《中佬手記》球證判決惹爭議，巴西技遜實無疑 得個跑字
http://solelyrun.blogspot.hk/2014/07/blog-post_13.html《中佬手記》球證判決惹爭議，巴西技遜實無疑
世界盃季軍戰，一向被視為雞肋戰，就連荷蘭教練雲高爾都話，根本就係令球員尷尬嘅一場波。歐洲國家盃就冇話爭第三名咧。但可能我先入為主 (睇世界盃先於歐洲國家盃)，一個賽事有第一、第二，都應該有個第三丫。唔係啲銅牌要做雙份？雲高爾教埋呢場就去曼聯報到，巴西教練史高拉利就話希望季軍戰之後先算。兩位老牌教練都一如所料擺出強陣，其中巴西都換咗好幾多人，包括用麥士維取代上場罪人之一嘅馬些路，用返保連奴棄用費蘭甸奴，用返車仔中場線拉美利斯、奧斯卡同韋利安，最前面用祖奧代替費特 (雖然效果應該差唔多) 。荷蘭方面，尼祖迪莊睇嚟都係未好返晒，出咗佐迪卡拉斯，史尼迪操練時受傷，由迪古斯文代替。原本以為巴西有返隊長泰亞高施華坐鎮後防就冇事，點知第一個出事嘅就。開波分半鐘，可能好多人杯麵都未淥好，佢就響禁區邊落手拉單刀嘅洛賓。呢個時候，洛賓梗係搏老命都入多兩步先喺禁區跌啦。人同此心，唔好話我聽你唔會咁做呀。球證吹雞直指十二碼點，加送一張黃牌畀巴西隊長。其實都算幾畀面，如果跟足球例，直接領紅返更衣室沖涼啦。但開波未夠兩分鐘，球證酌情鬆手少少就少少係啦。雲佩斯今場繼續正選，射十二碼嘅首選就梗係佢啦。 (雲高爾話準決賽有兩位佢覺得最好波嘅在場球員唔肯射頭輪，搞到佢要搵維拿 [又譯華亞] 去射，結果……) 呢位曼聯射手射龍門左上方死角，祖利奧施薩捉到路都飛唔到。射十二碼，識射一定係咁射。
巴西落筆打三更，喺鄉紳父老面前焗住進攻，荷蘭亦樂得縮後防線等你嚟，反正照舊三扒兩撥畀洛賓反擊就係。不過當你見到最前面嗰個係祖奧嘅時候，你都知「糟！噢！」係必然嘅結果。巴西攻唔入，到 16分鐘又失多球。當時荷蘭嘅迪古斯文喺有越位嫌疑之下右邊落底傳中，拼命三郎大衛雷斯上完前面助攻，又爭住返落嚟頭槌解圍……可惜佢唔係頂出底線而係頂向禁區頂 (大佬你漏畀馬爾干解圍都仲好啲) 。於是，白蘭特喺十二碼點附近控定、控定再睇定……忘記了世界這分鐘……咁滯，先較啱右腳射球掛網波，古斯達禾仲未撲埋到嚟，咁就兩粒咧。主辦國啲球迷大概哀莫大於心死，情願玩人浪自娛下好過。跟住奧斯卡終於喺禁區邊有腳似樣嘅射門，但係射得太正畀基利臣救出。領先兩球嘅荷蘭下下都九個人返後防守，就算輸反擊都不惜出啲小動作嚟阻止攻勢，最多咪攞黃牌。巴西於是又多咗好多罰球攻勢，最近近磅嗰球喺右邊斬埋去，門前嘅保連奴同大衛雷斯漏晒。當然，你可以話大衛雷斯畀人拉衫嘅。但球證喺兵荒馬亂之間，其實好難睇到啲咁細微嘅動作。半場巴西落後兩球，淨低半場波畀佢哋自我救贖。但好肯定嘅係，大衛雷斯喺後面做嘢打爛嘢，成日推個波上前場，唔係亂斬就係短傳畀隊友然後自己走入去塞埋個空位，搏晒老命想要將功補過，一腔熱血結果反而累事。都話足球係團體運動咯，下下英雄主義，你估八十年代咩。 (有請 Cookies 領唱……)
下半場出返嚟，巴西換咗走保連奴，換入殺人王費蘭甸奴 (仲記得占士洛迪古斯點樣畀佢熱情款待) ，結果佢出到嚟不負所託，先後鏟低雲佩斯、箍頸阻止洛賓搶波……喺荷蘭繼續重視防守多過進攻嘅情況下，巴西可以話係狂砌荷蘭。不過，當你見到最扭得嘅當然係工兵拉美利斯同右閘老將馬爾干嘅時候，你會知道巴西出咗咩問題。巴西本來有一個應得嘅十二碼。奧斯卡喺禁區入面畀白連特閘低，慢鏡顯示白連特完全掂唔到個波，但就截低咗奧斯卡。不過，唔知球證睇到啲乜，旁證又唔提場，最終決定係奧斯卡插水領黃牌。冤枉呢。不過事後亦有人話奧斯卡專登伸隻腳白連特踢跌，係插水。你問我呢，我就覺得後衛喺禁區入面出腳一定要好小心，截唔到波又勾到腳，唔輸十二碼算你大命。另外，白連特喺呢個攔截之後，懷疑因為膝頭哥撞到而要擔架抬出場，由贊馬特入替，又調返古積特返左邊。講開古積特，呢位沙場萬能老倌真係唔話得，前鋒到翼鋒到翼衛都踢得，呢啲咪襟撈囉。荷蘭本來去到後段都不為以甚，但巴西搏命爭入波又喺後面曝露出咁多空位，荷蘭補時階段一個反擊，贊馬特右路出波畀後中嘅韋拿杜姆攝近柱入。費蘭甸奴包到咁深托咩。三比零，令巴西創出一支球隊喺世界盃失球最多嘅紀錄： 14 球。雲高爾都好識做，最後一個換人名額留第三門將禾姆，同時畀正選門將基利臣功成身退。巴西隊喺 2014 年嘅災難式結果，應該真係夠後世遺忘 1950 年舉辦世界盃而決賽飲恨嘅傷痛。至於荷蘭，繼上屆成為亞軍，今屆亦都保住季軍，雲佩斯、洛賓同史尼達一代勢將淡出，下屆世界盃要靠迪比、白連特等 90 後，同埋邊個教，有冇能力團結向來有性格嘅荷蘭球星，都係一大堆問題。雲高爾囉喎，我梗係期待佢喺曼聯執教會有咩新景象啦。
Moneyball：車路士vs球證
1 :
GS(14)@2012-11-07 00:55:27http://hk.apple.nextmedia.com/financeestate/art/20121106/18059165
年初特首選舉辯論，唐英年指着梁振英說：「你─講─大─話」，全城哄動。真相至今仍未水落石出，但市民經過近月觀察，對梁振英誠信可能有了新想法。前周車路士在聯賽敗給曼聯後，球員指控球證卡頓保用種族歧視語言侮辱球員，在真相未明前，我認為也應參考車路士在這方面的往績。
事件起因，是車路士球員投訴卡頓保出言侮辱米基爾和馬達，卡頓保皆否認。事隔幾日，車路士撤回有關侮辱馬達的指控，米基爾則據說並非親自聽到「馬騮」說法，而是由英文能力有限的巴西籍隊友拉美利斯轉述。足總已立案調查事件，並暫停卡頓保執法。
幾乎每星期，都有球員和領隊（通常來自敗方）抱怨球證犯錯或執法偏頗，今次卡頓保的幾個重大誤判亦惹來偏幫曼聯的指摘。車路士近年特別有鋪這樣的癮，並往往反應激烈，例如2009年歐聯準決賽敗於巴塞羅拿後，一眾球員「圍哄」球證奧維保（Tom Henning Ovrebo），杜奧巴對着電視鏡頭前大嗌“This is a f_cking disgrace！”，保辛華也說「唔知佢係球證定係賊」，結果同被歐洲足協罰停賽，球隊也被罰款。
泰利誣告普爾 罰款了事
另一案例，對於今次的事件更有參考價值。2006年，熱刺主場對車路士，是典型充滿火藥味的倫敦打吡。車路士在先打開紀錄下反勝為敗，過程中杜奧巴亦吃了個詐糊。車路士的艾殊利高爾和波歷克，先後出言挑釁球證普爾（Graham Poll）領黃牌。臨完場前，已有黃牌在身的泰利，向對手京治毛手毛腳拿第二面黃牌出場。泰利和隊友當場都沒有表示不服。
完場後，泰利與一名車路士職員走到球證更衣室，向普爾詢問被罰出場原因，普爾解釋是他侵犯京治而兩黃一紅。當時也有第四旁證在場。可是，賽後泰利接受訪問時，竟說普爾在出示黃牌時，說是罰他侵犯加利（Hossam Ghaly），但後來在更衣室卻改口供說罪名是拉跌京治，顯示普爾心知理由不充份而改口。在另一訪問中，艾殊利高爾也向記者說：林柏特在球場聽到普爾說，要「教訓他們（車路士）一頓」。
球證在比賽進行時，有佩戴無線電對講機與旁證溝通，所以在場上普爾所有說話，旁證都聽得一清二楚；在更衣室的對話，亦有第三者在場，因此普爾要證明清白，本應一點不難。普爾和同僚的事件報告已在事發後一天呈交，但是足總不但遲遲沒有公開表態撐普爾，調查時間亦出奇地長。傳媒從開始便對普爾未審先判，不斷重提他過往的嚴重失誤事例，又指摘他向來愛出風頭、自我中心，今次事件再一次顯示他能力和操守皆有問題。
結果，足總足足拖了一整個月，才公佈調查結論：根據艾殊利高爾、林柏特、車路士職員和旁證口供指，所謂「教訓車路士」論，純屬子虛烏有；而泰利的講法，亦只是誣告。最終泰利被罰款1萬鎊了事，但從沒向公眾、足總或普爾道歉，艾殊利高爾則逍遙法外。普爾對傳媒的一面倒態度及足總的軟弱反應，極為失望，這次遭遇間接促成他在該季季尾退役之決定。
在球員vs球證的對立面上，十個記者中，有九個半會站在球員一邊。遠離鎂光燈是球證專業操守的一部份，他們工作目標亦正是要避免成為球賽焦點，因此球證一般面目模糊（光頭球證哥連拿是例外），一般球迷除了比賽時向他們柴台，對他們興趣不大；相反，球員是明星，吸引讀者和觀眾注意，所以是記者的間接米飯班主，記者為了攞料寫稿，大多想和球員建立點私人交情。加上一般人嚴重低估球證工作的難度，認為他們做得好是應該，做得唔好是活該，球證已站在不勝之地，所以無論當年的普爾或現在的卡頓保，都沒有得到多少體諒和疑中留情。
半日工資博你前途盡毀
球證如法官，專業和中立形象極為重要，退休資深球證Jeff Winter認為，如卡頓保被證實曾口出「歧」言，球證生命勢將完蛋。可是對比之下，犯了種族歧視侮辱罪的泰利和蘇亞雷斯，卻只是罰停賽幾場了事。球星對成千上萬青少年球迷的影響力，跟球證不可同日而語，但面對同樣罪名，球證受的懲罰卻可能嚴苛得多。
以常理推斷，卡頓保逞一時口舌之快辱罵米基爾，是冒前途盡毀之險。反之，以泰利上次誣告的先例，只被罰區區1萬鎊，大概是他半日工資，這1萬鎊卻換來對球證身心折磨，對於心裏有氣（及道德水平成疑）的球星，可能是划算的交易。若果你相信陰謀論，此等行為甚至可能是車路士間接「提點」所有球證要醒醒定定的策略。
如果有得賭，我買卡頓保清白。
姚崢嶸
【自己做球證】葉劉姪兒公司 由附屬保薦自己上創板
1 :
GS(14)@2016-04-23 18:34:35立法會議員葉劉淑儀姪兒葉天賜旗下，主力為創業板新股擔任保薦人的浩德控股，已向港交所（388）遞交創業板上市申請。根據初步招股文件顯示，浩德控股於香港從事企業融資及物業投資業務，當中包括為新上市公司進行保薦工作，以及證券期貨業務。該公司亦從事物業投資，包括於日本投資14棟樓宇及一個香港商業單位，用作收租。今次浩德控股申請上市，聯席保薦人是新源資本及浩德融資，而浩德融資則是浩德控股附屬公司，換言之，浩德控股今次由附屬公司保薦自己申請上市。截至2015年12月底為止，浩德控股旗下企業融資服務9個月收入為2,081萬元，物業投資活動收入為1,564萬元，公司利潤為1,114萬元。
來源:
http://hk.apple.nextmedia.com/financeestate/art/20160423/19582893
【英超開鑼】食花生咁寡？女球證嚴選小吃睇波冇悶場
1 :
GS(14)@2016-08-14 14:29:53羅碧芝（Gigi）及冼慧敏（阿冼）皆是香港的女子足球裁判員，今次就為我們抽空一試各款睇波零食。
英超開鑼，每個球迷都嚴陣以待，守在電視機前，生怕稍一不留神，就錯過了入球的精彩瞬間。但睇波，並非時時刻刻都那樣緊湊，悶場時，會口痕，口痕就容易分心，這時候一包好零食就派上用場。
睇好戲，食花生；睇好波，啪零食。今次兩位香港女球證羅碧芝（Gigi）及冼慧敏（阿冼）就實試一堆睇波零食，但除了夠脆口過癮之外，她們也要求多多，一開波，魷魚脆片就帶出，荔枝果乾亦都唔弱，即管看看哪款零食能滿足她們要求吧！
桃哈多糖奶油迷你牛角酥$10（a）牛角包形狀，比平時的桃哈多更大粒，也比較硬身，味道頗甜，很容易一口接一口食上癮。
原隻魷魚脆片$68（b）跟普通魷魚絲有點不同，這是用原隻魷魚壓成脆片的，很有燒烤魷魚的香味，口感似另一款零食蝦餅。
荔枝果乾$38（b）荔枝味很香，口感鬆鬆脆脆，有點像桃哈多，細細粒可以一口一件，很方便。
韓國100%天然橙片$20（a）原塊連橙皮的果乾，整體感覺像果皮，如果一大班人睇波，一人一塊就足夠了。
卡樂B蘆筍煙肉味薯片$16.5（a）跟平時的薯片味道沒太大分別，蘆筍和煙肉味不突出。
PlaySpace是位於九龍灣的party房，除了平時party房的玩樂設施，更有得睇英超，大家也可以自攜零食上去睇波。
（a）零食大王（b）松拃庫場地提供：PlaySpace記者：黃子卓攝影：梁志永
來源:
http://hk.apple.nextmedia.com/su ... t/20160814/19735374
【英超開鑼】女球證睇波要保持清醒 唔飲酒飲啲乜？
1 :
GS(14)@2016-08-14 14:29:54兩位美女球證羅碧芝（Gigi）和冼慧敏（阿冼）為了力撐愛隊，都不惜捱夜睇英超，但深宵睇波除了零食之外，當然也少不得飲品，「90分鐘喎，只要飲了少少酒的話，之後都不用看，直接睡着了。」
新嘉利無酒精啤酒碳酸飲料$11（a）嗅起來像糖果，完全不似啤酒，反而像果汁汽水，也有點像蘋果汁。
Kiss Cider啤梨味$19（c）較甜易入口，酒味不太濃，女孩子應該會較喜歡這款果汁酒，但不太喝得出啤梨味，只喝到甜甜酸酸的果汁味。
Tiger檸檬啤酒$8（b）一般啤酒是有點苦的感覺，但這個不苦，檸檬味易入口，帶少許甜。
Gigi說完後，她師妹阿冼也接着說：「如果自己一個夜晚在家睇波，可能真的只是喝可樂。」媖！但睇波唔飲酒，那不就沒有氣氛嗎？不怕，其實驚眼瞓的話，有些少酒精，甚至無酒精的有氣飲品，一樣可以令人醒神過癮。
靜岡抹茶炭酸飲料$18（a）很像可樂，完全喝不出有綠茶味，但它寫明是茶，感覺好像較可樂健康，而且沒有脂肪，很適合怕肥女士。
立秋$55（c）用茶釀製的啤酒，一開瓶即嗅到香甜氣息，但酒味較淡，麥味重，反而喝不出有茶味。
（a）零食大王（b）松拃庫（c）超市及便利店場地提供：PlaySpace記者：黃子卓攝影：梁志永
來源:
http://hk.apple.nextmedia.com/su ... t/20160814/19735355
畀英足總開年重罰停賽四場推球證雲格冇得鬥「車」
1 :
GS(14)@2017-01-29 10:31:45阿仙奴喺香港時間大年初一深夜就會出戰英足盃第四圈作客對修咸頓，但領隊雲格賽前就收到英格蘭足總送上「大利是」……呢位67歲領隊因為上周主場贏般尼2:1嘅聯賽不滿球證摩斯補時判罰12碼，喺場邊言語攻擊同推撞第四球證安東尼泰萊，就算佢事後即場耍冧都冇用，英足總周五宣佈雲格停賽四場並即時生效，兼罰款25,000鎊（約24.3萬港元），阿仙奴會方亦表示唔打算上訴。據英國《BBC》報道，嚟緊對修咸頓嘅英足盃，以及對屈福特同車路士嘅英超，雲爺爺都冇得喺場邊領軍；如果英足盃唔使重賽，佢就會缺席埋2月11日對侯城嘅英超。
來源:
http://hk.apple.nextmedia.com/sports/art/20170129/19912301
【馮仁昭四圍超】排球隊輸波 網上被彈品格差Stephy斥球證：佢刻意攻擊
1 :
GS(14)@2017-05-18 02:14:15■Stephy（右二）為圓夢兩年前組排球隊出賽，估唔到惹出是非。資料圖片
鄧麗欣（Stephy）為圓夢兩年前成立排球隊Loey參加比賽，日前有讀者爆料指有人喺facebook狠批Stephy喺Loey輸波後賴地硬：「原來香港女星鄧麗欣經營嘅呢隊女子排球隊品格係咁差劣，真係令人好嚇怕，輸打贏要。」該名自稱係Stephy粉絲嘅網民，狂插偶像：「好傷心阿欣用咁差嘅態度同我講嘢，你有冇專心睇住自己條線嚟吹波，你可唔可以進步吓，乜都唔識吹淨係識畀牌」。
Stephy懷疑該網民係某場波嘅球證，佢透過電話回應：「嗰日有好多誤會嘅球，例如一啲可能out嘅波，佢就判咗in，有啲可能我哋覺得對方犯規，佢又冇吹到，如果佢覺得我質疑佢嘅判斷而有不快，我覺得佢唔夠專業囉。」Stephy強調係講事實：「我覺得佢有少少刻意攻擊，唔係平心嘅評論。」
■自稱係Stephy粉絲嘅網友，喺facebook鬧偶像輸波後賴地硬。
■Stephy同媽媽（右）用app變兔仔臉。互聯網圖片
比賽有情緒
為捍衛球隊，Stephy話：「我呢隊Loey絕對唔係品格差劣嘅球隊，大家都知喺比賽當中好多時有情緒，anyway如果佢覺得唔高興，我願意代我嘅球隊同教練say sorry，希望佢公平啲。」另外，噚日係母親節，Stephy都有晒同媽媽嘅合照，佢哋用app變兔仔臉，Stephy仲落hashtag「我阿媽又望錯鏡頭」、「有幾多個媽媽係會望錯鏡頭」，而佢又特登唔望鏡，擺明笑鄧媽媽。撰文：馮仁昭
來源:
http://hk.apple.nextmedia.com/entertainment/art/20170515/20021388
Next Page