📖 ZKIZ Archives

巨聲幫爆逃亡潮林欣彤心灰撇無綫

1 : GS(14)@2015-10-08 02:25:58

■林欣彤被指本月約滿無綫即離巢，她表示現階段要想清未來路向。


無綫近年爆小生花旦逃亡潮，連親手捧出來的一班巨聲幫都陸續離開，先有劉威煌轉會、近日連羅孝勇都打算不續約，「小巨肺」林欣彤（Mag）本月約滿都有意離開娘家，有周刊爆出她拒續約無綫，同時又被唱片公司英皇掟入雪櫃，Mag決心跳槽，她昨日在將軍澳錄影時，直認現階段要諗清楚未來方向。25歲的Mag於2010年參加歌唱節目《超級巨聲2》彈起，翌年簽約英皇，可是越撈越冇人氣，大前年壓力爆煲患上抑鬱症，近年雖病癒復工，但人氣大不如前，工作量少，有指Mag不滿遭投閒置散決定約滿無綫和英皇即向外闖，已有幾間公司密斟中，但她有意加盟周柏豪和連詩雅所屬的Starz People，趁後生再發圍。　



■羅孝勇已打算不與無綫續約，而快將約滿林欣彤也現離心。資料圖片

■Starz People老闆鄒世龍（左）成功捧紅周柏豪，有傳林欣彤想過檔。資料圖片



有其他公司接觸

Mag昨日現身時，被追問轉會傳聞，她說：「雜誌所講嘅轉會冇發生過，我而家處於整頓自己時期，我想諗清楚自己想要乜嘢方向，任何決定係冇落實過。」Mag否認有跟Starz People密斟，她卻承認有其他公司接觸，她續說：「密斟就冇，但有啲人會打聽吓，我想諗清楚自己條路方向先，都有同TVB傾緊。」可是嫌工作量低，不受重用？她說：「又唔係，我發現入咗行，先發現做藝人嘅辛苦，job未必係必然，經理人有努力同我爭取，我都有唔少嘢做，只係我個人比較懶，好少發Instagram同facebook。」Mag表示初出道時為鞏固地位不停爭取曝光，即使現在曝光率少了，但收入仍夠生活，她說：「我收入養到屋企、兩隻狗、阿爸阿媽同細佬，都OK。」有指Mag除離開無綫，同時也會跟英皇結束賓主關係，英皇高層吳雨昨在電話中回應：「Mag份約係好快完，佢經理人係無綫，佢簽唔簽番英皇，由無綫決定，不過我哋合作咁耐，關係好好。」如Mag離開無綫，英皇會加簽她經理人合約嗎？吳雨說：「等無綫方面同Mag明確啲先。」採訪：楊定





來源: http://hk.apple.nextmedia.com/entertainment/art/20151007/19323174
PermaLink: https://articles.zkiz.com/?id=292867

【馮仁昭四圍超】林欣彤擺錯MV上網

1 : GS(14)@2016-09-27 08:02:25

林欣彤（Mag）噚日同監製舒文到商台宣傳新歌《懸崖花》，舒文笑Mag而家做埋唱片公司老闆，Mag話：「而家係半獨立歌手，有唱片公司搵過，但想試吓親力親為，多謝舊公司訓練我。」
Mag又自爆網上嘅MV係錯體版：「放歌上網嗰陣自己喺內地，未睇過搞到出錯，好彩點擊都幾好，又唔捨得拉返落嚟。」會唔會做國語歌？佢話：「想做廣東歌多啲，香港係我嘅根。」撰文：馮仁昭




來源: http://hk.apple.nextmedia.com/entertainment/art/20160927/19782641
PermaLink: https://articles.zkiz.com/?id=310298

林欣彤淡忘受虐傷痛

1 : GS(14)@2016-10-01 13:19:57

林欣彤（Mag）昨日連同香港花劍代表隊成員張家朗到港台做訪問，節目內家朗向Mag傳授劍擊技巧。Mag講到近日為新歌《懸崖花》宣傳，歌曲以感情路上的傷心事為題，曾被舊愛虐打的Mag直言：「每件事都有兩面，大家都有唔成熟嘅時候，而家自己已經move on。」新老闆王祖藍可贊成找新對象？Mag說：「佢話我乖乖哋就得，後生女嘅嘢佢唔理咁多，畀好多自由我。」




來源: http://hk.apple.nextmedia.com/entertainment/art/20161001/19787157
PermaLink: https://articles.zkiz.com/?id=310878

【馮仁昭四圍超】林欣彤冇興趣咀許廷鏗

1 : GS(14)@2016-10-11 08:12:01

林欣彤（Mag）闊別一排重新推出新歌《懸崖花》，噚日喺荃灣舉行MV首播會，經理人公司老闆王祖藍專程返港支持，MV又搵來好友許廷鏗做男主角，仲有錫Mag額頭同鼻貼鼻。問到Mag點解冇衝動咀埋？佢話：「冇衝動，太熟好尷尬。」佢仲強調冇興趣奪對方螢幕初吻。祖藍被問到Angelababy懷孕，佢話已經喺微博恭賀對方。撰文：馮仁昭




來源: http://hk.apple.nextmedia.com/entertainment/art/20161011/19796735
PermaLink: https://articles.zkiz.com/?id=311561

林欣彤新歌贈前男友

1 : GS(14)@2016-10-16 08:20:09

林欣彤（Mag）日前接受商台節目《1圈圈－星光背後》訪問，其新歌《懸崖花》是送給前男友的作品，她指雙方離合多次，自己對感情極度執着，盼用真誠感動對方。
Mag說：「問題一早出現，大家中間都各自有男女朋友，但一直放唔開！我哋嘅關係好唔愉快咁結束，最近聽到朋友話佢有新女朋友，生活得好開心，好戥佢開心，我自己都恢復晒。」




來源: http://hk.apple.nextmedia.com/entertainment/art/20161016/19802045
PermaLink: https://articles.zkiz.com/?id=312285

林欣彤拍戲頻NG

1 : GS(14)@2016-11-21 00:05:14

林欣彤（Mag）與Nowhere Boys昨日在尖沙嘴出席「JOOX音樂」活動，她表示最近和蔣志光、王祖藍、蔡瀚億（BabyJohn）和陳嘉佳等合作拍劇，劇中扮演蔣志光的女兒。
Mag說：「覺得好好玩，同佢哋拍戲，我成日忍唔住笑，要NG。」談及前緋聞男友羅孝勇日前承認戀上王丹妮，Mag自言沒留意相關報道：「但我會祝福佢愉快。」




來源: http://hk.apple.nextmedia.com/entertainment/art/20161120/19839374
PermaLink: https://articles.zkiz.com/?id=316401

【馮仁昭四圍超】林欣彤頒獎禮預咗陪坐

1 : GS(14)@2016-12-07 08:01:10

林欣彤噚日喺九龍灣出席眼鏡店宣傳活動，分享個人揀眼鏡心得，佢話喺唔夠瞓或冇化妝之下最鍾意佩戴超大黑超遮掩眉眼。林欣彤今年只推出一首歌曲，坦言對年尾嘅樂壇成績表冇乜嘢期望，預咗去坐，但仍然會出席各大頒獎禮，佢話：「我想睇朋友攞獎，心目中有人選，但唔講得。」近日林欣彤拍劇拍到天昏地暗，搞到年尾搵外快日子都錯過。撰文：馮仁昭




來源: http://hk.apple.nextmedia.com/entertainment/art/20161207/19857102
PermaLink: https://articles.zkiz.com/?id=318647

林欣彤收身等開騷

1 : GS(14)@2017-05-01 11:58:04

林欣彤（Mag）、方健儀、Supper Moment等昨日現身又一城舉行的「饑饉30」閉幕禮，有別於以往形式，今年沒有舉行探訪旅程，Mag跟Supper Moment都感可惜，Mag原本希望探望助養非洲兒童，而Supper Moment想透過探訪，將所見所聞感染樂迷，幫助有需要的人。
Mag計劃年內推出三首歌兼舉行演唱會，近日努力收身中，她說：「過咗25歲就發現個肚有啲肉，要食少啲同做運動收吓。」對於羅孝勇情況，她指對方情況好好，不用擔心。Supper Moment將到倫敦舉行兩場迷你音樂會，表示信念成真。採訪、攝影：馬建華



難得生性暴龍哥創科眾籌夢，遭隱世肥報販秒殺！https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170501/20006953
PermaLink: https://articles.zkiz.com/?id=332178

【馮仁昭四圍超】林欣彤忍尿兩個鐘

1 : GS(14)@2017-06-10 12:41:09

林欣彤早前拍攝新歌《奇怪》MV，佢笑話發覺過程最辛苦係忍尿：「其中一件戲服好多綁嚟綁去嘅地方，好難着，為咗防走光，入面要着泳衣打底，一件頭泳衣去洗手間已經唔方便，而外面件衫亦好難除，為咗唔阻住大家收工，惟有忍住唔去廁所，嗰兩個鐘簡直度日如年，我要同工作人員講食乜嘢去分散注意力！」撰文：馮仁昭




來源: http://hk.apple.nextmedia.com/entertainment/art/20170606/20045690
PermaLink: https://articles.zkiz.com/?id=334748

林欣彤生日變豬頭

1 : GS(14)@2017-07-29 03:23:58

林欣彤早前跟中港兩地粉絲舉行聚會兼慶祝27歲生日，雖然當日曾掛過八號風球，但很快就落波，林欣彤事後在網上留言：「被你們的愛打動到哭成豬頭……」她感謝粉絲為自己無私付出：「佢哋真係好無條件咁為我同支持我，我又唔係成日都可以同佢哋見面，但每次我出席活動，佢哋都一定會嚟支持。當我做嘢好攰，或者個人好乏力，見到佢哋舉住牌就好有動力。」林欣彤承諾每年盡量抽空與粉絲見面。至於今年生日願望，除了事業外她亦希望為流浪貓狗籌款。撰文：李森




來源: http://hk.apple.nextmedia.com/entertainment/art/20170727/20102436
PermaLink: https://articles.zkiz.com/?id=338934
Next Page
ZKIZ Archives @ 2019