長期擔心對方出軌 祖藍爆同亞男相處之道
1 :
GS(14)@2017-02-11 18:58:05王祖藍同李亞男前年情人節拉埋天窗，今年情人節係佢哋結婚兩周年，早前一齊接受周刊專訪，亞男憶起結完婚嗰陣，祖藍要返內地拍劇3個月，有次亞男睇睇吓古裝劇忽然爆喊，有啲抑鬱嘅感覺，祖藍自從知老婆咁就就冇再接劇住，最多接劇都係拍一個月就完。祖藍又喺報道爆夫婦要擔心對方出軌先得，因為成日覺得對方唔會出軌先係一種誘惑，出問題多數都係其中一個太信對方，祖藍叫老婆唔好太信佢，要check住佢，同時又會想辦法令老婆放心，佢話自己都有啲女埋身，不過祖藍唔會單獨約女仔，就算車女同事，佢都會開住電話同太太講嘢，直至女同事落車，佢又話以為睇過本書，講有啲男人細個出去玩，遇到個啱嘅就會定落嚟，有啲男人從來未玩過，一出去玩就搞到冇咗頭家。
來源:
http://hk.apple.nextmedia.com/entertainment/art/20170211/19925122