鄭家純推晒會議專心休養
1 :
GS(14)@2017-04-12 22:45:08【明報專訊】今年初盛傳因為輕微中風休養嘅新世界（0017）主席鄭家純（圖），近排終於開始露番面，身體似乎好咗好多，不過唔止特首選舉投票，佢連近排新世界、新創建（0659）、新百貨（0825）及家族企業周大福企業嘅董事會，一律缺席，似乎真係暫時放低晒工作，專心休養。
早排農曆新年請病假調養嘅純官，近排開始浮番上水面，除咗高調投咗粒鑽石外，仲特登畀友好傳媒影到佢跑步，雖然可以睇到身形清減唔少，但健康似乎唔錯，跑姿仲令人想起佢爸爸彤叔?。
不過講到工作佢似乎仲想再唞多陣，事關新世界系幾家上市公司近排出唔少公告，更新番一堆關連交易，本來呢啲都係例行公事，不過小琴就睇到，佢喺呢堆公司董事會全部唔出席，唯獨周大福（1929）個董事會無提佢有無出席，希望佢好好休息，快啲公開露下面再爆吓金句啦！
email:
[email protected]
[小琴密語]
來源:
http://www.mpfinance.com/fin/dai ... 4496&issue=20170412
日本賞大自然染病嘉欣食物敏感 想休養
1 :
GS(14)@2017-05-01 11:57:45■李嘉欣昨日現身馬場的愛彼女皇盃活動，透露之前滑雪的腰傷已康復八成。
大美人李嘉欣昨日以「愛彼女皇盃」大使身份，現身沙田賽馬日活動，同場還有蔡加讚及江碧蕙等人。嘉欣以一身白裙打扮出席，早前她在北海道滑雪弄傷腰，問到康復進度時，她表示尚有兩成就康復，已開始做運動。
亨亨詐型
對於嘉欣早前呻被老公許晉亨冷落，她笑言對方否認兼詐型：「佢成日覺得基本上同一個故事，喺佢口中講出嚟，同喺我口中講出嚟係完全唔同，係兩個版本，佢俾人哋問，佢就話『你做乜咁講，我咁關心，我救咗你一命，你又冇提』咁樣。」
■許晉亨父母有馬出賽，李嘉欣在沙圈會合亨亨與朋友聊天。
■陳玉蓮（右二）昨日有馬出賽，現身為愛駒打氣。
嘉欣透露復活節時一家去了日本南部享受大自然，不過她就有點食物敏感，希望暑期留港休息，但表示亨亨已計劃一家再出門。提到工作，她表示事業心不重，不會拍戲，就算有內地真人騷斟洽，都不會受金錢打動：「就算朋友問老公想搵我拍幾日戲，佢都一口拒絕。」
愛駒落敗
提到會否再生小朋友，嘉欣就表示隨緣，更指兒子Jayden相當抗拒：「佢覺得喺屋企做緊山寨王，多咗細佬或妹妹，個焦點會唔喺佢度，好多小朋友都係咁，之後就會黯然接受，初時都會好depressed。」
■胡家驊家族名下有馬匹出賽，其胞弟胡家驃（左）與家人現身。
■張筱蘭代表身在內地拍劇的老公馬德鐘，現身馬場。
此外，吳婉芳亡夫胡家驊生前的愛駒「喜蓮彩星」及「喜蓮巨星」，以及與亨亨父母許世勳夫婦名下的「期惑」同出戰皇太后紀念盃，最後「喜蓮彩星」跑第二，胡家驊胞弟胡家驃亦有現身為愛駒打氣。至於陳玉蓮與馬德鐘合資的愛駒「快樂實在」昨日亦有出賽，由於馬德鐘在內地拍劇，他太太張筱蘭代為出席，不過「快樂實在」只跑得梗頸四，馬太笑言累大家輸錢。採訪：黃曉妍攝影：陳俊強、譚日華
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170501/20006987