|
||||||
中國燃氣(384)高層涉嫌穿櫃桶底單嘢再有下文!繼上次李小雲同徐鷹遭罷免正副主席職銜後,噚日董事會再次大地震,罷免埋佢哋嘅董事職銜,兼再另外罷免多一個董事劉明輝(圖)。 聯 席董事總經理梁永昌同華華講,其實劉明輝由舊年12月23號開始已經唔能夠工作,事關佢o依家仍然被拘留唔能夠處理職務,所以董事會認為佢唔合資格做董 事,至於李徐兩人,其實一直都冇參與日常工作,罷免佢哋都唔會有大影響。但一次過罷免3個董事會,唔會影響公司營運o架?梁生話董事唔係管理層,唔一定要 replace,暫時未有replace嘅人選……咁又係,最多咪影響公司形象啫! |