智取大市：公司點解唱衰自己
1 :
GS(14)@2017-01-19 08:06:57話說2009年初有隻新股，叫做興業太陽能（750），新股記者會之上，班管理層不停唱衰自己前景，其後股價上市初期曾經跌穿招股價1.05元，但唔夠五個月，最高升到4.1元樓上，2014年創高峯，曾經升到15元。上市公司高層倒自己米，象徵住兩件事：第一，間公司衰到盡頭，趕晒所有冇信心嘅投資者落車，可能快見曙光；第二，上市公司高層點會益街外人，唱衰公司係為咗唔想你買，證明股價夠平。直至去年10月25日，竟發現相似劇本，百麗國際（1880）高層喺中期業績發佈會上，連環唱衰自己公司，點唱法？（1）話內地鞋類銷售比百貨公司情況更嚴重，甚至比化妝品類更差；（2）公司要預留現金過冬，因為鞋類業務「最寒冷的冬天還未過」；（3）首席執行官盛百椒講到自己過往「不知道甚麼是O2O」，2016年先開始嘗試做；（4）未來會減省門店數目，仲話「人手變動一定會有，而且是痛苦事」。夠衰未！10月25日，百麗股價曾急挫一成，而且再跌到去年年尾4.21元先見底，今個星期三反彈到4.87元，係10月27日以嚟高位，股價已轉強。跟住會點？好大機會升越百麗唱淡自己之前嘅股價5.58元（未計除淨），再長線啲當然更高更遠。代《利字當頭》一天晉佳
http://www.fb.com/advanceguy1
來源:
http://hk.apple.nextmedia.com/financeestate/art/20170119/19901270