減存款準備金率有乜用？
1 :
GS(14)@2012-02-20 22:29:10http://www.sharpdaily.hk/article/index/15307/20120220/55939
星期六晚，約朋友食晚飯，窗口外做完幻彩詠香江無幾耐，手機就響。原來人行出聲明，減存款準備金率（RRR）50點。即刻上《利字當頭》facebook留個言，諗住將消息報告畀讀者知，原來《Money Cafe》個facebook都有即時發布呢個訊息，且已經有觀眾留言。星期六晚都繼續關心財經大事，呢班讀者同觀眾既可愛又可敬。
我對減RRR即時評語：「祝君好運」。讀者唔明，我解釋：「成件事，對大眾嚟講，根本完全無技術成份可言，唯一取決因素就只有或然率。」呢刻我相信最多人關注嘅係：「減RRR，對A股同大陸樓市有無幫助？」另一個就問題係：「o依家形勢，究竟似2007年定係2009年？」
降貨幣流速作用有限
分析減RRR有乜嘢影響前，先要明白點解全世界咁多國家央行，只有人行用調整準備金去調控物價。大家有無留意，廣義嘅人幣供應每年以十幾巴仙增長，從來無停過；充其量，只有增速放緩。「無所謂啦，大陸經濟強勁嘛！」
就算因出口增長，新發行嘅錢，最終都要回流，變成中國境內資金池一部份。越來越多錢，追逐無乜增加過嘅貨物，就係通貨膨脹。要去減少不斷增長嘅錢對物價嘅壓力，人行用佛利民一條數式：MV＝PQ
呢條式，簡單易明：M係錢嘅總額，P係物價，Q係社會出產總量。佛利民開創嘅貨幣學派認為，社會出產總量（Q）短期內難有大改變，所以錢嘅總額增加減少，直接影響物價上落。
人行無法控制M，因為大型國有銀行以下，有好多大型國企等錢用。所以M一定要不斷增加。要調控物價，人行唯一變數就係V。V係乜？V就係錢嘅流轉速度。V越高，物價越高，反之亦然。太平盛世，V好穩定。不過兵荒馬亂，V可以大上大落。最重要一點，V並唔係簡單調整RRR就可以。事實上，之前減RRR，V並無跌，只不過錢由枱面走去枱底。今次人行減RRR，正面諗係陽光政策，慢慢鼓勵枱底錢回流正規系統。不過，對放大信貸就無乜用；對內銀股應該有少少好處，對宏觀經濟無乜意義。究竟o依家似07年定09年？我會話：It is different every time。
利世民
沙膽虹手記：做唔到一哥有乜用
1 :
GS(14)@2012-06-08 00:31:27http://hk.apple.nextmedia.com/news/art/20120607/16404932
Ipsos（前稱 Synovate）近日公佈了由去年第二季至今年首季的報章讀者人數調查，包括免費和收費報紙。去年九月創刊的《爽報》，也有份在調查名單內，只是從第四季開始。今次數字，對沙膽虹而言，大有放榜的感覺。
調查結果顯示，首兩名讀者人數最高的報章，都是免費報紙，《頭條》第一，《爽報》第二，第三是《蘋果》。《頭條》讀者人數166萬，《爽報》123萬。男女比例方面，《頭條》43比57，《爽報》45比55；不相伯仲；大學或以上程度讀者，《頭條》有18.4％，《爽報》有14.4％；個人入息逾三萬者，《頭條》佔9％，《爽報》則佔7％；家庭月入逾四萬的讀者，《頭條》為26.5％，《爽報》為23.7％；全職工作讀者，《頭條》和《爽報》分別各佔65％及63％左右。
表面看來，《爽報》讀者人數已是全港第二，連《蘋果》也超過，好像不錯，但沙膽虹覺得，第二有乜用，有誰會因為拿亞軍而開心和開香檳？《爽報》做唔到免費報紙一哥，就算肥佬黎唔炒沙膽虹，沙膽虹自己都會覺得面目無光！
沙膽虹
【書展有乜睇】憤青傑青齊參與 屈穎妍出席雨傘講座有好戲
1 :
GS(14)@2015-07-23 00:21:24屈穎妍周日在書展出席的雨傘講座，是今次書展的焦點之一。
儘管有人說今年一連七天書展無甚看頭，但記者發揮大搜查精神，竟找到幾個趣，精挑細選一些講座介紹給大家。周三甫開幕就有講座帶大家探索航空秘史。到周四就有資深攝影師鍾文略會透過舊照讓大家感受老香港的街角人情，帶大家時光倒流回到50至70年代。周五回到自然，林超英會教大家找尋香港雀鳥趣事。周六展出黃霑手稿之餘，還有各大詞人鄭國江盧國沾潘源良等為大家揭開行業秘辛。但最最觸目的，大概是星期日的節目，事關屈穎妍、雷鼎鳴和潘麗瓊都會參與的《傘裡傘外博弈》講座，廢青憤青或傑青，都可以早點入座等睇戲。記者：彭海燕、陳以恒
來源:
http://hk.apple.nextmedia.com/su ... t/20150716/19220725
【科健籽】大熱瘦身伴侶 奇亞籽有乜咁奇？
1 :
GS(14)@2015-10-10 23:48:27奇亞籽是芡歐鼠尾草的種子，該草分佈於南美洲的墨西哥南部和危地馬拉一帶。
【科健籽：食養東西】近期約姊妹們食飯，個個一坐低就問侍應要杯水，放一茶匙看似芝麻的種子落水。聊天說笑之間，種子遇水發脹，慢慢生出一層啫喱薄膜，望落似足「青蛙蛋」，絕不討好。但原來這款其貌不揚的種子名為奇亞籽，早已被歐美封為“superfood”，不但高纖高蛋白有瘦身功效，更可控制血糖及壞膽固醇。加拿大註冊營養師曾欣欣（Gloria），教你製作兩款奇亞籽健康甜品。
奇亞籽（chia seed）是芡歐鼠尾草（學名（Salvia Hispanica L.）的種子，屬薄荷類植物。早於公元前3500年南美洲阿茲特克人（Aztecs）就食用奇亞籽，是戰士遠征時攜帶的能量補充劑（見附註）。近年被歐美封為superfood之一，即歐盟法例所規定，具學術研究證明含高營養素的食物。港式糖水舖常見的「黑珍珠」，就是奇亞籽。有些食店選用外形類近的蘭香子（basil seed），可是香港食物安全中心曾發出警告，蘭香子內含可能致癌物草蒿腦，故奇亞籽更被追捧。對健康飲食素有研究的Gloria說：「2013年歐美已流行食奇亞籽，今年才在港興起。一湯匙的奇亞籽，已有約4克纖維，比一碗燕麥更多。2010年多倫多大學研究指，奇亞籽內含高植物性奧米加3可降壞膽固醇，對防止腦退化亦有效，就如營養發電站為人體提供大量營養。」奇亞籽遇水發脹後，釋出的啫喱薄膜就是水溶性纖維。Gloria說：「水溶性纖維可助糖尿病患者控制血糖，有助減緩二型糖尿病病情。」美國《讀者文摘》曾報道，兩湯匙（即一安士）的奇亞籽含11克纖維，是美國食品及藥物管理局（FDA）建議每日攝取量的42%。由於纖維可於體內膨脹，增加飽腹感減低食慾，加一至兩湯匙奇亞籽於食物或飲品中，等候約45分鐘食用，有助減肥。因奇亞籽釋出的水溶性纖維如凝膠狀，可代替常用的加工食品魚膠粉，故用作製作果醬、布丁一流。但是否人人適合食用？Gloria提醒，「奇亞籽只是營養補充品，絕不可當主食，建議成人每天進食一至兩匙就足夠。由於纖維量極高，腸胃有問題人士易致不適。特別是低血壓患者和即將動手術的人，不宜食用。」
資料來源：
http://www.liftingrevolution.com
加拿大註冊營養師 曾欣欣；著有《Hea住瘦40步》；創辦營養網站HealthCastle
附註：美國醫學博士Dr. Bob Arnot著有《The Aztec Diet：Chia Power》，以公元3500年南美洲阿茲特克人的飲食習慣為主軸，探討奇亞籽水果奶昔減肥法。
奇亞籽雙色布丁
以奇亞籽代替加工食品魚膠粉，可製作出美味軟身滑溜的奇亞籽雙色布丁。
材料：奇亞籽兩湯匙粉紅布丁：紅桑子一杯全脂牛奶半杯楓糖漿兩湯匙純白布丁：希臘乳酪半杯杏仁奶半杯楓糖漿一湯匙天然雲呢嗱香精兩滴
做法：將兩份布丁的材料分別用攪拌機攪拌約半分鐘，再各自倒入盛器並各加入一湯匙奇亞籽，以茶匙拌勻，然後冷藏至少一小時。冷藏後先將軟身的粉紅布丁倒進玻璃瓶，再倒入純白布丁，最後以新鮮莓果伴面。
藍莓奇亞籽果醬
以奇亞籽的水溶性纖維凝膠，代替加工食品魚膠粉，自製無防腐劑的新鮮果醬。
材料：藍莓一杯楓糖漿兩湯匙奇亞籽兩湯匙
做法：用細煲加熱藍莓並攪拌壓爛，待藍莓煮至較乾身，加入楓糖漿，轉細火加入奇亞籽，用慢火煮5分鐘，需不時攬拌。將果醬倒入玻璃樽，冷藏至少兩小時即成，可存放三天。
記者：楊麗珊 攝影：黃子偉、潘志恆編輯：謝慧珊美術：孔文彬
來源:
http://hk.apple.nextmedia.com/su ... t/20151009/19325606
Google同Levi’s搞智能牛仔褸有乜咁巴閉？
1 :
GS(14)@2016-05-24 10:22:07騰訊（700）即將推出首部智能手機，可能唔夠Google新產品更令人驚訝，科技大戰無限發揮！
Google與服裝品牌Levi’s曾經推出智能牛仔褲，預期今年更上一層樓，推出「智能牛仔褸」，將件衫直接設有觸控感應，再加入感應晶片，可以偵測手指動作，方便單車、電單車友透過手袖操控電話同平板電腦，聽下音樂、打電話同搵地圖！智能牛仔褸可以洗水，更設有USB插頭駁電腦，預期明年春季上市，Google上周五股價升1%，收報709美元。
來源:
http://hk.apple.nextmedia.com/financeestate/art/20160524/19624711
Money Walker：其實有乜好驚喎
1 :
GS(14)@2016-06-06 03:00:30美國聯儲局加息魔咒又到，不過筆者唔太擔心呢兩個月加息，因為市場已經差唔多反映晒，最驚嘅其實係唔知儲局加完一次之後會唔會收手。睇番利率期貨市場，年底前加息嘅機會有74%，顯示大部份市場人士早已對下半年加息一次無懸念，既然有關預期已幾乎完全反映，係6月份定7月份加相信都唔會造成太大震盪，最令人憂慮嘅係今年加完一次之後，仲會唔會再加。再睇番利率期貨市場，年底前加息超過一次嘅機會率只有32%，意味大部份人都認為今年唔會加多過一次息。所以如果6月份議息會議，透露出今年餘下時間加息超過一次嘅線索，咁即使6月份唔加息按兵不動，呢次議息都將會對市場帶來極大的震盪。金融市場從來都係炒預期，預期到嘅嘢一般都好快反映咗，所以尚未被市場完全反映嘅負面事件，往往先係最不利資產表現嘅魔鬼。至於一街都有人講嘅風險，聽到識背嘅嘢，到真正發生嗰陣，資產價格好大機會反高潮地係咁意震一下就算。
El.
http://www.facebook.com/moneywalkerhk本欄逢周四刊出
來源:
http://hk.apple.nextmedia.com/financeestate/art/20160602/19637245
【堅過關禮傑】和富天台玩「跳樓」擅闖民居有乜罪？
1 :
GS(14)@2016-07-06 08:08:02近日Facebook流傳一段長約8秒短片，有人超喪喺北角和富中心頂樓25樓跳天台，由一幢大廈「跳過」另一幢大廈。片段所見，一名帶帽穿短褲的空中飛人，一個人先企喺一幢大廈天台上勁窄的欄杆上，然後只助跑四步，一躍便「飛越」到另一幢大廈的天台，落點同樣是一條勁窄的欄杆，動作輕鬆，看來玩命者訓練有素，當然首先係唔怕死。其間負責拍片的人更刻意把鏡頭垂下，拍攝兩幢樓之間的高度，見到東區走廊，睇見都恐佈，一旦失手，肯定跌死。片段所見，現場對住維港海景，望到紅磡摩天豪宅海名軒。估計是從和富中心的15座跳過14座。有網民留言:「真係好想睇佢仆街」、「跌死無人可憐」。咁玩命法，真係隨時變空中飛人，甚至累街坊，天台單位有可能因此而變凶宅。據知，今次在香港玩跳天台者，原來是一名叫Max Cave的外國年輕人，他是一名Parkour高手，亦並非第一次在香港「跳天台」。和富中心屬私人屋苑，有人質疑為何有人可以自出自入，跳天台者是否已得到有關業權人同意。前消防處處長、現任和富中心業主立案法團副主席林振敏表示，就有關事件，「我都叫管業處畀POLICE（警方）去睇睇」，相信已報警處理，但他對事件不作評論，不清楚外來人如何進入屋苑天台，及是否合法。
來源:
http://hk.apple.nextmedia.com/financeestate/art/20160706/19683453
Next Page