專家憂息魔打擊2017樓市難樂觀
1 :
GS(14)@2017-01-02 11:24:32■施永青指，樓市向下趨勢已無法扭轉。 李潤芳攝
【本報訊】2016年樓市在全城一片睇淡下，竟急速反彈，更迫使政府匆匆出辣招打壓。本報邀請中原集團主席兼總裁施永青、經濟學家關焯照及祥益地產總裁汪敦敬為今年樓市把脈，他們皆認為不明朗因素充斥，施永青及關焯照認為在「息魔」降臨下，樓市難看好，最多將跌逾一成；汪敦敬則繼續看好後市，認為樓價年中前勢破頂向上。記者：程俊華 陳家雄
施永青：港遲早跟隨美加息
中原集團主席施永青去年的樓市預測贏了上半場，中場轉軚，預計去年首季樓價較2015年高位回落15%，結果估中！原本睇有排跌，卻於英國脫歐後發表樓價「M」形走勢預測，料回升並觸及2015年高位。他承認曾睇錯、轉了軚，但沒改變樓市一定落的睇法，2017年上半年跌5%，若美國加息逾半厘將觸發本港樓市跌得更快。施永青坦言去年中轉軚，「由睇跌到睇升，仲唔轉軚？不過?家睇返跌，跌得相對慢。」當日轉軚因英國脫歐，「出面兵荒馬亂，不如喺香港買啲物業，投資者重置資產，再對地產偏好增加，所以香港樓市回升」。他承認「有啲地方睇錯咗」，但強調「向下大趨勢已無法扭轉，即使今日，不利因素仍是多於有利因素，只不過貨幣因素令香港樓價上升」。尤其人民幣貶值，「揸住人民幣資產的人恐慌，所以好多錢落來。恐懼時，作的決定未必正確，非本地買家畀稅增加至30%，照理由，任何投資者都無咁儍，即係頭十年無租收，如果樓價無升，印花稅都蝕埋，唔係蝕少少是蝕30%」。資金找避風塘，必有部份落入本港地產市場。不過隨住政府加辣，入市成本驟增，「本來買樓收租可能是小市民養老的一條出路，但?家變成奢侈行為」。政府目前是「畀有仔女而未買樓的投資者去投資」，他強調：「呢個時刻，咁嘅價錢，真是有條件買樓嘅人唔多。如果資金無不斷流入香港，樓價未必企到咁高」。
港經濟差 市民減慢買樓
再者，香港經濟前景堪虞，旅遊業、零售、物流以至金融業欠佳，雖未即拖累樓市，但經濟轉差，人工加得少，市民買樓速度減慢。本港樓價跌幾多幾快，視乎美國加息，就算首兩次加息，香港不跟隨，最終香港都要跟。「我自己睇，樓價一定落。客觀睇，不利因素主導，只不過資金無出路，我2年前已經唔睇好，所以走咁啲貨。2017年樓價微微向下，緩慢下跌，上半年跌5%。直到美國加息影響明顯為止，例如加息超過半厘後，市民有感覺，樓價會跌得快啲」。
來源:
http://hk.apple.nextmedia.com/financeestate/art/20170102/19883665