📖 ZKIZ Archives

海皇粥店專區

1 : GS(14)@2013-08-05 23:30:31

http://hk.apple.nextmedia.com/financeestate/art/20130805/18364621


近年一堆內地民企陸續爆煲，唔少投資者都寧願買業務起碼睇得明嘅香港公司，間接帶挈一批「港人港股」公司招股都零舍受歡迎，搞到唔少老闆都心郁郁，好似海皇粥店（圖）執董蕭楚基就好坦白，話會積極考慮上市，希望幾年後搞掂。
海皇粥店以粥舖起家，近幾年有唔少新搞作，海皇有超過20間分店，大部份喺香港，澳門同內地都有一、兩間分店。首間咖啡店上星期就喺東涌正式開張，蕭生話，計劃在港開多10間咖啡店，茶餐廳就主要會喺內地開。發到咁大嚟搞，仲唔係想上市？蕭生承認會積極考慮，但係想過幾年先。
蕭生有呢個諗法一啲都唔奇，貴價茶餐廳翠華（1314）老闆李遠康將公司上市後，風生水起，加上近年一班投行賓架冇乜生意，四圍拍香港老闆門，有供有求，容易一拍即合。

---

2 : qt(2571)@2013-08-05 23:33:33

好快到銀龍

---

3 : GS(14)@2013-08-05 23:35:00

2樓提及

---

好快到銀龍

http://realforum.zkiz.com/thread.php?tid=50264

---

4 : qt(2571)@2013-08-05 23:40:39

唔會執的, 海皇咪一樣係被人逼遷經營, 更何況佢D生意難去屋邨商場.

---

5 : simonwor(34306)@2013-08-05 23:41:15

駛唔駛咁快手?

呢間粥店幾年前會食,依家唔會食。

---

6 : GS(14)@2013-08-05 23:41:34

5樓提及

---

駛唔駛咁快手?

呢間粥店幾年前會食,依家唔會食。

我覺得差左好多

---

7 : simonwor(34306)@2013-08-05 23:51:23

6樓提及

---

5樓提及

---

駛唔駛咁快手?

呢間粥店幾年前會食,依家唔會食。

我覺得差左好多

又貴又差左,無幫襯好耐

---

8 : Sunny^_^(11601)@2013-08-06 16:33:02

呢間既質素真係好低...

---

9 : 肥B(18468)@2013-08-06 16:54:35

貴到唔係想做街坊生意.....而且好似旺區同新年的收費特別離譜....

好記得幾年前的年初4定5 , 到銅鑼灣世貿前面那一間食左一次, 埋單以為佢計錯數....兩個人, 一人一碗普通的單味粥+一個炸両, 一個炒面, 埋單60幾....那些年 (07/08左右吧) 一般都40幾架咋喎.....

自此, BACKLISTED, 除非附近無其他檔口, 否則, 可免則免....

---

10 : Sunny^_^(11601)@2013-08-06 17:07:02

坑口那間都唔平,叫反你食既4碟而家差唔多要50

---

11 : 肥B(18468)@2013-08-06 17:28:28

食碗粥都係打算平平地, 順道清清腸胃, 但貴到好似一餐咁就無什吸引力了.....

---

【又一間】大坑加租吉舖多　老牌粥店難維生

1 : GS(14)@2016-03-08 16:15:38

老闆陳先生指，今年四月租約期滿，現在正商量加租事宜，希望有彎轉，可以留在這個老社區。



日前一直支持小店的王喜在個人facebook發文表示，在大坑有三十六年歷史的老牌粥店康記敵不過租金壓力，四月將會結業。星期天拜訪老店，老闆陳先生指，2014年已從二萬多月租加幅近一倍至四萬多，今年租約期滿，業主若再加價的話，的確做不住，現在正商量加租事宜，希望有彎轉，可以留在這個老社區。老字號康記在大坑紮根多年，早年陳生的父親還是推車仔賣粥，及後加入大排檔，三十多年前上舖，一家人撐起一個小舖。快90歲的陳伯現在仍然在店門前自家製米漿蒸腸粉皮，話即叫即做最新鮮。餐牌保留了昔日粥店常見的「炸一腸」，即炸兩的縮細版，少一條油條少幾蚊。以前生活不富裕，「炸一」見證着富人情味的年代，有別於現在的食店，總逼人吃大碟，賺到盡。今天，陳生堅持說，即使生意難做，絕不加價減料，「做這個行業，就要對得住食客，」這六年來都沒有加價。


大坑是有超過百年歷史的傳統村落，一直以來老店和車房林立，直到七、八年前，設計師和新式食店看中這區旺中帶靜，租金相宜，新店進駐後，轉眼成為城中有名的美食區，是年輕一輩喜歡周末來hea一hea的熱點。那年頭，不少明星紅人都愛來這邊光顧小店，有些更榮升老闆，如谷祖琳的小甜谷等，令原本人口老化的社區成功轉型成為新興蒲點，也吸引不少年青人在這裏創業。那時新舊舖共融，想吃港式老味道的話，有民聲冰室、炳記茶檔和康記等，想試新口味，有特色雪糕、甜品店，還有日式燒烤、拉麵及西式餐廳，應有盡有。可惜2012年後，不少地產商和買家橫掃附近店舖，搶高租價，以施弼街為例，千呎車房在2013年租金叫價由二萬多元瞬間翻倍至八萬多元（呎租約85元），2014年初開始吉舖驟升，升升跌跌後，網上資料顯示現在又回到2013年水平，400多呎的小舖叫價四萬多，呎租約90元。問題是，大坑人流已難復當年勇，曾受當紅藝人熱捧的Unar Coffee Company亦在上年年末宣告結業，原因是租金加價近一倍，四層樓高的歷史建築索價十三萬。康記粥店以街坊客為主，更難維生，陳生說即使加價，街坊未必吃得起，但民聲冰室老闆和新式麵包店BlissHive的員工均指為了應付經營成本，選擇加價，所以光顧的都以外來客為主。住在這區近二十年的劉生劉太亦表示，除了老店外，其他食店價錢較高，會選擇去其他區搵食，雖然他們也不太抗拒新店加入，因為可為他們帶來多些選擇，但現在新店都以做生意為主，街坊不好意思再在食店「打躉」，街坊都較懷念從前大坑未興起時，大家在食店吹水聊天的日子。



餐牌保留了昔日粥店常見的「炸一腸」，即炸兩的縮細版，少一條油條少幾蚊。老闆表示即使生意難做，絕不加價減料。

住在這區近二十年的劉生劉太指雖然不太抗拒新店加入，但回望從前大坑未興起時，店舖多空間，街坊都可在食店吹水聊天，現在剩下來的餐廳已少之又少。

第一次光顧的Tat，幾年前從外國回流，慨嘆老味道越來越難找。



民聲冰室老闆麥小姐（左）及新式麵包店BlissHive店員Howard（左）均指，人流下降導致大量商舖執笠大概是從2015年開始。

康記熟客Gordon（左）和曾小生（右）每星期都會過來，希望可保留區內唯一一家粥店。

受當紅藝人熱捧的Unar Coffee Company亦在上年年末宣告結業，原因是租金加價近一倍，四層樓高的歷史建築索價十三萬。



康記粥店銅鑼灣大坑京街11號地下記者：馬朗澄相關報道：2014年8月24日【不老油條】：http://bit.ly/1RtWdmi2015年6月21日【愛上大坑小店情緣】http://bit.ly/1QF400H





來源: http://hk.apple.nextmedia.com/su ... t/20160308/19520367

---

海皇粥店專區

1 : GS(14)@2017-03-10 15:22:03

http://www.oceanempire.com.hk/
website

---

2 : GS(14)@2017-03-10 15:22:19

http://www.oceanempire.com.hk/zh-hant/aboutus
「海皇粥店」為香港最具規模的連鎖粥店，以傳統廣東粥品為主打。海皇粥店除致力保留粥品傳統味道外，亦不斷加入全新元素，研發多款創新的粥品、腸粉及小食，更會推出時令美饌，貼心照顧每位食客需要。「海皇粥店」分店環境寬敞，光線充足，門口玻璃窗外可看到師傅炮製油器、腸粉的情況，非常吸引。
業務發展

理想與抱負

管理概念
「海皇粥店」創立於1992年，致力經營傳統廣東粥品業務，以價廉物美、清潔衛生、品質至上、待客至誠的鮮明形象，將現代商業管理技巧應用於傳統粥店業務，成為本港首間連鎖粥店食肆，所有分店皆為集團全資擁有。經歷年成功引入ISO 9001、ISO 22000， HACCP及五常法等管理系統，成為首間獲得HACCP及五常法認証的餐飲機構。 現發展成一間以市場及顧客為主導，具備現代化管理和規模的集團。

---

3 : GS(14)@2017-03-10 15:22:56

http://realforum.zkiz.com/thread.php?tid=164235
http://www.metrohk.com.hk/index.php?cmd=detail&id=297736&search=1
近期零售飲食業吹淡風，唔少旺區都湧現吉舖或劈租嘅消息，喺咁暗淡嘅環境，好多生意人都寧願打守勢波，縮皮捱過寒冬至為重要。不過亦有公司反過來轉打進攻足球，講緊嘅係做街坊生意嘅海皇粥店，原來佢哋喺香港加澳門已經有19間分店，近日睇準業主肯減租，認為係時候擴充版圖，紛紛搵地產經紀睇舖開分店。
其中一位海皇高層仲同萬南講，為咗尋求筍舖，最近更真金白銀賣廣告誠邀業主放租，佢話計落除笨有精，咁做既有機會搵到某啲唔活躍於市場嘅業主直接傾，分分鐘可以傾成，連佣金都慳番，就算唔得咪當係宣傳囉。

唔單止咁，海皇粥店呢幾年亦開拓新戰線，搞咗個新品牌做西式咖啡店，而家已經有幾間分店。呢位高層仲話老闆蕭楚基已經出咗聲，要趁市差快快手擴張，因為佢哋賣嘅唔係高檔菜，經濟差咗反而更加有利。佢仲話如果谷得起呢轉，明年上市不是夢喎。

---

4 : GS(14)@2017-03-10 15:23:15

http://hk.apple.nextmedia.com/financeestate/art/20170310/19953258
【財經專題】
香港近年流行撐小店，日韓飲食風亦蠶食傳統餐飲市場，但憑一條鮮脆油炸鬼賣出名堂的海皇粥店執董蕭楚基卻不以為然，笑言「食粥係傳統，唔係潮流」，以往見盡「葡撻、沙冰」等潮流敗退，25年來最講究店舖衞生及產品品質，加上肯適應市場氣候推出新產品，近月密密逆市擴充，至今已有24間分店。
記者：方楚茵

街邊小店一條油炸鬼只賣6、7蚊，海皇一條要賣近10蚊，卻依舊客似雲來。蕭楚基帶點自豪的說「（傳統粥舖）請個師傅返嚟，炸好擺喺到，賣到就賣，賣唔到就算」，但他卻認為新鮮最緊要，揼本請師傅「分兩市炸，確保全日都有新鮮油炸鬼食」，招牌產品由此而來。


舊式粥舖「奇景」啟發
要講海皇粥店歷史，得由1992年蕭楚基還是「屋邨仔」時的奮鬥故事說起。蕭楚基回憶年輕時「喺屋邨長大，自細就成日發白日夢想做生意，唔會打工，又睇書點賺第一桶金」，曾經除了一份正職，更「秘撈」兩份兼職，「朝7晚11」日做16個鐘。
足足花上三年時間儲到第一筆共廿、三十萬元創業基金，卻非一帆風順。起初他由做物業買賣開始，但好快發現競爭太大，一不留神已畀搶單。他本身係潮州人，鍾意食艇仔粥、炸兩，機緣巧合認識家族經營傳統粥店的拍檔蔡汪浩，看準各種舊式粥舖衞生「奇景」，好似「搓油炸鬼，啲師傅咬住條煙仔，煙灰又成吋，幾乎跌落啲粉到」、「腸粉師傅着件文化衫（T恤）白色變黑色，頭髮又唔梳，指甲又黑喺度整油炸鬼」，衞生惡劣令食客卻步這一點，決心創辦現代化的海皇。

無懼近年日韓飲食風
蕭楚基回憶，由1992年創辦第一間紅磡分店起已要求「姐姐一定要擦口紅、要穿棗紅制服、門店裝潢要漂亮啲」，「海皇粥店」四隻招牌大字以金色銅製，今日看來老土，卻是當年流行。
25年歲月走來，店舖均行五常法（常組織、常整頓、常清潔、常規範、常自律）管理，擁ISO等認證，食客難在海皇見到「油立立」玻璃，員工全戴口罩，早設中央廚房。
近年韓、日風潮攻陷年輕食客、流行幫襯小店等，他認為影響不大，因海皇食客廣泛，強調「我哋都係小店出身，只係做做吓25年自然大咗」，無懼小店夾擊。

---

5 : GS(14)@2017-03-10 15:23:32

http://hk.apple.nextmedia.com/financeestate/art/20170310/19953261
【本報訊】海皇粥店25年前由紅磡小店起步，發展至現時港澳分店共24間，問到會否考慮上市？蕭楚基笑言「近年好流行（上市），我哋都有資格」，但會等時機成熟，規模擴大才考慮，目標是4、5年後要做到逾40間規模。

聘「搵舖專家」助減租
蕭楚基亦大方透露其密密開新舖原因，公司在去年下半年由同行挖來「搵舖專家」，到位即幫手傾減租，部份新租約較以往減20%至25%。
他指對方曾任職於某大型快餐店兼專門搵舖，強項是「識好多發展商嘅揸弗人」，在「香港地，人在人情在，大家熟少少有偈傾都會優先啲」，變相加快開舖步伐。
現時海皇每間分店平均投資額達250至300萬元，近月已在新地西環新盤Imperial Kennedy、領展（823）蝴蝶廣場冬菇亭等開店。為了節省非必要開支，開店時亦由身為馬主的蕭楚基出手搵馬圈人免費撐場。
他指「請明星好貴，但朋友支持就唔使使錢買廣告，又有得上報紙」。像屯門店開幕當天，知名騎師楊明綸就與其評馬人女朋友莎拉拍拖撐場，剛好曾傳分手，孖住現身又幫海皇佔上不少媒體版面。

---

6 : GS(14)@2017-03-10 15:23:54

http://hk.apple.nextmedia.com/financeestate/art/20170310/19953266
【本報訊】由屋邨打拼到變連鎖粥店老闆的蕭楚基坦言，多年來經歷香港好多周期起落，但只有一個「頭痛問題」令他最痛苦，就係有工無人做。逆市密密開舖本是開心事，蕭楚基卻對記者大呻「好痛苦」，皆因人人以為餐飲業最慘係業主加租、食材貴，但事實上食材近年都好穩定、每年只增加單位數，租金亦已見回落。
相反，招人才令他最頭痛，皆因近年公司多聘請已獲單程證女性工作，但過年最繁忙期間她們卻要回鄉過年探親，令人手大為短缺，「已經唔係畀最低工資，兼職畀到（每小時）50、60蚊，都好難搵人」。
他舉例指，因農曆年係餐飲業生意最好時間，像旗下的東港城新分店原計劃農曆年前開業，更辛辛苦苦叫裝修師傅幫公司趕工，但最終卻因無人開工而被逼延後開業。
為了應對此狀況，公司決定只要新店面積達二千平方呎，便會轉行快餐店式的自助服務，「唔係想慳人手，但又真係慳到至少六個」。按現時海皇一名店務助理月薪近1.5萬元計，變相已慳足9萬元。

---

【移居日本】港夫妻棄教鞭揸鑊剷　開粥店做香港人味道

1 : GS(14)@2017-10-15 16:57:03

餐廳除提供粥品外，還有香港地道小吃。



全新旅遊專頁，即like籽想旅行：https://m.facebook.com/travel.appleseed香港人夫婦Henry和Vincci原本是老師，收入穩定，但在上年決定移居日本創業，開了一間以粥品為主的餐廳「3米3」。這店提供十多款粥，有港式粥品也有新創粥品，包括皮蛋鹹蛋瘦肉粥、海之幸。



為甚麼主打賣粥？Henry說：「很多人以為日本人飲食很健康，其實是誤會，他們食材是很健康，但飲食習慣比香港人差很多，愛喝冷水、吃生冷東西、拉麵多油多鹽、愛吃各式烤物炸物，推廣粥是其中一個推廣飲食文化交流的方法，把香港人醫食同源的養生智慧帶到日本，讓世界知道，香港人長壽第一是有原因的。」當中還有童年的情意結，Henry說：「童年的味道一定是最好的，我和太太也是喜歡美食的人，會四處找尋好餐廳，不過自己總懷念某個小時候的早晨，媽媽在藍田15座那邊街市買回來的那一碗粥。」



香港人夫婦Henry和Vincci原本是老師，在上年移居日本創業。

餐廳提供十多款粥，如皮蛋鹹蛋瘦肉粥、海之幸。

Ernest2017年留學日本，現集中製作關於日本生活的影片，讓港人了解更多日本的文化和趣事。

兩位都覺得3米3是「港人餐廳」而非「港式餐廳」，因為是由土生土長的香港人，把他們心目中香港的美好東西帶過來日本，而不是遷就日本人心目中的刻板印象做港式食物。Henry覺得香港本身是兼容並包的地方，並沒甚麼特別叫港式。Vincci則希望讓日本人在一個沒有框框的地方下品嚐3米3的菜式，也不想為吸引日本人而刻意模彷香港茶餐廳的裝修和設計。3米3地址：東京都杉並區上荻1-19-9朝日荻窪わケとゥケ採訪：潘宗孝（Ernest Docrazy）




來源: http://hk.apple.nextmedia.com/su ... t/20171011/20178700

---

【對抗寒流】抗通脹粥店　$20包你食飽飽

1 : GS(14)@2018-02-04 23:21:11

位於牛頭角市政大廈的鑑記粥品，艇仔粥、碎牛粥和豬紅粥都只賣12元碗。

這星期寒流又殺到，想胃部暖笠笠的話又不一定吃火鍋，以價錢來說粥店都是一個好選擇。這次就為大家推介兩間抗通脹的粥店，讓大家糧尾都有好選擇。


第一間粥店即使位於食店林立的熟食市場內亦都相當顯眼，過了中午依然坐滿客，艇仔粥、碎牛粥和豬紅粥都只賣12元碗，嫌不夠飽再加碟炸兩或炒粉麵都只是8元，20元就可以吃飽飽。雖然一碗粥只賣12元，但材料絕不欺人，滿碗粥都充滿豬皮和魷魚，啖啖都是配料，以12元來說性價比非常高。客人曾小姐指：「這裏平呀，又抵吃，外面一碗粥都要三四十元，現在一碗粥加一碟麵都只是20元。」雖然價錢吸引，但由於位置於熟食中心內，環境和衞生不算理想。


即使價錢相宜，材料亦絕不欺人，滿碗粥都充滿豬皮和魷魚。

每碟炸兩或炒粉麵售8元。



鑑記粥品地址：牛頭角牛頭角道183號牛頭角市政大廈2樓熟食中心營業時間：星期一至日08:00-17:00


第二間粥店位於長沙灣，從店外看到油器賣的價錢不算太便宜，售7元，但細心看店內套餐的價錢，就會知道這間也是抗通脹粥店之一。套餐一共有4款選擇，最便宜的由15元起跳，最貴的都只是20元。套餐B和C最為大眾化，套餐B包括艇仔粥、碎牛粥、豬紅粥和花生豬骨粥中任選其一，再加一款油器或鬆糕，售16元；套餐C包括艇仔粥、碎牛粥、豬紅粥和花生豬骨粥中任選其一，再加一款粉麵或炸兩，售18元。這間的粥亦都一樣非常足料，豬紅粥有8大件豬血，而且粥底比較稠身和綿。店內的環境和衞生都頗理想，如果一定要挑剔的話，可能油器不是新鮮炸起，已放涼及變軟了，但整體來說仍是非常出色。


這間位於長沙灣的永隆粥品店的套餐非常便宜，

套餐B包括艇仔粥、碎牛粥、豬紅粥和花生豬骨粥中任選其一，再加一款油器或鬆糕，售16元。

套餐C包括艇仔粥、碎牛粥、豬紅粥和花生豬骨粥中任選其一，再加一款粉麵或炸兩，售18元。


粥品相當足料。


永隆粥品店地址：長沙灣青山道230號營業時間：星期一至日06:00-00:00記者：陳傲紫攝影：鄭明川



來源: https://hk.lifestyle.appledaily. ... e/20180130/20289392

---