程翔斥左派未擺脫狹窄思想
1 :
GS(14)@2017-05-01 11:40:16■程翔親歷六七暴動，由同情工人變否定左派。
【本報訊】半世紀前的六七暴動，程翔當年18歲，親睹暴動場面令他由同情工人變成否定左派。回顧過去，程翔批評香港左派政治組織至今仍未見起色，對中央而言它們雖是「親生仔」，卻又是扶不起的阿斗。近年本土意識高漲，程翔指港人首次有「生於斯、長於斯」的身份認同，最早出於六七暴動之後，「六七前港人係過客心態，係視香港為借來的家，因為原本長遠而言係想返大陸，暴動令港人明白現實政治係冇可能永久返大陸，於是建立以香港為家嘅身份認同」。1967年，程翔與家人居於北角，親睹暴動，印象最深刻的是北角清華街一對姊弟被左派的炸彈炸死一事。程翔指，周恩來對暴動的總結盡顯中共不認同左派，同時港人亦不接受，「所以惟有自己認同自己，即係圍爐取暖，被社會邊緣化」。他指，左派是中共的「親生仔」，即使不認同仍要動用，可惜「（爛泥）扶唔上壁」，而且思想狹窄。程翔以民建聯為例，「培育咁多年，都培育唔到人才，有邊個政黨會咁多人嘅學歷都受到質疑，而且盲目服從上級」。他又指，創黨主席曾鈺成算是黨內人才，但英文好卻成黨內罪狀，「曾鈺成常接受外國傳媒訪問，民建聯有人認為佢只想炫耀自己英文好，反映左派思想幾狹窄」。
劉銳紹：最抵鬧係北京
另一位左派報章出身的時事評論員劉銳紹，形容這場鬥爭是三把火燒一隻鑊。「嗰三把火係港英高壓、北京支持，以及港共土共領導；鑊係香港左派，人人頭腦發熱。」儼如鑊上肉的香港平民，最無辜。「暴動後，好多人痛恨左派，其實係忽略最抵鬧係北京政府，間接直接支援當時的左派鬥爭。」1972年加入《文匯報》做記者的夫子說：「1967年我13歲，係小鬼隊，幫手帶《文匯》同毛語錄，好彩冇俾人拉……到後來先知，有啲叔伯叫細路仔帶『菠蘿』，掩人耳目。」鑑古知今，他說六七後由高壓到懷柔的港英政府、由鼓動到置身事外指示路線有誤的北京政府，都是政治盤算。反思今日香港，他說最重要是保持獨立思考：「唔好俾頭頂光環沖昏頭腦，好多錯，都係透過正義作包裝。」■記者梁佩珊、呂麗嬋
來源:
http://hk.apple.nextmedia.com/news/art/20170501/20007198