領銅紫荊星章 全家同賀四太受勳賭王送肉嘴
1 :
GS(14)@2015-11-01 23:12:01■精靈賭王送上鮮花外更送「肉嘴」賀四太，令四太甜到入心。互聯網圖片
香港特區政府2015年授勳儀式昨日在禮賓府舉行，顧嘉煇、王梓軒父親王英偉等獲頒金紫荊星章，而曾任保良局主席的賭王四太梁安琪則獲頒銅紫荊星章。昨日四太受勳，賭王何鴻燊未有現身，僅得超盈到場力撐媽咪，並充當攝影師不停為四太拍照。四太受訪時說：「為保良局效力十年，係一個好大挑戰。得到讚賞，係一個好大安慰，打破保良局籌款成績。」四太指今次受勳壓力很大及責任加重，希望再努力獲取更大勳章，為有需要市民服務。問四太可會跟賭王慶祝時，四太表示暫時未有，但問她賭王可有送「肉嘴」時，四太即冧爆笑說：「何止肉嘴！熊抱㖭呀！噚晚抱咗我成晚。」說罷又指住超盈，示意賭王像熊貓盈盈般跟她抱抱。雖然昨日賭王未有現身，但授勳儀式後，四太即急急離開，原來是回家跟賭王食飯慶祝。
■賭王跟四太及子女合照，笑得相當開心。互聯網圖片
■何超盈昨日陪四太出席授勳儀式，並與母親合照。
■顧嘉煇昨在太太及男親友陪同下出席授勳儀式。
顧嘉煇獲金紫荊星章
超盈昨午在Instagram上載賭王跟四太錫錫，以及自己與父母和胞弟猷君、猷亨的家庭合照。相中93歲的賭王染黑頭髮，不但精神飽滿，看來更相當精靈。賭王戴上紅卜卜手襪捧住鮮花跟拿着勳章的四太甜蜜合照，認真sweet爆。超盈並謂：「恭喜媽咪受勳銅紫荊星章！大日子爸爸也要親一下，視媽媽為偶像，以媽咪為榮！」此外，顧嘉煇太太昨陪煇哥出席授勳儀式，煇哥表示：「得到呢個獎係一個鼓舞。」記者邀合照時，煇哥一度用彈鋼琴手勢來彈太太膊頭着她合照，動作搞笑。至於王梓軒表示一直視父親為學習對象，並謂：「希望將來有機會攞任何勳章時，好想佢哋播我嘅歌，因為頭先煇哥攞獎係播住《獅子山下》，我覺得好有型。」採訪：黃曉妍 攝影：葉君海
來源:
http://hk.apple.nextmedia.com/entertainment/art/20151101/19355332
李玟生日老公送肉嘴
1 :
GS(14)@2016-01-22 01:49:32李玟（CoCo）最近加入內地湖南衛視節目《我是歌手4》，即獲觀眾投票冠軍和參賽歌手投票雙料冠軍。她選了張震嶽的《愛的初體驗》加The Rolling Stones的《Satisfaction》的組曲。CoCo表示《愛》的歌詞很有意思，也是她和老公Bruce教導兩位分別18歲和21歲女兒對愛情的態度。
CoCo老公也帶來一大驚喜，在剛過去的周日是CoCo的生日，Bruce事前說因有緊急會議而不能隨行，但在節目錄影中途，突然帶着蛋糕現身，跟所有參賽歌手一起為CoCo慶生，令她感動不已。此外，歌迷也為CoCo辦了個紫色生日派對，CoCo說：「同歌迷、好友、家人一齊度過生日係最好嘅禮物。」撰文：陳以晴
來源:
http://hk.apple.nextmedia.com/entertainment/art/20160121/19459813
【馮仁昭四圍超】老公開騷鬥肉麻 楊洛婷速遞肉嘴
1 :
GS(14)@2016-09-06 04:42:10楊洛婷
樂隊Dear Jane前晚喺九展舉行一連兩場演唱會，吳業坤同自封Dear John新組合嘅衛蘭、衛詩、連詩雅、新人曾若華（Jude）做嘉賓，捧場睇騷就有Super Girls、袁澧林等。Dear Jane主音阿Tim個老婆楊洛婷絕對係癡心fans，除咗高舉示愛牌之外，中場仲走埋台邊送花獻肉嘴，當然呢啲只有阿Tim獨享。完騷後兩公婆又肉緊抱抱，肉麻到呢……
■老公阿Tim台上耍冧招，楊洛婷high到走去台邊送花兼錫錫。
■Dear Jane前晚喺九展舉行一連兩場演唱會。
扮城城氹老婆
阿Tim唱老婆嘅男神郭富城首《狂野之城》時，仲扮埋城城跳舞，耍冧招高呼：「老婆，I love you！」晒恩愛。坤哥着住皮背心扮到好rock咁出場，戴住一邊有假紋身嘅手袖，但就俾Dear Jane笑係1984年造型兼玩踢爆話：「坤哥要求啲衫要自己襯過，可以揀得靚啲，估唔到襯到咁。」完騷之後，阿Tim講到氹到老婆勁開心：「係咁易啦！我睇咗城城嘅演唱會，偷少少師用嚟表演。」佢又笑坤哥個造型遲咗30年：「坤哥好好笑，着之前影咗相畀我哋睇，估唔到咁好笑，現場見到佢上台個吓，都差的甩bit。」另外，衛蘭、衛詩姊妹同Jude話佢哋以後會用呢個形式繼續唱。撰文：馮仁昭
來源:
http://hk.apple.nextmedia.com/entertainment/art/20160905/19760028
傲兒伴舞 許冠文放笑彈阿Sam送肉嘴 歌迷狂呼
1 :
GS(14)@2016-10-29 13:20:33■歌神許冠傑前晚在紅館開騷，何傲兒晒美腿伴舞。
現年68歲歌神許冠傑（Sam）一連三場紅館個唱前晚開鑼，唱盡《印象》、《梨渦淺笑》等經典金曲，其中不少歌更是與糖妹、J.Arie和陳凱彤合唱，而何傲兒為《十個女仔》及《先敬羅衣後敬人》伴舞外，更大顯身手為《滄海一聲笑》彈古箏。阿Sam一向愛與歌迷互動，前晚個唱上他不停圍住舞台與粉絲握手甚至咀嘴，令粉絲high爆。每次阿Sam開騷，其兒子懷欣、懷谷及胞兄許冠文例必上台力撐，前晚阿Sam跟兩子演唱《摩登保鑣》和《賣身契》等電影歌曲後，許冠文便上台棟篤笑。許冠文指手機的發明令人與人之間變得冷漠，他說：「而家出到街個個都耷低頭，就算出到去同朋友食飯，個個都係一樣，淨係喺度睇facebook同WhatsApp，同啲唔喺度嘅人傾偈，反而唔同身邊嘅人講……真係似足死鬼老竇，佢未行之前，阿媽唔同佢講嘢，到老竇走咗，阿媽去拜山就鬼咁多嘢講。」最後，許冠文大彈過去十年情歌水準下降，並以《江南Style》為例，他邊跳馬舞邊說：「歌詞話『性感的女人呀，你着咗衫好睇過你唔着衫，性感的女人呀，快啲過嚟同我騎馬』，都唔知係乜嘢情歌嚟！」全場拍手大笑。
阿倫唯一偶像
阿倫譚詠麟前晚為阿Sam個唱擔任嘉賓，二人合唱《沉默是金》，將整晚氣氛推至高潮，阿倫說：「可能我係好多人嘅偶像，但係我嘅偶像只得阿Sam一個！」阿倫指他的《雨絲情愁》與阿Sam的《是雨？是淚？》很夾，希望將來可以合作將兩首歌crossover。安哥時，Sam最後以一曲《浪子心聲》結束演唱會。採訪：曹家誠攝影：沈健程
■阿倫（左）與許冠傑過往鮮有合作，前晚合唱《沉默是金》絕對是難能可貴。
■阿Sam前晚不停與粉絲嘴咀，前亞視藝人兼BabyJohn經理人黃美芬也有份。
■許冠文短短15分鐘棟篤笑令觀眾爆笑。
來源:
http://hk.apple.nextmedia.com/entertainment/art/20161029/19815479
Next Page