19歲徐嬌晒長腿女人味出晒嚟
1 :
GS(14)@2016-12-24 10:42:39徐嬌喺2006年9歲嘅時候拍星爺嘅《長江七號》反串扮男仔，08年電影上映嘅時候一鳴驚人，唔經唔覺今年已經19歲喇！長大咗嘅佢仲做咗Cosplay發燒友，成日post cosplay相俾大家睇！由小朋友變咗少女嘅徐嬌，經已長得婷婷玉立，近日佢喺大陸出席美容產品活動，一身黑色連身短裙加高踭鞋勁騷長腿，坐喺高凳上啲女人味真係出晒嚟！除咗美貌之外，徐嬌都有番咁上下內涵㗎！佢係微博post代言相，仲話：「9歲時，我得到了一個拍戲的機會，於是我毅然剪掉長發去演小男孩；16歲時，有人說既然做了明星就要把握機會，可我還是選擇出國留學。現在的我，二次元、拍短片、畫油畫，做一切我想做的事。誰說，20歲的女生不知道自己想要什麼？」而佢出國留學成績都唔差㗎！喺美國一共有4間名校取錄佢，分別係雪城大學、邁阿密大學、查普曼大學、藝術中心設計學院，仲俾網民封佢為「學霸」o添！
來源:
http://hk.apple.nextmedia.com/entertainment/art/20161223/19874385