【拍劇搶手】落選港姐轉行失敗
1 :
GS(14)@2017-02-06 07:28:0048歲的郭少芸，於92年參加港姐入行（圖），當年只躋身12強止步，與同屆冠軍盧淑儀、李玟兩個家姐李思林及李秋林等奪「最佳合作獎」，落選後即獲邀拍無綫劇，雖不是要角，但3年內已參加過15部劇集演出。多年來，她於《真情》飾演的細孖李多欣及近年的《愛．回家》孻姑姐馬柔最為人所熟悉。其間，郭少芸曾嘗試轉行，到胞姊的製作公司由低做起，亦曾3次投資食肆生意，最後損手離場。與郭少芸同屆的港姐均都未有投身演藝事業，06年盧淑儀嫁給李克勤，季軍的張雪玲轉投美容界，而奪得第四的梁思敏，落選後拍三級片《情不自禁II之霎時衝動》，成為首位港姐出身的三級女星。
來源:
http://hk.apple.nextmedia.com/entertainment/art/20170206/19919015
【幕後玩家專訪】團隊真心話：落選對阿sir係最好結果
1 :
GS(14)@2017-04-10 23:33:04曾俊華競選辦在67日間，成功編織出香港至今最為人津津樂道的競選工程，甚至被形容是「夢想辦」，為他贏得30多年公職生涯的民意高峰。新媒體的戰場要快而準，競選團隊中由三間公司合作組成的「創意及社交媒體部門」，可說是近年最佳示範；最終曾俊華失落特首這份「衰工」，不少港人大感可惜，不過一眾「幕後功臣」卻真情剖白：「落選對阿sir係最好結果！」記者：黃翠儀創意團隊成員Secret Tour鍾振傑（Stephen）、Feva Works柳宇澄（YC）及Photoblog盧勁業（Alex），坦言合作前從未想過三間公司能如此有默契，當中有些項目由構思到執行，最短時間可能只是十多分鐘以內的事，當初各人如何「埋班」？原來競選辦成員羅永聰（阿聰）分別向他們招手，YC回憶正式合作前，「四個大男人喺間好鬼靚嘅酒店傾咗成晚」，他甚至覺得那一夜猶如「民主BB班」，當日阿聰談到，雖然明知特首選舉是一件千二人的事，但他們卻決定將目光放在全港七百多萬港人身上，「佢話唯有咁先可以令巿民成為成件事嘅主角」，繼而迫使對手就一定要就此作出反應，不能視民意如無物。最後團隊中各人政治光譜雖有差異，但曾俊華的信念及團結香港人的目標，成為凝聚一眾成員的「最大公因數」，而團結不能解決所有問題，「但團結係第一步」。加入競選團隊後，眾人長期在競選辦最靠出的「細路仔房」內開會，雖然執行細節上各有分工，但每個項目的構思可謂「你中有我，我中有你」，屬於整個團隊的成果。團隊自稱為「細路仔」，而競選辦中一些資深前政務官員等則被稱為「大人」，Stephen笑言「我哋團隊真係做到we同connect」，他直言「唔係我哋做得特別好，其實我哋都係講人話咋嘛」，但因有一個讓他們自由發揮的領袖，「你成日聽到林鄭點點點，好少話林鄭及其團隊，相反呢段日子會成日聽到曾俊華及其團隊，係一個『we』字嚟嘅」。而「connect」亦能代表香港久違的「黃藍」及兩代人破冰，他指自己在競選辦中認識了「藍營」朋友，發現其實雙方有不少共通點；「老和幼」亦有聯繫，例如年輕人提出新穎的活動建議，前輩們就指正執行上有何困難。競選期間，曾俊華一直掛在口邊的「一個人邊可能識晒所有嘢」、「相信一個人，不如相信每一個人」，似乎在團隊中真的能辦到。Stephen形容，「我哋Day1 present成個campaign，同宜家出到嚟嘅嘢有9成係一樣」，能獲得「老闆」如此信任，即使在廣告界中亦不常見，若只論工作環境「簡直係天堂啦」，YC亦笑言這段日子「好似返緊教會」。和「阿sir」相處多日，團隊透露他就如曾太所言愛說冷笑話，例如立法會議員黃碧雲生日，曾生就說了一句「Oh！Have a big one！」也許這種幽默並非人人明白，但卻悄悄地拉近眾人關係。3月26日選舉旅程告終，有人灑淚痛斥小圈子選舉的荒謬，有人感嘆制度不變萬事休矣，縱然掌聲歡呼聲悅耳，惟一夜過後香港其實仍未見曙光。當日團隊成員亦有到點票現場，Alex指事前已有心理準備，所以未感到太大落差，現時處於「沉澱階段」，究竟這一場美夢對香港有何影響，要下結論還是言之尚早。不過選舉過後，團隊和「阿sir」的關係未有劃上句號，YC笑言「我哋已經冇利用價值」，但還是會相約去看電影、用膳。眾人坦言「落選對阿sir嚟講係最好結果」，YC提到臨近投票日，商台DJ森美祈禱時直言「為阿sir好就希望阿sir選唔到，但為香港好呢就希望阿sir選到」，當時他們亦有同樣感受。選舉結果雖然令成員們失望，但同時又為曾生鬆一口氣，希望他好好享受退休生活，「最希望佢遠離政治」。Alex形容，「佢係一個令你好想親近嘅人，但係咁多人都想親近佢又唔想令佢好攰」，所以每一、兩個月能見一見面已經很好。
來源:
http://hk.apple.nextmedia.com/news/art/20170410/19985913
落選=明哲保身？薯片叔都係咁諗
1 :
GS(14)@2017-04-10 23:33:04獲70%高民望支持的特首候選人曾俊華，最終以365票，不敵民望低迷但獲西環吹雞、奪777票的林鄭月娥。但落選對他而言，可能是好事？曾俊華日前出席一網購平台的派對時，遇上Video Blogger司徒夾帶，對方恭喜他明哲保身，惟曾俊華略為收起招牌笑容，帶點認真回答：「其實我都有啲係咁諗……」司徒夾帶上載當晚與曾俊華的合照，重提當時的對話：「我很由衷的，握著他的手，跟他說：『恭喜您明哲保身。』不知他是客套還是和我所想一樣，他略略收起招牌笑容，帶點認真回答我：『其實我都有啲係咁諗……』」司徒夾帶坦言，曾俊華即使當選，「結果很可能與林鄭一樣，甚至更壞，民意攀得越高跌得越痛，反差更大，我認為對他閣下來說現在何嘗不是一個不錯的章節結局？」希望對方無官一身輕，好好享受生活。【網民點睇】
Teresa Kulshrestha：你駛唔駛一開口就篤出盲腸啊大佬
Kelvin Lee：你應該講「恭喜你『被』明哲保身」
Iig Lai：難得薯片都答得咁坦白
Roy Lau：非常認同，勉強選上，以前既得利益者一定瘋狂插你，大陸背後又不停攪你，曾Sir慘淡落幕，不得不引以爲鑑呀薯片叔叔，不過你的美食車計劃一定被陰乾，難尾收檔的！
來源:
http://hk.apple.nextmedia.com/news/art/20170410/19985910
任律師會理事22年 首次連任失敗 何君堯最低票落選
1 :
GS(14)@2017-05-27 08:51:49■何君堯昨自信滿滿步入律師會會址，被問有否信心連任，他振臂輕呼「Ya」；惟最終落敗。朱家駿攝
【本報訊】律師會昨晚舉行周年大會，改選5名理事，日前入稟控告法政匯思召集人任建峰誹謗的立法會議員何君堯，成為唯一競逐連任失敗的候選人，僅獲572票，屬8名候選人中得票最低一個，亦是他自1995年擔任律師會理事以來，首次在律師會競選落敗。他歸咎落敗最大原因是任建峰，令專業的律師會政治化，又指會繼續對任的訴訟；任則哭着表示感動，「事務律師實在太可愛！」記者：潘柏林 陳建平
今次共8名候選人角逐5名理事席位，包括爭取連任的何君堯、熊運信、馬華潤、白樂德，以及4名新人Robert Rhoda、羅彰南、黃栢欣及楊慕嫦。結果何君堯以最低572票落選，另外兩名落選是黃栢欣及楊慕嫦，Robert Rhoda取得最高的1,514票。據悉部份親建制律師行高層正在「發功」，向下屬施壓收集授權票，將屬意的候選人送入理事會，會長蘇紹聰昨指親赴現場約百多人，否認有人施壓，「?家啲後生仔邊到咁易畀到壓力？」
歸咎任建峰導致落敗
何君堯昨晚打鮮紅領帶步入律師會會址，被問到有否信心連任，他高舉拳頭，輕呼一聲「Ya」。任建峰則未有現身，他早前撰文列出何君堯七宗罪，包括歧視同性戀者、侮辱女性等，呼籲業界一票不投何君堯，何日前入稟控告他誹謗，要求刪文道歉，又指有關指控打擊選情。記者現場所見，親赴投票的人未算踴躍，但有人手持厚厚公文袋到場投票。多位到場投票的律師對傳媒十分避忌，不願意接受訪問，亦拒絕透露投票意向。律師黃國桐指，自己有參考網上評論文章意見，認為有參考價值，但未有表明投票意向，他相信很多律師未必會親身到場投票。本身是律師的民建聯立法會議員周浩鼎遲逾一小時才趕到，匆匆跑入電梯。被問是否支持何君堯，他答：「你都知我投乜。」投票前候選人向會員發言，據了解，何君堯被問到同時出任律師會理事及立法會議員有否衝突時，他指沒有利益衝突，律師會本身應保持政治中立，但理事可同時出任其他公職及參政，相信自己有專業判斷，知道如何處理。律師會晚上8時許開始點票，何君堯未待點票完成便離去。律師會公佈結果後，本報致電何君堯查詢，他歸咎落敗的最大原因是任建峰，批評任將專業的律師會政治化。被問到會否因為最低票而感到失望時，他指會接受現實，又稱對任建峰的訴訟是另一回事，將會繼續進行。
任：佢付出咗20幾年青春
至於2014年成功罷免前會長林新強、今年呼籲同業不投何君堯的任建峰則激動流淚，他哭着表示很感動，「我哋嘅事務律師實在太可愛，兩年幾前幫我哋做一個奇蹟，?家又做多一個……耐唔耐就搞喊我」。任建峰呼籲同業現時不要對何幸災樂禍，「始終佢付出咗20幾年青春畀律師會」，又祝賀5位當選者，希望他們不負所託，好好為業界服務。被問到何君堯落敗是否源於其呼籲，任稱不敢作任何猜測。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170527/20035487
落選又有咩好怕喎！人妻Kimi認整過容
1 :
GS(14)@2017-06-16 01:47:47趙詠瑤Kimi Chiu呢個名，大家喺邊度認識佢呢？可能有部份會係佢參加過ViuTV嘅《美選D.n.A.》，但如果講到最近的話，一定會係喺社交網絡瘋傳嘅《收嗲啦！八婆》系列喇。
Kimi雖然喺《美選D.n.A.》入面，十二強嘅時候已經被淘汰，但都有引起過大眾嘅關注，因為佢大方承認整過容，而喺複試3日後（27日）已榮升做人妻，當時喺ViuTV嘅介紹入面，仲叫做「重塑型D cup已婚人妻」。不過喺4月嘅時候，佢就喺facebook同youtube好活躍，佢同埋專門講AV嘅網絡人「骨精強」，合作拍咗《收嗲啦！八婆》系列，喺片入面，Kimi就演一個港女到不得了嘅女朋友，對男朋友無理取鬧，演男朋友嘅「骨精強」就大鬧佢：「收嗲啦！八婆。」可能係因為同香港情侶好有共鳴，所以短短兩個月，呢個系列嘅片已經去到百幾萬點擊。
來源:
http://hk.apple.nextmedia.com/entertainment/art/20170614/20055775
【馮仁昭四圍超】落選港姐ViuTV劇同性激吻張敬仁咀女一鏡過
1 :
GS(14)@2017-08-02 06:15:16■張敬仁冇後悔放棄銀行工作返港發展。
張敬仁（Kendy）2013年以大熱姿態參選港姐，最後大熱倒灶三甲不入，隨即閃離無綫以自由身發展，Kendy本來喺美國生活做金融投資，鋼琴八級兼有唱歌底子，背景唔輸蝕，近日簽咗經理人公司，即刻來個大膽新嘗試，同吳海昕（Sofiee）喺ViuTV新劇《賤民20》有激吻親熱場面。
Kendy日前喺黃竹坑受訪時話：「最初都擔心做唔嚟，性感場面仲要kiss。導演唔嗌cut都要keep住錫，每次起碼半分鐘以上，直到拍到一個好鏡頭先回氣，都幾激。」Kendy以前讀女校，見唔少同性戀人，身邊亦有朋友係一對，而佢覺得同Sofiee咀一啲都唔尷尬：「我螢幕初吻畀咗Sofiee，之前都好緊張，?家跨進一步，原來唔係咁難啫。」其實Kendy已有圈外男友，佢話男友好明白同支持，認為要爭取機會就要咁做。
■張敬仁同吳海昕喺《賤民20》有激咀戲。
■張敬仁獲圈外男友支持拍Kiss戲。
■（左起）張敬仁同屆港姐有劉佩玥、蔡思貝同陳凱琳。資料圖片
想試好多嘢
回想當年喺美國工作，Kendy瞞住家人辭職返港參加選美，如果冇踏出呢一步，?家可能仲喺美國過住平淡嘅銀行工作生活，佢話：「同屆港姐陳凱琳、蔡思貝、劉佩玥、歐陽巧瑩都好好，電視有曝光率係重要，我自己諗法係想試電影、唱歌、舞台劇同其他，所以冇留低發展。」Kendy拒絕接受一條龍捱世界模式，好享受過去嘅一切經歷，唔會後悔自己嘅選擇。撰文：馮仁昭場地提供：Campfire（黃竹坑）
來源:
http://hk.apple.nextmedia.com/entertainment/art/20170801/20107567
Next Page