中環在線：港鐵搵花旗學者撐 李華華
|
|
發 展商不時鬧港鐵（066）批上蓋項目發展權時食到盡，政府又改咗鐵路發展模式，好多條新線都唔批沿線地皮畀港鐵起樓補貼興建費。眼見嚿肥豬肉冇咗，港鐵四 出游說話鐵路混合上蓋物業發展有幾好，但自己講說服力始終差啲。咁啱美國加州大學柏克萊分校嘅Robert Cervero教授研究開呢個題目，結論好正面，港鐵梗係嗱嗱聲請佢嚟香港講吓有幾好。研究過13個城市交通發展模式，教授話呢種以上蓋項目補助鐵路發展 嘅模式最可行，而港鐵係運用呢個模式最成功嘅例子之一，既可減少土地同能源消耗、各種污染，又可以喺城市規劃同發展密度盡量攞到平衡，樓價仲可以賣貴兩三 成，簡直係三贏方案。
|
Next Page