📖 ZKIZ Archives

自認加料Sell底褲 方力申狂操變爆肌男

1 : GS(14)@2014-05-14 00:59:34

http://hk.apple.nextmedia.com/entertainment/art/20140513/18718057'

                              又一個肌男胸降娛樂圈！現年34歲的方力申經4個月地獄訓練，成功搣脂激減30磅肥肉，操出41吋胸肌和6嚿腹肌，剝剩一條底褲拍廣告，超激凸的「小小方」浮誇到爆，方力申大方承認有裝假狗：「軟嘢硬嘢都攝吓！」得戚的小方揚言不介意接拍露股戲為藝術犧牲。

                前飛魚王子方力申曾代表香港參加2000年奧林匹克運動會，退役後火速加入娛樂圈做歌手，近年轉戰內地拍劇賺人仔的他，最近以過百萬人仔酬勞接拍內地品牌底褲廣告，由於要剝衫僅着底褲示人，小方由今年元旦開始苦練身材，跟轉行做健身教練的杜德智操弗，小方昨日接受電話訪問說：「自己一直有做開運動，由以前一星期三日變日日做，可能以前係運動員，更加事半功倍，由最肥169.5磅減到139.5磅，胸肌有41吋。」

汗水換腹肌

                然而，廣告相中的小方有點硬膠，身形線條更疑似造假，尤其是「小小方」超浮誇，小方坦言：「呢啲後期製作裝吓假狗，攝吓墊吓，軟嘢硬嘢都攝吓，但攝乜唔講得，係商業秘密。」問裝大了幾個size？他笑說：「大咗半個度啦，真係唔知。」小方承認有執相：「平常人影相都美圖秀秀，好在有拍片證明，唔怕畀人話身形唔係堅，終於明白男仔點解有腹肌鍾意自拍，因為用汗水換返嚟，梗係要show off。」
剝剩底褲拍廣告有否尷尬？他說：「唔尷尬，可能內褲好似泳褲好貼身，現場幫我整衫嘅女仔得23、4歲，佢攞嘢畀我攝，自己轉身變魔術。」問是否想挑戰碧咸的底褲廣告？小方說：「梗係冇，挑戰自己，呢個係好機會，希望有突破接多啲唔同戲，但性愛場面暫時過唔到自己，剝褲見八月十五都OK。」

                                                                                               

■小方今年元旦體重達169.5磅，拿着當日報紙做證展開瘦身大行動。

■小方以7位數接拍底褲廣告，「小小方」浮誇激凸，他坦承有裝假狗。

節食斷六親

                  小方用4個月激減30磅，他公開地獄減肥秘笈：「多數做單槓、引體上升、sit up，亦同泰拳朋友跑步打拳踢腳，從來冇諗過可以有腹肌，去奧運嗰段時間都冇，我諗自己係游得最快但身材最唔好，因為食得多。」小方指最後階段的節食過程最重要，這期間他就斷六親：「同家人飲茶只係飲水，睇到腹肌線條出晒嚟，最後塊面凹得滯過咗龍，有段時間冇食飯仲變排骨仔，廣告出嚟都覺自己過瘦。」

                                                                                               

■年逾50歲的杜德智身形fit爆，難怪小方請他做健身教練。

■小方接受健身教練杜德智特訓，操出胸肌和腹肌。

                節食減肥更令小方脾氣變得暴躁，他說：「烚嘢唔好地方係脾氣暴躁，媽咪成日引誘我食嘢．自己發脾氣，阿媽受咗我好多氣。」問女友鄧麗欣有冇讚他弗了？小方說：「有，佢話早就應該咁。」女友很滿意你身材？小方說：「但佢見唔到，嗰段時間佢喺內地拍嘢，自己更加專心節食，仲可以多啲時間做運動，拍廣告嗰日佢返嚟探班，都嚇一跳以為我病咗。」
拍完廣告後小方放縱飲食，8日後反彈16磅，他說：「夏天會再keep，估唔到人生可以做到咁樣，希望可以keep住鼓勵大家做運動。」
採訪：皓騫

操肌秘笈：兩星期地獄餐單

早餐

                  4條烚雞柳、西蘭花／椰菜花、4-6隻蛋白

午、晚餐

                  4條烚雞柳、西蘭花／椰菜花、4-6隻蛋白、一碗飯或2個番薯

小食

                  西芹、紅蘿蔔

運動

                  一星期三日跟杜德智健身，兩日打泰拳，兩日自己做運動

三日健身

                  操肌（一粒鐘）＋跑步（50分鐘）
方力申跟健身教練杜德智狂操單槓引體上升、雙槓（dips）、sit up、風火輪等器材，場地沒受限制，有時在杜德智的studio，有時在維園做運動。

兩日泰拳

                  打泰拳（一粒鐘）＋跑步（50分鐘）                                                        

---

2 : GS(14)@2014-05-14 00:59:51

http://hk.apple.nextmedia.com/entertainment/art/20140513/18718059


一向不介意剝衫的方力申，自小已經是香港泳隊代表隊成員，曾參加奧運，之後更殺入娛樂圈，由歌壇到影壇全部見到其蹤影，他更樂於在人前晒身材，但從未見爆肌出現。
童年圓碌碌

身形圓潤，非常可愛。
2000年俊飛魚

代表香港到悉尼參加奧運，身形雖健碩，但仍未見有腹肌。
2004年火炬手

雖然已經退役，但仍有機會擔任奧運的火炬手。
2006年晒泳褲

為南亞海嘯災民籌款，穿上泳褲替攝影師紀嘉良的寫真集任模特兒。
2007年勤練肌

開始邀杜德智任其私人健身教練。
去年戰娜姐

與周秀娜在內地拍攝劇集時，大晒胸肌。

---

3 : GS(14)@2014-05-14 01:00:03

http://hk.apple.nextmedia.com/entertainment/art/20140513/18718062


方力申爆肌拍攝內褲廣告，很多男星為演出，也曾花功夫鍛煉腹肌和人魚線。
張家輝

去年為拍攝電影《激戰》，不吃鹽、油、糖及澱粉類食物之餘，每天只吃2、30隻雞蛋白以增加體內的蛋白質；到要拍攝前3日狂食飯，靠澱粉質來爆肌。
杜汶澤

為拍攝電影《3D豪情》，開始「白烚人生」，既在社交網上載自己的大隻照，更分享操肌心得及食譜。
張繼聰

去年為配合新碟《無限可能》練6嚿腹肌，除了節食節水，他趁拍劇、錄歌空檔健身，有時深夜收工後也舉鐵及跑步3小時。
彭于晏

為拍《激戰》狂谷肌，接受三個月地獄式訓練，方法就是每天健身2-3小時，飲食上只吃由白水煮的蛋白和雞胸肉果腹。
周杰倫

去年為演唱會而鍛煉八嚿腹肌，他練肌期間堅持少油少鹽，連大夥出去聚餐，他都堅持只吃烚菜。

---

【壹週刊】安仔開騷狂操許太Sammi素顏跟到實

1 : GS(14)@2015-04-24 08:51:14

【壹週刊】除咗陪許志安排舞，自認係『減肥達人』嘅Sammi，更日日陪老公跑步、健身，再加埋Sammi私人減肥餐單，幫安仔減咗12磅。想知更多？記住Download壹週Plus手機app，免費架！
iPhone版下載：http://goo.gl/1SDaWF
Android版下載：http://goo.gl/xfQS8D壹週Plus網頁：http://nextplus.nextmedia.com/





來源: http://hk.apple.nextmedia.com/entertainment/art/20150424/19123029

---

晶晶啟剛狂操迎真人騷

1 : GS(14)@2016-03-19 22:16:33

國寶郭晶晶昨晚撇甩老公霍啟剛，應邀出席碧咸嫂的新店開幕酒會。對於日前她宣佈將會和老公夫妻檔一齊參與內地真人騷《極速前進》節目。郭晶晶坦言近日開始和老公狂操體能，以應付節目，她說：「其實我也很緊張，我不知道他（霍啟剛）的強項是甚麼，但現在一有時間便會和他一起做運動。」郭晶晶表示今次參加節目原因，是由於今年是奧運年，身為奧運跳水冠軍的她，希望以另一個方式推廣奧運，她說：「節目下個月開始拍攝，今次拍攝的場地，是會到過去每一個舉辦過奧運的城市，包括北京、雅典、羅馬和里約熱內盧等地方。」問到欄王劉翔亦有份參與該節目，晶晶表示已和對方私下通短訊聯絡，屆時可以互相比拼一下。採訪：唐如攝影：陳志嵐





來源: http://hk.apple.nextmedia.com/entertainment/art/20160319/19535783

---

Rain為報仇狂操肌

1 : GS(14)@2016-03-28 14:16:18

SBS新劇《回來吧大叔》收視麻麻，劇組昨日公開了男主角Rain為了報仇而操肌的新相催谷，令Rain攞正牌大晒強勁麒麟臂電粉絲。Rain平時有健身習慣，只見他一時戴上拳套，一時跳繩，甚至引體上升加轉圈，絕對是臂力大挑戰。據知這場戲上周二在首爾陽川區一間健身室拍攝，因為遷就營業時間，Rain要在凌晨12時才可以開工，不過他毫無怨言，認真抵讚。





來源: http://hk.apple.nextmedia.com/entertainment/art/20160328/19546885

---

飲檸檬醋養生　54歲林偉狂操防腐

1 : GS(14)@2016-06-20 03:36:50

2016-06-08 EW

昔日由模特兒晉身入娛樂圈的林偉，曾是無綫和亞視小生，但回復自由身便往內地和台灣發展，直至一二年才回巢無綫，近年不時演繹奸角，但搶鏡度卻比主角更突出。

入行三十年的他，雖然樣貌成熟不少，但體形依然弗爆，近廿年都保持住四十一吋胸肌及百五磅的體重，當中的養生秘笈原來是抄翁靜晶飲自製檸檬醋，日飲一杯， 縱使年過半百，依然睇得又打得。

烈日狂操

早前林偉在《EU超時任務》和《殭》的演出都惹人注目，鏡頭前要幾奸有幾奸，而打戲也不用替身，身手靈活。一直靠打泰拳操弗身形的他，即使年屆五十四都保持大量運動，一周操足四日，故身材多年如一。

日前在正午烈日下，他在寓所附近的籃球場做拉筋熱身，繼而將籃球架當沙包，進行一連串的拳擊及踢腳動作，打到砰砰聲，短短二十分鐘，已汗流浹背，忍不住除下背心，露出結實的胸肌。

稍休息一會，隨即再做五十下掌上壓，鍛煉出強而有力的麒麟臂，臨走前又繞圈跑步練氣，整整一粒鐘，絕不欺場。狂操一輪後，他前往茶餐廳歎下午茶，沿途不少街坊上前打招呼，他也揮手回應，十分親切。

食得奄尖

對體形十分重視的他，自言從小貪靚，「可能以前做模特兒，所以好貪靚，記得中四嗰年，明明係發育，但我都堅持着住四十一吋鞋碼嘅鞋，因為太大隻腳唔好睇，頂腳都照着。」雖然外形睇得，但原來早年曾因貪飲貪食，搞到膽固醇指數爆錶，身體響起警號，他說︰「以前成日覺得自己唔肥，可以食好多，試過一次食七個葡撻，結果膽固醇指數高達七點一，於是做運動外，還的起心肝改善飲食。」他自爆其養生之道是學翁靜晶飲檸檬醋，還根據對方網上的片段，自製了一大盅檸檬醋，每朝早一杯暖水後，便飲一杯檸檬醋，對清腸胃特別有效。他還指現在食得揀擇，「平時會飲五青汁，唔食煎炸嘢，食燒臘唔食皮，煙酒更加唔掂，好健康。」體力十足的他，也不時北上登台和拍劇，又正開發一些娛樂策劃的工作，認真有排忙。

撰文、採訪 娛樂組　攝影 何國豪　設計 吳俊彪

---

急減腩肉 57歲吳岱融 踢波狂操

1 : GS(14)@2016-10-05 05:31:22

2016-09-21 EW

因為大奸角「高天鷲」，令吳岱融成為《巨輪II》的亮點，事實上，他自去年回歸參演《刀下留人》後，便劇接劇未停過手，但畢竟已年屆五十七歲，又曾經發福至一百八十磅，要長拍長有，惟有努力keep fit。

日前，他便與明星足球隊成員到馬鞍山足球場操波，雖然跑足全場狂追波，但球衣濕透之際，豐厚的腩肉仍隱約可見，要保持型佬樣貌與身形，明顯還有進步空間。

落場爆腩

去年回歸無綫拍劇的吳岱融，雖然已由當年靚仔小生，變成五十七歲銀髮蒼蒼的熟男，但熱愛足球的他，日前仍與一眾明星足球隊成員到馬鞍山足球場操波。負責踢中場位置的他，當日與前鋒黃日華，跟梁漢文和劉浩龍等人對疊，每逢看見對家球員帶波到不遠處，即跑上前搶波，相當落力。

踢至中段時間，雨勢忽然變大，然而吳岱融卻跟大夥兒愈踢愈起勁，衣衫盡濕，令發福的腩肉現形。球賽最終在雙方沒有入波下完場，興致勃勃的他即走到黃日華身旁，談論賽事，又拿着水壺跟對方「碰杯」，似乎十分滿意剛才表現。

斷食收身

其實，在《巨輪II》中飾演大奸角「高天鷲」的吳岱融，九十年代中離開香港幕前後，體重曾試過一百八十磅。「嗰陣我喺星馬搞製作公司，成日要同老闆應酬，又冇做運動，搞吓搞吓，我連行兩級樓梯都氣喘，就開始踢波當做運動。 家每個禮拜都有四場波踢：明星隊、視藝隊、晨㬢，仲有一班我喺大陸住嗰陣踢開嘅波友，另外又會游水、踩單車，流吓汗，真係爭好遠！」

踢波後，他的體重已長期維持在一百六十磅以下，但為了在幕前演出時，能減低福氣十足的肚皮搶鏡程度，踢波以外，他更會進行辟穀斷食來收身。「我試過成個禮拜淨係食生果，唔食其他嘢，又或者七日都唔食任何嘢，淨係飲水，一次可以輕到廿幾磅！對我嚟講，辟穀除咗可以收身減磅，仲可以清理埋身體裏面啲毒素，我覺得好健康。」

心中有火

相比當日同樣是八十年代小生，又年過五十的隊友，關禮傑的鋼條身形比黃日華還要fit。主力前鋒的他，由落場開始，幾乎未見有笑容，視線和身體全程投入在足球上，即使要跟比自己年輕九歲的對家梁漢文搶波，仍見他猶如足球小將上身般，只顧衝呀衝。

操波時表現勇猛，就連完場後，關禮傑仍坐在球場旁邊，繼續做體能練習，提起雙腿狂操腹部運動，其後又張開雙腿成大字馬拉筋，看來十分注重自己的體形。

五十四歲的他，樣貌如吃了防腐劑，身形比年輕時顯得更結實，除了靠踢波keep住，平日閒時亦會經常到健身室做gym，且甚注重飲食，戒吃澱粉質。「我喺呢個圈仲有團火，仲想有代表作，就係呢團火推動我去keep fit同保持健康。」心中有火，做人確係積極啲。

撰文、採訪☆娛樂組 攝影☆何國豪 設計☆李浩然

---

【馮仁昭四圍超】小齊備戰拉力賽狂操

1 : GS(14)@2016-11-23 07:53:27

任賢齊早排搵自己執導嘅電影《落跑吧愛情》班底拍新歌《朋友的酒》MV，仲借出珍藏嘅古董電單車拍攝。台灣藝人金士傑、邵雨薇分別演男女主角，小齊話：「冇同金士傑合作過，就唔算係好演員，演咗咁多年戲，終於圓夢。」另外，小齊下年會參加達卡拉力賽（Dakar Rally），呢個賽事少啲體力同耐力都唔得，所以小齊已經狂操體能。撰文：馮仁昭




來源: http://hk.apple.nextmedia.com/entertainment/art/20161123/19842373

---

小二生狂操小三TSA為復考辯護　吳克儉：係優良機制

1 : GS(14)@2017-02-05 10:51:41

■教育局長吳克儉強調TSA、BCA及操練有不同。資料圖片



【本報訊】教育局上月底宣佈全面復考小三TSA（全港性系統評估，Territory-wide System Assessment）、並改名為BCA（基本能力評估，Basic Competency Assessments），聲言已移除操練誘因。不過，不少家長揭發很多學校仍要學生做TSA練習，更有學校要求小二學生跳級購買小三TSA中、英文模擬卷，農曆年假亦有以此作為功課。有家長批評，TSA遺害之深非減低難度、換個名字可解決。教育局局長吳克儉昨再為復考TSA辯護，暗指TSA是優良有效的機制。記者：周婷



小二學生家長Joan說，其女兒就讀坑口基督教神召會梁省德小學，校內TSA相關練習「不嬲都有」，女兒讀小一時已有數學科練習，雖然沒有寫明是TSA，但打開全是TSA的題型。至女兒升上小二，書單竟進一步跳級購買中、英文TSA練習，兩本均屬小三程度模擬試卷，「（去年）12月開始派畀大家做功課，聖誕、今個新年都有，分別做大約一、兩份（mock）paper」。粗略估計，TSA練習現時約佔Joan女兒日常功課的四分一。Joan稱，操練跟復考與否未必有關，「學校話拎出來做時係12月，當時都未話復考，我覺得係無論如何都會做」。她續指，小朋友自己未必懂得甚麼是TSA、何謂壓力，「佢只係覺得好多功課」，自己也難以向她解釋，無奈下只得為女兒謀求另一條路：轉校。



■家長Hilda（左）及江先生（右）均反對復考小三TSA。何柏佳攝

「轉校好唔容易」

Joan表示，針對跳級做TSA、學校課程過深等問題，曾試過向校方反映，但校方一直迴避，「唔係話一、兩年內可改變學校，唔想小朋友受苦，只能自己計劃好」。不過她強調，此舉並非因應教育局局長吳克儉「家長不滿意考TSA，可以轉校」的言論而做，她在去年中已為女兒找學校，試過區內、外數間學校均不成功，直指「吳局長講嘅嘢好有問題，轉校係好唔容易嘅事」。教育局堅稱BCA不等於TSA，題目已經優化及變淺，可移除操練誘因。教育局局長吳克儉昨日再強調，TSA、BCA及操練三者有所不同，認為所有人都有責任解釋清楚，避免混淆，並指「邊個唔希望全港學生，無論富與貧，都有一個優良有效嘅教與學回饋機制？」再為復考辯護。對此，另一位反對小三TSA的家長Hilda並不同意，直指「BCA題型（跟TSA）係一模一樣，只係cut短咗」，而Hilda最擔心的是女兒經過教師訓練，經已「熟習」中文閱讀理解試卷，「技巧性已經出晒嚟」。


小二生邊做邊計時

記者跟其讀小三的女兒傾談，小女孩指老師從小二開始教授應付TSA題型的技巧，她說：「因為老師教我，佢同我哋講，我哋首先睇完題目先（再）睇篇文」，現時懂得為自己計時，大概用2、3分鐘，就要完成一道閱讀理解題。她又稱自己會為了復考而溫習，自己也不害怕做TSA功課，只稱「如果好多頁就唔鍾意做」。「不停咁圈字、圈字、圈字，但轉頭問佢（女兒）篇文係講乜？答唔到你」。Hilda擔心長此下去，女兒或減低對中文字詞、文章的興趣及賞識能力，認為不少學校為滿足TSA要求，初小課程早被扭曲，質疑當局對此束手無策之際，為何堅持復考。同樣反對復考的家長江先生，讀小三的幼子未需操練TSA，但他仍不服吳克儉「語言偽術」為復考消毒，他認為「假設出到好淺，全港及格率都高，統計係冇意思，結果為咗分出高低，題目趨勢都係越嚟越深」。




來源: http://hk.apple.nextmedia.com/news/art/20170205/19918489

---