|
||||||
|
今次係跟中渝置地（1224）去重慶，睇佢樓盤，順道睇當地房地產發展成點；而呢個trip，最後竟然變成地產考察+保健義診團。 話說由飛機降落當地開始，華華已經聽到中渝當地管理層談話之中經常提到「醫生」、「醫生」，起初仲以為中渝咁貼心，為華華同其他團友準備埋隨團醫生，點知最後醫生現身，原來係公司副主席林孝文！ 聽班管理層講，林醫生本身真係醫生，中環開間診所。事隔多年，林醫生依然寶刀未老，同行有團友胃痛，痛到面青青，林醫生即時應診，隨身出幾盒藥，第二朝個團友真係藥到病除，生龍活虎，仲大讚林醫生醫術高明。其他行家見林醫生咁掂，個個即刻飯局期間排隊問診，林醫生就卸下醫生袍N年之後，無厘頭重慶再為人義診，相信連佢自己都估唔到！ 李華華 |
||||||