【馮仁昭四圍超】賈思樂騷嘉賓報料戚美珍勁讚華仔
1 :
GS(14)@2017-06-10 12:55:59賈思樂（Louie）前晚喺尖沙嘴舉行慶祝入行40周年音樂會，王馨平、黎瑞恩、羅敏莊、戚美珍（三嫂）做嘉賓。三嫂接受訪問時講笑話，可能Louie怕佢靚過晒其他女嘉賓，所以冇搵佢上台唱歌，只係負責上台爆Louie往事。三嫂仲話原本去年有個導演朋友搵佢開騷，不過因為有病推咗，佢話：「患咗椎間盤突出，醫咗好耐，企一、兩分鐘一定要坐，用咗枴杖好耐，?家情況好咗，仲有做物理治療。」所以劉德華受傷，三嫂感同身受，佢話：「真係不敢想像，我椎間盤突出拮到神經線都麻痹，唔會行唔到，佢畀隻馬壓親，真係好痛。劉生韌力過人，希望佢快啲好番。」黎瑞恩就趁暑假同一對仔女去旅行，佢話：「去邊佢哋話事，有一樣嘢好開心，家姐聽到我同泳兒首合唱歌，佢冇試過話我嘅歌好聽，今次打嚟話好聽，仲抄埋歌詞，我覺得幾好，對佢中文有幫助，不過佢係寫簡體字。首歌係講媽咪同個女，我自己聽都喊咗幾次。」
■賈思樂前晚開個唱，請咗唔少好友做嘉賓。
■王馨平希望今年成功開演唱會，到時會表演彈結他。
王馨平傾個唱
而王馨平唱歌外仲表演結他伴奏，佢話平時都有彈畀老公聽，老公都識彈，試過一齊彈結他。佢仲話最近傾緊開演唱會，希望今年成事：「到時要彈結他，啲衫要勁過上次（早前穿勁低胸上節目），上次小意思箒。」撰文：馮仁昭
■劉德華雖然要養傷，但佢都有送花籃賀賈思樂開騷。
■劉德華。資料圖片
來源:
http://hk.apple.nextmedia.com/entertainment/art/20170607/20046657
賈思樂被爆戀蓮妹
1 :
GS(14)@2017-06-10 13:09:47賈思樂前晚於文化中心完成入行40周年演唱會尾場演出，邀得陳松伶、林建明（大姐明）及盧海鵬等擔任嘉賓，其中松松演唱時被台下的鄭少秋突然恭喜：「恭喜你有咗BB。」而大姐明更在台上逼賈思樂認曾跟陳玉蓮拍拖，另一嘉賓鵬哥更反串扮徐小鳳出場。賈思樂受訪時透露正養傷的劉德華亦送花籃支持，他稱曾跟華仔以短訊聯絡，提到被大姐明爆情史：「大姐明搵嘢嚟講啫，?家同蓮妹係好朋友。」對於被秋官誤會有BB，松松直言跟老公都想生小朋友：「試過人工受孕同雪卵，但要睇緣分。」採訪：曹家誠攝影：陳順禎
來源:
http://hk.apple.nextmedia.com/entertainment/art/20170608/20047974
賈思樂尊重蓮妹信仰
1 :
GS(14)@2017-06-23 01:44:38賈思樂、張達明、廖安麗及李琳琳等昨日到沙田出席常霖法師（葉青霖）新書《生死兩相安》發佈會。賈思樂回想多年前遇過的車禍，令他刻骨銘心，此後他凡事不太執着，亦珍惜機會對家人表達愛意。對於好友陳玉蓮被指捲入邪教，賈思樂說：「唔想講呢啲，我好欣賞蓮妹，尊重佢做任何嘢，會好支持佢，佢係我永遠嘅好朋友，見佢?家好開心。」張達明表示閒時會找常霖法師聊天，研究佛學，向對方討教，他說：「常霖法師指點我好多，更幫我修改舞台劇關於佛學嘅用詞。」昨日父親節，達明原先想帶同仔女出席，但碰上仔女要考試，只好打消念頭。採訪：張俊銘攝影：陳俊強
來源:
http://hk.apple.nextmedia.com/entertainment/art/20170619/20060423
Next Page