱。決賽當晚，更引嚟伍姑娘(伍詠薇)熊抱獻吻。不過朱允崇當選後，決定唔簽無綫加入娛樂圈做藝人，從此消失幕前。09年 許家傑喺幕前撈足7年嘅許家傑，幾乎做親都係大茄，到今年《火線下的江湖大佬》，憑住「蛋撻」一角，先叫做認得吓佢。反而之前有指佢介入龔嘉欣同鄧健泓做「第三者」，搞到佢哋分手，就最有印象。10年 翟威廉身為前亞視藝人嘅翟威廉，頭幾年喺大台行行企企，做吓旅遊節目，至於喺劇集做嘅角色，老實講，不堪一提。直至近兩年，角色先稍稍有啲份量。反而係佢多年甘心做陳庭欣隻「兵」，令佢獲得意外嘅曝光率。11年 李晉強李晉強當選後，同樣步幾位前輩後塵，又係喺劇集做吓三打七，到近年越做越霉，喺《超能老豆》同《巨輪II》，前者做籃球隊隊員，後者做酒客，連角色名都冇……好陰功！
來源:
http://hk.apple.nextmedia.com/entertainment/art/20160928/19783924
【樓盤廣告】推銷劏房盤考起廣告人 浮誇唔起唯有反璞歸真
1 :
GS(14)@2016-10-17 08:09:56北角尚譽平面廣告標語「終極」變「中極」優勢，食字失敗例子，反而令人誤會寫錯字。(網上圖片)
新鮮出爐的傑青黃仰芳為了層樓，有特別的「上車方程式」，印證想買個劏房，香港人一定要捱餐死。上樓難，原來推銷一樣難，考起廣告人。著名品牌設計師李永銓(Tommy)指出，「當你買的屋只有約一百呎，你真的無法說服人買，有浮誇華麗的會所也沒用，因為根本是騙局。」最近開賣的北角尚譽是著名劏房盤，實用面積最少只得163呎，廣告標語由「終極」變了「中極」優勢，玩食字玩到走火入魔。但Tommy認為，中極是代表一班新中產，接近劏房的新樓宇，大部份都在市中心附近，有地理優勢，可惜優極都是一個劏房。」有廣告人在社交網站嘲笑，中極其實是肚臍下的醫尿頻的穴位，笑到有腹肌，但住客應該笑不出。
細樓盤不能浮誇地售賣，只好反璞歸真以大自然美景為賣點。不過最近開賣，位於柴灣道斜路上的香島，電視廣告明明賣樓，竟然有露營畫面，格格不入。 Tommy覺得仍舊在推銷錯覺，「它給予大家一個世外桃源的感覺，事實樓盤位置不能讓你行山露營。」此外，近年有樓盤廣告走藝術風路線，例如北角柏傲山，不講產品是甚麼，格調看似高，實則仍是賣錯覺，換湯不換藥。「我反而很想知道，藝術風後，下一步會流行甚麼風格。」他估計會回歸人追求平靜渴望有關，大家暫可拭目以待。記者：梁慧琳攝影：潘志恆
香島的電視廣告有露營畫面，令人費解。(網上圖片)
北角半山樓盤柏傲山的廣告走藝術風，較為抽象。(網上圖片)
來源:
http://hk.apple.nextmedia.com/su ... t/20161017/19802973
Next Page