| ||||||
雷曼迷債單嘢，令市民對買基金同債券提高咗警惕，亦對銀行推銷嘅產品冇晒信心。華華噚日到註冊財務策劃師協會搞嘅活動，見到唔少理財專家，普遍認為雷曼迷債事件，冇令客戶對佢哋失信心喎。 一條龍幫單親媽媽 點 都好啦，始終喺金融海嘯底下，做理財策劃嘅都唔可以單靠畀計劃書做生意，仲要同客講心，先取得客戶信任。協會副會長范維綱話，今年搞嘅香港財務策劃師選 舉，同往年最大嘅分別，係啲計劃多咗好多溫情同關心，甚至幫啲客計劃埋下一代，即係跨代理財。令佢印象最深刻嘅一個參賽計劃書（係真實個案），係為一個單 親媽媽克服獨力養細路嘅財務負擔，個理財策劃師投入到見單親媽媽分身不暇，試過落手落腳幫手湊仔，仲幫埋個細路補習，實行一身兼幾職，做埋顧問、保母、社 工兼導師o忝。 | ||||||
2010-05-26 AD
| ||||||
| 身為 I.T（999）老闆嘅沈嘉偉，終於由娛樂版回歸財經新聞版！江湖傳聞話，沈生上個月喺「大劉」尖沙嘴個新場「The One」租咗個大舖，要搞間全港最大旗艦店咁話。華華一直無chance證實呢個消息，估唔到下個禮拜終於有機會！有口痕經紀同華華講，沈生鐵定下星期二 蒲頭，主持I.T個業績記者會，見吓投資者同傳媒朋友。 下星期二主持業績會 咁又有咩出奇呢？梗係有啦！事關沈生行事作風真係 非一般低調，佢簡直係惜字如金，唔鍾意見人又唔鍾意講嘢，一年四季淨係鍾意同佢老友城城打吓邊爐，自己間公司由05年上市到o依家，出嚟見人嘅次數絕對唔 夠3次。咁點解今次又要粉墨登場？鬼咩，一直係I.T代言人、唔係負責着衫淨係負責講嘢嘅盧永仁，呢頭話要令I.T市值翻三番，「壯志」都未酬，舊年呢位 副主席突然走人，沈生咪惟有自己頂硬上囉！ 講番擁有「天地雄心」嘅盧博士，佢話過只係鍾情做大公司，但o依家似乎仲未有着落。華華先排響四 季撞到佢，估唔到又肥咗一個碼，問佢o依家撈咩，佢笑笑口答咗句「湊仔」就快閃鬆人……各大上市公司，有興趣不妨搵搵佢。 李華華 | ||||||
二十出頭的三位科大畢業生高文澄（Juliana）、袁焯壕（Ambi）及譚世龍在未結婚未生仔的情況下，卻快人一步研發出智能奶樽底座Feedibaby，配以自家app幫助媽媽自動化記錄嬰兒用餐所需時間及食量，更將會在母親節當日以五十九美元（約四百六十港元）在Indiegogo上開始眾籌，計劃八月出貨。 三名聯合創辦人誓言：「BB大得好快唔等得，所以我哋一定會準時出貨。」但快的，又何止嬰兒的成長速度？ 別人抄襲速度同樣快得驚人，是次請來同樣是事業型女性的初創企業Evention行政總裁王嘉屏（Ping）點評Feedibaby，她一語中的指出：「你哋收集到嘅第一手嬰兒數據人哋係抄唔到！」 這時代下，大數據的價值非金錢可以取代。我點sell？一切源於雞蛋及牛奶 「最令我估唔到嘅係連咕嚕肉都有用雞蛋去腌製，結果又唔食得。」二十四歲的Juliana無奈地道出。從小到大也受皮膚敏感深深困擾，到十八歲才正式確診對雞蛋及牛奶敏感的她，驚覺其父母一直把敏感錯怪在塵蟎及天氣之上，沒想過是食物的問題。「所以我想幫家長有效了解小朋友進食習慣，但原來佢哋一直缺乏完善系統作記錄。」回歸基本，Juliana於是跟兩位同學一同動手從收集數據做起，用十八個月時間研發出以藍牙連線至手機程式記錄數據的智能奶樽底座Feedibaby。 助解決婆媳糾紛 他們透過問卷調查了二百名媽媽，發現有兩種媽媽會特別受惠。「第一係未有湊小朋友經驗嘅新手媽媽，佢哋會想知道多啲BB嘅資訊，判斷小朋友嘅健康狀況。」第二類則是剛放完產假需返回職場的媽媽，她們指以往由自己照顧寶寶，但上班後這個責任就會轉到爺爺嫲嫲或是工人姐姐身上。「媽媽可以透過雲端即時得知小朋友食咗幾多，唔使驚老人家習慣餵多而出現過肥現象。」裝置更設置鬧鐘功能，可定時定候發聲提醒照顧者餵奶。 錢不可以亂使要留作研發產品 「創業初期只有十五萬現金及計劃資助，當時已決定要盡用呢筆錢喺研發方面。」身為聯合創辦人的Juliana有別一般只做技術不喜生意營運的startup老闆，在研發初期時已明確表明要「揸緊條數」，在得知外判寫專利報告需花費七萬元後，立即轉軚決定「自己報告自己做」，結果成功慳了一筆之餘更拿到政府額外二十五萬元有關專利的資助。而負責產品硬件設計的Ambi同樣是「持家有道」，堅持在研發初期用立體打印自製外殼，省卻去工廠做辦的費用，直到最後版本才拿去工廠開模。 專家盤問 P：初創企業Evention行政總裁王嘉屏（Ping）K：Feedibaby聯合創辦人高文澄（Juliana） P：Feedibaby的Product Life Cycle（產品生命周期）有多久?K：估計會由小朋友出世到他們吃糊仔也可用到，很視乎小朋友的習慣，有些可能去到三、四歲仍會吃補充奶粉。而現在市面上的糊仔也可以去到十八個月，所以我們估計周期能達兩至三年。 P：這樣觀察好像沒有什麼特別技術在內，你們的專利是在何處?K：我們產品最大的難度是在磅重方面，要同時做到輕、準確及細小這三件事，因媽媽不會帶大型物品出街。另外我們的裝置是由原先數個按鈕，到現時開機關機至選擇不同模式，全由底座一個按鈕負責。在轉換承載奶樽的膠座至電子底座上，我們則運用了磁石設計，輕輕放上去就可以吸實裝置，這些都是我們下了苦功的細節位。 P：現時市面上有多少名競爭者?K：我們做過專利檢索，發現全球如歐美也未有同樣產品。而香港的智能水樽可能跟我們有相似的地方，但我們走得更前的是Feedibaby目前是最細、最輕及最薄的裝置，而水樽的直徑會比我們長兩、三厘米，也會較厚。對比水樽的設計會在樽內，我們的相反會把重點放在底座內。 P：為什麼下一步會計劃去眾籌，而不用其他方法?K：眾籌的主要目的是希望做市場調查，了解世界各地的媽媽會否也有這個需要，因我們留意到香港媽媽比較喜歡煮糊仔而不用現成食物，相反美國人很習慣選用罐裝的嬰兒食品，其市場絕對具有潛力，因此希望一試美國市場反應。 終極判決要令頭一百個顧客開心 十分滿分我會給予七分，根據調查數據顯示，最合適的團隊是大約兩至三個人，而Feedibaby團隊正是這個人數，加上你們三人識於微時又各有所長，有齊軟硬件及營運方面的專長，對此我表示很放心。要留意的地方是正如你所說，品質是很重要，特別是嬰兒產品絕對需準確及安全，說真的很多人不是因為廣告而買，通常是靠口碑，所以你要令頭一百個顧客開心及喜歡此產品，這是最重要的。 專家錦囊產品易被抄，但數據抄唔到！ 基本上除了超級科研，一般產品也要有心理準備面臨被抄襲的風險。首先要計算定別人的研發時間，他們要用多長時間去抄襲，半年還是一年？而你在這段時間應走得更快更準。現時IT界認為最有價值的是數據，好像今次的公司是關於嬰兒的飲食習慣，這些數據是具有一定用途，那你比別人優勝的是多了半年別人無法抄襲的一手資料。因此startup公司應着重收集有用的資料，去改善產品及分析整個市場。 撰文：黃綺敏攝影、攝錄：梁正平[email protected] | ||