樂香園：生意難做 投行變殺價超人
1 :
GS(14)@2017-06-23 01:34:27《蘋果日報》報道，計劃來港上市的中國鐵塔遴選上市承銷團時，某美資大行居然用「零保薦費」搶生意，全行嘩然。報道指，按現行證監會規定，為確保保薦人獨立性，保薦人須收取合理費用，但由於該美資大行是在投標過程中提出，巧妙地避過規管，無違規。有投行高層跟密西比說，其他大行雖無用「零收費」來「頂爛市」，但出價之低超乎想像。他說：「除左嗰間美資大行唔收保薦費，另一間又係嚟自美國嘅大行，雖則唔係零收費，但唔知係咪等刁開飯，只係收1球美金咋，中國鐵塔集資成800億港紙，收1球美金，堅係跳樓價！」他續說：「另一間美資牛仔行就收得多啲啲，收170萬美金，同工作量比，呢個價都唔合理㗎喇，叫做維到皮囉。近期好多官司嗰間歐資大行，入標個價最貴，三球美金……可能驚再俾人告，所以收多啲做足準備工夫，唔想做唔夠嘢又睇漏左再瀨嘢囉。」投行高層笑說：「?家真係當電訊商咁做，做殺價超人，零機價上台，之後賺得番啩。」生意難做，投行也一樣。密西比
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170619/20060488